उपस्थितं तु तं दृष्ट्वा पुष्पकं पुष्पभूषितम् । अविदूरे स्थितं रामं प्रत्युवाच विभीषणः ॥
स तु बद्धाञ्जलिः प्रह्वो विनीतो राक्षसेश्वरः । अब्रवीत् त्वरयोपेतः किं करोमीति राघवम् ॥
तम् अब्रवीन् महातेजा लक्ष्मणस्योपशृण्वतः । विमृश्य राघवो वाक्यम् इदं स्नेहपुरस्कृतम् ॥
कृतप्रयत्नकर्माणो विभीषण वनौकसः । रत्नैर् अर्थैश् च विविभैर् भूषणैश् चाभिपूजय ॥
सहैभिर् अर्दिता लङ्का निर्जिता राक्षसेश्वर । हृष्टैः प्राणभयं त्यक्त्वा संग्रामेष्व् अनिवर्तिभिः ॥
एवं संमानिताश् चेमे मानार्हा मानद त्वया । भविष्यन्ति कृतज्ञेन निर्वृता हरियूथपाः ॥
त्यागिनं संग्रहीतारं सानुक्रोशं यशस्विनम् । यतस् त्वाम् अवगच्छन्ति ततः संबोधयामि ते ॥
एवम् उक्तस् तु रामेण वानरांस् तान् विभीषणः । रत्नार्थैः संविभागेन सर्वान् एवान्वपूजयत् ॥
upasthitaṃ tu taṃ dṛṣṭvā puṣpakaṃ puṣpabhūṣitam | avidūre sthitaṃ rāmaṃ pratyuvāca vibhīṣaṇaḥ ||
sa tu baddhāñjaliḥ prahvo vinīto rākṣaseśvaraḥ | abravīt tvarayopetaḥ kiṃ karomīti rāghavam ||
tam abravīn mahātejā lakṣmaṇasyopaśṛṇvataḥ | vimṛśya rāghavo vākyam idaṃ snehapuraskṛtam ||
kṛtaprayatnakarmāṇo vibhīṣaṇa vanaukasaḥ | ratnair arthaiś ca vivibhair bhūṣaṇaiś cābhipūjaya ||
sahaibhir arditā laṅkā nirjitā rākṣaseśvara | hṛṣṭaiḥ prāṇabhayaṃ tyaktvā saṃgrāmeṣv anivartibhiḥ ||
evaṃ saṃmānitāś ceme mānārhā mānada tvayā | bhaviṣyanti kṛtajñena nirvṛtā hariyūthapāḥ ||
tyāginaṃ saṃgrahītāraṃ sānukrośaṃ yaśasvinam | yatas tvām avagacchanti tataḥ saṃbodhayāmi te ||
evam uktas tu rāmeṇa vānarāṃs tān vibhīṣaṇaḥ | ratnārthaiḥ saṃvibhāgena sarvān evānvapūjayat ||
Увидев Пушпаку, поставленную рядом и украшенную цветами, Вибхишана обратился к стоявшему неподалёку Раме. Смиренный владыка ракшасов, склонившись со сложенными ладонями и торопясь, сказал Рагхаве: «Что мне делать?» Тогда великомощный Рагхава, пока Лакшмана слушал, обдумал и сказал ему слово, исполненное любви: «Вибхишана, почтительно награди лесных жителей, совершивших трудные дела, различными драгоценностями, богатствами и украшениями. Владыка ракшасов, вместе с ними была сокрушена и побеждена Ланка: они радостно оставили страх за жизнь и не отступали в битвах. Дарующий честь, когда эти достойные почёта вожди обезьян будут так почтены тобой, благодарным царём, они останутся довольны. Поскольку они считают тебя щедрым, объединяющим, сострадательным и славным, я напоминаю тебе об этом». Услышав это от Рамы, Вибхишана распределил драгоценности и богатства и почтил всех тех ванаров.
184c892c67cb · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама перед отъездом заботится не о собственной славе, а о признании служения союзников. Благодарность должна быть видимой: те, кто рисковал жизнью, достойны почёта и дара.