एवम् उक्ताब्रवीद् रम्भा वेपमाना कृताञ्जलिः । प्रसीद नार्हसे वक्तुम् ईदृशं त्वं हि मे गुरुः ॥
अन्येभ्यो ऽपि त्वया रक्ष्या प्राप्नुयां धर्षणं यदि । धर्मतश् च स्नुषा ते ऽहं तत्त्वम् एतद् ब्रवीमि ते ॥
अब्रवीत् तां दशग्रीवश् चरणाधोमुखीं स्थिताम् । सुतस्य यदि मे भार्या ततस् त्वं मे स्नुषा भवेः ॥
बाढम् इत्य् एव सा रम्भा प्राह रावणम् उत्तरम् । धर्मतस् ते सुतस्याहं भार्या राक्षसपुंगव ॥
पुत्रः प्रियतरः प्राणैर् भ्रातुर् वैश्रवणस्य ते । ख्यातो यस् त्रिषु लोकेषु नलकूबर इत्य् असौ ॥
धर्मतो यो भवेद् विप्रः क्षत्रियो वीर्यतो भवेत् । क्रोधाद् यश् च भवेद् अग्निः क्षान्त्या च वसुधासमः ॥
तस्यास्मि कृतसंकेता लोकपालसुतस्य वै । तम् उद्दिश्य च मे सर्वं विभूषणम् इदं कृतम् ॥
यस्य तस्य हि नान्यस्य भावो मां प्रति तिष्ठति । तेन सत्येन मां राजन् मोक्तुम् अर्हस्य् अरिंदम ॥
स हि तिष्ठति धर्मात्मा साम्प्रतं मत्समुत्सुकः । तन् न विघ्नं सुतस्येह कर्तुम् अर्हसि मुञ्च माम् ॥
सद्भिर् आचरितं मार्गं गच्छ राक्षसपुंगव । माननीयो मया हि त्वं लालनीया तथास्मि ते ॥
evam uktābravīd rambhā vepamānā kṛtāñjaliḥ | prasīda nārhase vaktum īdṛśaṃ tvaṃ hi me guruḥ ||
anyebhyo 'pi tvayā rakṣyā prāpnuyāṃ dharṣaṇaṃ yadi | dharmataś ca snuṣā te 'haṃ tattvam etad bravīmi te ||
abravīt tāṃ daśagrīvaś caraṇādhomukhīṃ sthitām | sutasya yadi me bhāryā tatas tvaṃ me snuṣā bhaveḥ ||
bāḍham ity eva sā rambhā prāha rāvaṇam uttaram | dharmatas te sutasyāhaṃ bhāryā rākṣasapuṃgava ||
putraḥ priyataraḥ prāṇair bhrātur vaiśravaṇasya te | khyāto yas triṣu lokeṣu nalakūbara ity asau ||
dharmato yo bhaved vipraḥ kṣatriyo vīryato bhavet | krodhād yaś ca bhaved agniḥ kṣāntyā ca vasudhāsamaḥ ||
tasyāsmi kṛtasaṃketā lokapālasutasya vai | tam uddiśya ca me sarvaṃ vibhūṣaṇam idaṃ kṛtam ||
yasya tasya hi nānyasya bhāvo māṃ prati tiṣṭhati | tena satyena māṃ rājan moktum arhasy ariṃdama ||
sa hi tiṣṭhati dharmātmā sāmprataṃ matsamutsukaḥ | tan na vighnaṃ sutasyeha kartum arhasi muñca mām ||
sadbhir ācaritaṃ mārgaṃ gaccha rākṣasapuṃgava | mānanīyo mayā hi tvaṃ lālanīyā tathāsmi te ||
Услышав это, Рамбха, дрожа и сложив ладони, сказала: «Смилуйся. Ты не должен говорить такое: ты ведь для меня старший. Даже если бы кто-то другой хотел меня оскорбить, ты должен был бы защитить меня. По дхарме я твоя невестка; я говорю тебе истину». Десятиликий сказал ей, стоявшей с лицом, опущенным к его ногам: «Если бы ты была женой моего сына, тогда была бы моей невесткой». Рамбха ответила Раване: «Да, именно так, о лучший из ракшасов: по дхарме я жена твоего сына. Это сын твоего брата Вайшраваны, дороже жизни, известный во всех трёх мирах как Налакубара. По дхарме он подобен брахману, по доблести — кшатрию, в гневе — огню, а в терпении равен земле. Я назначена ему, сыну хранителя мира, и ради него сделала все эти украшения. Моё чувство обращено к нему, а не к кому-то другому; этой истиной, о царь, ты должен отпустить меня, укротитель врагов. Сейчас этот дхармичный ждёт меня и тоскует обо мне. Поэтому не должен ты здесь чинить препятствие своему сыну; отпусти меня. Иди путём, которым ходят достойные, о лучший из ракшасов. Ты должен быть почитаем мной, а я так же должна быть оберегаема тобой».
e48915dc02e7 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рамбха говорит не только о личной просьбе, но о дхарме родства: Равана обязан быть защитником, а не угрозой. Её аргумент ясен и правдив, но желание Раваны уже отрезало его от способности слышать дхарму.