तस्य तद्वचनं श्रुत्वा रावणस्य दुरात्मनः । राक्षस्यस् तास् तथेत्य् उक्त्वा प्रजग्मुर् यत्र पुष्पकम् ॥
ततः पुष्पकम् आदय राक्षस्यो रावणाज्ञया । अशोकवनिकास्थां तां मैथिलीं समुपानयन् ॥
ताम् आदाय तु राक्षस्यो भर्तृशोकपरायणाम् । सीताम् आरोपयाम् आसुर् विमानं पुष्पकं तदा ॥
ततः पुष्पकम् आरोप्य सीतां त्रिजटया सह । रावणो ऽकारयल् लङ्कां पताकाध्वजमालिनीम् ॥
प्राघोषयत हृष्टश् च लङ्कायां राक्षसेश्वरः । राघवो लक्ष्मणश् चैव हताव् इन्द्रजिता रणे ॥
विमानेनापि सीता तु गत्वा त्रिजटया सह । ददर्श वानराणां तु सर्वं सिन्यं निपातितम् ॥
प्रहृष्टमनसश् चापि ददर्श पिशिताशनान् । वानरांश् चापि दुःखार्तान् रामलक्ष्मणपार्श्वतः ॥
ततः सीता ददर्शोभौ शयानौ शततल्पयोः । लक्ष्मणं चैव रामं च विसंज्ञौ शरपीडितौ ॥
विध्वस्तकवचौ वीरौ विप्रविद्धशरासनौ । सायकैश् छिन्नसर्वाङ्गौ शरस्तम्भमयौ क्षितौ ॥
तौ दृष्ट्वा भ्रातरौ तत्र वीरौ सा पुरुषर्षभौ । दुःखार्ता सुभृशं सीता करुणं विललाप ह ॥
सा बाष्पशोकाभिहता समीक्ष्य; तौ भ्रातरौ देवसमप्रभावौ । वितर्कयन्ती निधनं तयोः सा; दुःखान्विता वाक्यम् इदं जगाद ॥
tasya tadvacanaṃ śrutvā rāvaṇasya durātmanaḥ | rākṣasyas tās tathety uktvā prajagmur yatra puṣpakam ||
tataḥ puṣpakam ādaya rākṣasyo rāvaṇājñayā | aśokavanikāsthāṃ tāṃ maithilīṃ samupānayan ||
tām ādāya tu rākṣasyo bhartṛśokaparāyaṇām | sītām āropayām āsur vimānaṃ puṣpakaṃ tadā ||
tataḥ puṣpakam āropya sītāṃ trijaṭayā saha | rāvaṇo 'kārayal laṅkāṃ patākādhvajamālinīm ||
prāghoṣayata hṛṣṭaś ca laṅkāyāṃ rākṣaseśvaraḥ | rāghavo lakṣmaṇaś caiva hatāv indrajitā raṇe ||
vimānenāpi sītā tu gatvā trijaṭayā saha | dadarśa vānarāṇāṃ tu sarvaṃ sinyaṃ nipātitam ||
prahṛṣṭamanasaś cāpi dadarśa piśitāśanān | vānarāṃś cāpi duḥkhārtān rāmalakṣmaṇapārśvataḥ ||
tataḥ sītā dadarśobhau śayānau śatatalpayoḥ | lakṣmaṇaṃ caiva rāmaṃ ca visaṃjñau śarapīḍitau ||
vidhvastakavacau vīrau vipraviddhaśarāsanau | sāyakaiś chinnasarvāṅgau śarastambhamayau kṣitau ||
tau dṛṣṭvā bhrātarau tatra vīrau sā puruṣarṣabhau | duḥkhārtā subhṛśaṃ sītā karuṇaṃ vilalāpa ha ||
sā bāṣpaśokābhihatā samīkṣya; tau bhrātarau devasamaprabhāvau | vitarkayantī nidhanaṃ tayoḥ sā; duḥkhānvitā vākyam idaṃ jagāda ||
Услышав это слово злодушного Раваны, ракшаси сказали: «Да будет так», и пошли туда, где была Пушпака. Затем по приказу Раваны ракшаси взяли Пушпаку и привели Майтхили, находившуюся в Ашоковой роще. Взяв Ситу, погружённую в скорбь о муже, они посадили её тогда на воздушную колесницу Пушпаку. Затем, посадив Ситу вместе с Триджатой на Пушпаку, Равана велел украсить Ланку стягами и знамёнами. Радостный владыка ракшасов велел провозгласить в Ланке: «Рагхава и Лакшмана убиты Индраджитом в битве». Отправившись на воздушной колеснице вместе с Триджатой, Сита увидела всё поверженное войско ванаров. Она увидела и пожирателей мяса с радостным умом, и ванаров, измученных горем, рядом с Рамой и Лакшманой. Затем Сита увидела обоих — Лакшману и Раму, лежащих на ложах из стрел, без сознания, измученных стрелами; двух героев с разбитыми доспехами, с отброшенными луками, со всеми членами, рассечёнными стрелами, словно столбы из стрел на земле. Увидев там двух братьев, двух героев, двух быков среди людей, Сита, очень сильно измученная горем, жалобно заплакала. Поражённая слезами и скорбью, увидев двух братьев, равных богам могуществом, и предполагая их смерть, она, исполненная горя, произнесла эти слова.
413d70e601d0 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Ситу ведут смотреть на картину, созданную для разрушения её веры. Но даже эта сцена становится свидетельством её любви: она видит не политическое поражение, а страдание любимого Господа и Его брата.