एवम् उक्तस् तु रामेण त्वरमाणो विभीषणः । प्रविश्यान्तःपुरं सीतां स्त्रीभिः स्वाभिर् अचोदयत् ॥
दिव्याङ्गरागा वैदेही दिव्याभरणभूषिता । यानम् आरोह भद्रं ते भर्ता त्वां द्रष्टुम् इच्छति ॥
एवम् उक्ता तु वैदेही प्रत्युवाच विभीषणम् । अस्नाता द्रष्टुम् इच्छामि भर्तारं राक्षसाधिप ॥
तस्यास् तद्वचनं श्रुत्वा प्रत्युवाच विभीषणः । यथाहं रामो भर्ता ते तत् तथा कर्तुम् अर्हसि ॥
तस्य तद्वचनं श्रुत्वा मैथिली भ्रातृदेवता । भर्तृभक्तिव्रता साध्वी तथेति प्रत्यभाषत ॥
ततः सीतां शिरःस्नातां युवतीभिर् अलंकृताम् । महार्हाभरणोपेतां महार्हाम्बरधारिणीम् ॥
आरोप्य शिबिकां दीप्तां परार्ध्याम्बरसंवृताम् । रक्षोभिर् बहुभिर् गुप्ताम् आजहार विभीषणः ॥
सो ऽभिगम्य महात्मानं ज्ञात्वाभिध्यानम् आस्थितम् । प्रणतश् च प्रहृष्टश् च प्राप्तां सीतां न्यवेदयत् ॥
ताम् आगताम् उपश्रुत्य रक्षोगृहचिरोषिताम् । हर्षो दैन्यं च रोषश् च त्रयं राघवम् आविशत् ॥
evam uktas tu rāmeṇa tvaramāṇo vibhīṣaṇaḥ | praviśyāntaḥpuraṃ sītāṃ strībhiḥ svābhir acodayat ||
divyāṅgarāgā vaidehī divyābharaṇabhūṣitā | yānam āroha bhadraṃ te bhartā tvāṃ draṣṭum icchati ||
evam uktā tu vaidehī pratyuvāca vibhīṣaṇam | asnātā draṣṭum icchāmi bhartāraṃ rākṣasādhipa ||
tasyās tadvacanaṃ śrutvā pratyuvāca vibhīṣaṇaḥ | yathāhaṃ rāmo bhartā te tat tathā kartum arhasi ||
tasya tadvacanaṃ śrutvā maithilī bhrātṛdevatā | bhartṛbhaktivratā sādhvī tatheti pratyabhāṣata ||
tataḥ sītāṃ śiraḥsnātāṃ yuvatībhir alaṃkṛtām | mahārhābharaṇopetāṃ mahārhāmbaradhāriṇīm ||
āropya śibikāṃ dīptāṃ parārdhyāmbarasaṃvṛtām | rakṣobhir bahubhir guptām ājahāra vibhīṣaṇaḥ ||
so 'bhigamya mahātmānaṃ jñātvābhidhyānam āsthitam | praṇataś ca prahṛṣṭaś ca prāptāṃ sītāṃ nyavedayat ||
tām āgatām upaśrutya rakṣogṛhaciroṣitām | harṣo dainyaṃ ca roṣaś ca trayaṃ rāghavam āviśat ||
Услышав это от Рамы, Вибхишана поспешил, вошёл во внутренние покои и через своих женщин велел Сите: «Вайдехи, умасти себя божественными благовониями, украсься божественными украшениями и взойди на повозку. Благо тебе: муж хочет увидеть тебя». Вайдехи ответила Вибхишане: «Владыка ракшасов, я хочу увидеть мужа неомытой». Услышав её слова, Вибхишана ответил: «Как сказал Рама, твой муж, так тебе и следует сделать». Услышав его слова, добродетельная Майтхили, почитавшая деверя как божество и державшая обет преданности мужу, ответила: «Да будет так». Затем Вибхишана привёл Ситу: она была с омытой головой, украшена молодыми женщинами, облачена в дорогие одежды, с драгоценными украшениями; её посадили в сияющий паланкин, покрытый превосходными тканями и охраняемый многими ракшасами. Подойдя к великодушному Раме и поняв, что он погружён в раздумье, Вибхишана, склонённый и радостный, сообщил, что Сита прибыла. Услышав, что пришла та, кто долго жила в доме ракшаса, Рагхаву одновременно охватили три чувства: радость, жалость и гнев.
0ec59d078cfb · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Сита хочет прийти такой, какой пережила плен, но принимает волю Рамы. Её послушание не слабость: она остаётся верной своему внутреннему обету даже тогда, когда внешняя сцена становится тяжёлой и публичной.