महता हि महाबाहुः प्रत्ययेन महाबलः । प्रेषितो रावणेनैष सह वीरैर् मदोत्कटैः ॥
ब्राह्मेणास्त्रेण स तु मां प्रबध्नाच् चातिवेगतः । रज्जूभिर् अभिबध्नन्ति ततो मां तत्र राक्षसाः ॥
रावणस्य समीपं च गृहीत्वा माम् उपानयन् । दृष्ट्वा संभाषितश् चाहं रावणेन दुरात्मना ॥
पृष्टश् च लङ्कागमनं राक्षसानां च तद् वधम् । तत् सर्वं च मया तत्र सीतार्थम् इति जल्पितम् ॥
अस्याहं दर्शनाकाङ्क्षी प्राप्तस् त्वद्भवनं विभो । मारुतस्यौरसः पुत्रो वानरो हनुमान् अहम् ॥
रामदूतं च मां विद्धि सुग्रीवसचिवं कपिम् । सो ऽहं दौत्येन रामस्य त्वत्समीपम् इहागतः ॥
शृणु चापि समादेशं यद् अहं प्रब्रवीमि ते । राक्षसेश हरीशस् त्वां वाक्यम् आह समाहितम् । धर्मार्थकामसहितं हितं पथ्यम् इवाशनम् ॥
वसतो ऋष्यमूके मे पर्वते विपुलद्रुमे । राघवो रणविक्रान्तो मित्रत्वं समुपागतः ॥
तेन मे कथितं राजन् भार्या मे रक्षसा हृता । तत्र साहाय्यहेतोर् मे समयं कर्तुम् अर्हसि ॥
वालिना हृतराज्येन सुग्रीवेण सह प्रभुः । चक्रे ऽग्निसाक्षिकं सक्यं राघवः सहलक्ष्मणः ॥
तेन वालिनम् उत्साद्य शरेणैकेन संयुगे । वानराणां महाराजः कृतः संप्लवतां प्रभुः ॥
तस्य साहाय्यम् अस्माभिः कार्यं सर्वात्मना त्व् इह । तेन प्रस्थापितस् तुभ्यं समीपम् इह धर्मतः ॥
क्षिप्रम् आनीयतां सीता दीयतां राघवस्य च । यावन् न हरयो वीरा विधमन्ति बलं तव ॥
वानराणां प्रभवो हि न केन विदितः पुरा । देवतानां सकाशं च ये गच्छन्ति निमन्त्रिताः ॥
इति वानरराजस् त्वाम् आहेत्य् अभिहितो मया । माम् ऐक्षत ततो रुष्टश् चक्षुषा प्रदहन्न् इव ॥
तेन वध्यो ऽहम् आज्ञप्तो रक्षसा रौद्रकर्मणा ॥
ततो विभीषणो नाम तस्य भ्राता महामतिः । तेन राक्षसराजो ऽसौ याचितो मम कारणात् ॥
दूतवध्या न दृष्टा हि राजशास्त्रेषु राक्षस । दूतेन वेदितव्यं च यथार्थं हितवादिना ॥
सुमहत्य् अपराधे ऽपि दूतस्यातुलविक्रमः । विरूपकरणं दृष्टं न वधो ऽस्तीह शास्त्रतः ॥
विभीषणेनैवम् उक्तो रावणः संदिदेश तान् । राक्षसान् एतद् एवाद्य लाङ्गूलं दह्यताम् इति ॥
mahatā hi mahābāhuḥ pratyayena mahābalaḥ | preṣito rāvaṇenaiṣa saha vīrair madotkaṭaiḥ ||
brāhmeṇāstreṇa sa tu māṃ prabadhnāc cātivegataḥ | rajjūbhir abhibadhnanti tato māṃ tatra rākṣasāḥ ||
rāvaṇasya samīpaṃ ca gṛhītvā mām upānayan | dṛṣṭvā saṃbhāṣitaś cāhaṃ rāvaṇena durātmanā ||
pṛṣṭaś ca laṅkāgamanaṃ rākṣasānāṃ ca tad vadham | tat sarvaṃ ca mayā tatra sītārtham iti jalpitam ||
asyāhaṃ darśanākāṅkṣī prāptas tvadbhavanaṃ vibho | mārutasyaurasaḥ putro vānaro hanumān aham ||
rāmadūtaṃ ca māṃ viddhi sugrīvasacivaṃ kapim | so 'haṃ dautyena rāmasya tvatsamīpam ihāgataḥ ||
śṛṇu cāpi samādeśaṃ yad ahaṃ prabravīmi te | rākṣaseśa harīśas tvāṃ vākyam āha samāhitam | dharmārthakāmasahitaṃ hitaṃ pathyam ivāśanam ||
vasato ṛṣyamūke me parvate vipuladrume | rāghavo raṇavikrānto mitratvaṃ samupāgataḥ ||
tena me kathitaṃ rājan bhāryā me rakṣasā hṛtā | tatra sāhāyyahetor me samayaṃ kartum arhasi ||
vālinā hṛtarājyena sugrīveṇa saha prabhuḥ | cakre 'gnisākṣikaṃ sakyaṃ rāghavaḥ sahalakṣmaṇaḥ ||
tena vālinam utsādya śareṇaikena saṃyuge | vānarāṇāṃ mahārājaḥ kṛtaḥ saṃplavatāṃ prabhuḥ ||
tasya sāhāyyam asmābhiḥ kāryaṃ sarvātmanā tv iha | tena prasthāpitas tubhyaṃ samīpam iha dharmataḥ ||
kṣipram ānīyatāṃ sītā dīyatāṃ rāghavasya ca | yāvan na harayo vīrā vidhamanti balaṃ tava ||
vānarāṇāṃ prabhavo hi na kena viditaḥ purā | devatānāṃ sakāśaṃ ca ye gacchanti nimantritāḥ ||
iti vānararājas tvām āhety abhihito mayā | mām aikṣata tato ruṣṭaś cakṣuṣā pradahann iva ||
tena vadhyo 'ham ājñapto rakṣasā raudrakarmaṇā ||
tato vibhīṣaṇo nāma tasya bhrātā mahāmatiḥ | tena rākṣasarājo 'sau yācito mama kāraṇāt ||
dūtavadhyā na dṛṣṭā hi rājaśāstreṣu rākṣasa | dūtena veditavyaṃ ca yathārthaṃ hitavādinā ||
sumahaty aparādhe 'pi dūtasyātulavikramaḥ | virūpakaraṇaṃ dṛṣṭaṃ na vadho 'stīha śāstrataḥ ||
vibhīṣaṇenaivam ukto rāvaṇaḥ saṃdideśa tān | rākṣasān etad evādya lāṅgūlaṃ dahyatām iti ||
«Индраджит был послан Раваной с большим доверием, вместе с героями, опьянёнными гордостью. Он очень быстро связал меня оружием Брахмы, а затем ракшасы там обвязали меня верёвками. Схватив, они привели меня к Раване. Злонравный Равана увидел меня, заговорил со мной и спросил о приходе в Ланку и об убийстве ракшасов. Всё это я объяснил там: “Ради Ситы. Желая увидеть её, я пришёл в твой дом, о владыка. Я ванара Хануман, родной сын Марута. Знай меня как посланника Рамы, капи, советника Сугривы. Я пришёл сюда к тебе по посольству Рамы. Слушай наставление, которое я говорю тебе, о владыка ракшасов: владыка хари обращает к тебе сосредоточенное слово, соединённое с дхармой, пользой и желанием, благотворное, как целебная пища. Когда я жил на Ришьямуке, горе с обширными деревьями, доблестный в битве Рагхава пришёл ко мне для дружбы. Он сказал мне: ‘Моя жена похищена ракшасом; ради помощи в этом тебе следует заключить со мной договор’. С Сугривой, у которого Вали отнял царство, владыка Рагхава вместе с Лакшманой заключил дружбу при Агни как свидетеле. Затем, уничтожив Вали одной стрелой в битве, он сделал Сугриву великим царём ванаров, владыкой прыгунов. Ему мы должны помогать всем существом. Поэтому он по дхарме отправил меня сюда к тебе. Пусть Сита будет быстро приведена и отдана Рагхаве, пока герои-хари не разнесли твою силу. Кто не знает древнего могущества ванаров, которые, будучи приглашены, идут даже к богам?” Так я сказал: “Царь ванаров говорит тебе”. Тогда разгневанный Равана посмотрел на меня глазом, словно сжигая, и этот свиреподейственный ракшас приказал убить меня. Затем его великомудрый брат по имени Вибхишана ради меня стал просить царя ракшасов: “О ракшас, в царских шастрах не видится убийство посланника; посланник, говорящий благо, должен сообщать всё как есть. Даже при очень большом проступке посланника, о несравненный доблестью, по шастре допускается уродование, но убийства нет”. Услышав такие слова Вибхишаны, Равана приказал ракшасам: “Пусть сегодня будет сожжён именно его хвост”».
fde612535333 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Хануман не скрывает, что был связан: он использует плен как путь к Раване и как возможность передать послание Сугривы и Рамы. На этом фоне Вибхишана впервые проявляет различение дхармы внутри Ланки.