एवम् उक्तो महातेजा धृतिमान् दृढविक्रमः । अब्रवीत् त्रिदशश्रेष्ठं रामो धर्मभृतां वरः ॥
अवश्यं त्रिषु लोकेषु सीता पावनम् अर्हति । दीर्घकालोषिता चेयं रावणान्तःपुरे शुभा ॥
बालिशः खलु कामात्मा रामो दशरथात्मजः । इति वक्ष्यन्ति मां सन्तो जानकीम् अविशोध्य हि ॥
अनन्यहृदयां भक्तां मच्चित्तपरिरक्षणीम् । अहम् अप्य् अवगच्छामि मैथिलीं जनकात्मजाम् ॥
प्रत्ययार्थं तु लोकानां त्रयाणां सत्यसंश्रयः । उपेक्षे चापि वैदेहीं प्रविशन्तीं हुताशनम् ॥
इमाम् अपि विशालाक्षीं रक्षितां स्वेन तेजसा । रावणो नातिवर्तेत वेलाम् इव महोदधिः ॥
न हि शक्तः स दुष्टात्मा मनसापि हि मैथिलीम् । प्रधर्षयितुम् अप्राप्तां दीप्ताम् अग्निशिखाम् इव ॥
नेयम् अर्हति चैश्वर्यं रावणान्तःपुरे शुभा । अनन्या हि मया सीतां भास्करेण प्रभा यथा ॥
विशुद्धा त्रिषु लोकेषु मैथिली जनकात्मजा । न हि हातुम् इयं शक्या कीर्तिर् आत्मवता यथा ॥
अवश्यं च मया कार्यं सर्वेषां वो वचो हितम् । स्निग्धानां लोकमान्यानाम् एवं च ब्रुवतां हितम् ॥
evam ukto mahātejā dhṛtimān dṛḍhavikramaḥ | abravīt tridaśaśreṣṭhaṃ rāmo dharmabhṛtāṃ varaḥ ||
avaśyaṃ triṣu lokeṣu sītā pāvanam arhati | dīrghakāloṣitā ceyaṃ rāvaṇāntaḥpure śubhā ||
bāliśaḥ khalu kāmātmā rāmo daśarathātmajaḥ | iti vakṣyanti māṃ santo jānakīm aviśodhya hi ||
ananyahṛdayāṃ bhaktāṃ maccittaparirakṣaṇīm | aham apy avagacchāmi maithilīṃ janakātmajām ||
pratyayārthaṃ tu lokānāṃ trayāṇāṃ satyasaṃśrayaḥ | upekṣe cāpi vaidehīṃ praviśantīṃ hutāśanam ||
imām api viśālākṣīṃ rakṣitāṃ svena tejasā | rāvaṇo nātivarteta velām iva mahodadhiḥ ||
na hi śaktaḥ sa duṣṭātmā manasāpi hi maithilīm | pradharṣayitum aprāptāṃ dīptām agniśikhām iva ||
neyam arhati caiśvaryaṃ rāvaṇāntaḥpure śubhā | ananyā hi mayā sītāṃ bhāskareṇa prabhā yathā ||
viśuddhā triṣu lokeṣu maithilī janakātmajā | na hi hātum iyaṃ śakyā kīrtir ātmavatā yathā ||
avaśyaṃ ca mayā kāryaṃ sarveṣāṃ vo vaco hitam | snigdhānāṃ lokamānyānām evaṃ ca bruvatāṃ hitam ||
Так обращённый, великомощный, стойкий и твёрдодоблестный Рама, лучший из хранителей дхармы, сказал лучшему из богов: «Сита непременно заслуживала очищения перед тремя мирами, ведь эта чистая женщина долго жила во внутренних покоях Раваны. Добрые люди сказали бы обо мне: “Рама, сын Дашаратхи, глуп и ведом желанием, ведь он не очистил Джанаки”. Я и сам знаю Майтхили, дочь Джанаки: её сердце никому другому не принадлежит, она предана и хранит мысль обо мне. Но ради доверия трёх миров я, опирающийся на истину, допустил, чтобы Вайдехи вошла в огонь. Даже эту широкоокую, защищённую собственным сиянием, Равана не мог переступить, как великий океан не переступает берег. Тот злодушный не был способен даже мысленно оскорбить недоступную Майтхили, подобную пылающему языку огня. Эта чистая женщина не могла принадлежать власти внутренних покоев Раваны. Сита неотлична от меня, как сияние от солнца. Майтхили, дочь Джанаки, чиста в трёх мирах; её невозможно оставить, как благородному человеку невозможно оставить свою славу. И мне непременно следует принять ваше благое слово: вы доброжелательны, почитаемы миром и говорите благо».
da67575cbdbe · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама прямо говорит, что знает чистоту Ситы, но действует ради доверия мира. В этой логике огонь не создаёт её чистоту, а делает её публично бесспорной, чтобы союз Ситы и Рамы был принят как сияние и солнце — нераздельно.