निगृह्य तं महात्मानो विस्फुरन्तं महाबलम् ततो ऽस्य सव्यम् ऊरुं ते ममन्थुर् जातमन्यवः ॥
तस्मिंस् तु मथ्यमाने वै राज्ञ ऊरौ प्रजज्ञिवान् ह्रस्वो ऽतिमात्रः पुरुषः कृष्णश् चापि बभूव ह ॥
स भीतः प्राञ्जलिर् भूत्वा स्थितवाञ् जनमेजय तम् अत्रिर् विह्वलं दृष्ट्वा निषीदेत्य् अब्रवीत् तदा ॥
निषादवंशकर्ता स बभूव वदतां वर धीवरान् असृजच् चापि वेनकल्मषसंभवान् ॥
ये चान्ये विन्ध्यनिलयास् तुमुरास् तुम्बुरास् तथा अधर्मरुचयस् तात विद्धि तान् वेनकल्मषान् ॥
ततः पुनर् महात्मानः पाणिं वेनस्य दक्षिणम् अरणीम् इव संरब्धा ममन्थुस् ते महर्षयः ॥
पृथुस् तस्मात् समुत्तस्थौ कराज् ज्वलनसंनिभः दीप्यमानः स्ववपुषा साक्षाद् अग्निर् इव ज्वलन् ॥
आद्यम् आजगवं नाम धनुर् गृह्य महारवम् शरांश् च दिव्यान् रक्षार्थं कवचं च महाप्रभम् ॥
तस्मिञ् जाते ऽथ भूतानि संप्रहृष्टानि सर्वशः समापेतुर् महाराज वेनश् च त्रिदिवं ययौ ॥
समुत्पन्नेन कौरव्य सत्पुत्रेण महात्मना त्रातः स पुरुषव्याघ्र पुन्नाम्नो नरकात् तदा ॥
तं समुद्राश् च नद्यश् च रत्नान्य् आदाय सर्वशः तोयानि चाभिषेकार्थं सर्व एवोपतस्थिरे ॥
पितामहश् च भगवान् देवैर् आङ्गिरसैः सह स्थावराणि च भूतानि जंगमानि च सर्वशः ॥
समागम्य तदा वैन्यम् अभ्यषिञ्चन् नराधिपम् महता राजराज्येन प्रजापालं महाद्युतिम् ॥
सो ऽभिषिक्तो महातेजा विधिवद् धर्मकोविदैः आधिराज्ये तदा राजा पृथुर् वैन्यः प्रतापवान् ॥
पित्रापरञ्जितास् तस्य प्रजास् तेनानुरञ्जिताः अनुरागात् ततस् तस्य नाम राजेत्य् अजायत ॥
आपस् तस्तम्भिरे तस्य समुद्रम् अभियास्यतः पर्वताश् च ददुर् मार्गं ध्वजसङ्गश् च नाभवत् ॥
अकृष्टपच्या पृथिवी सिध्यन्त्य् अन्नानि चिन्तया सर्वकामदुघा गावः पुटके पुटके मधु ॥
nigṛhya taṃ mahātmāno visphurantaṃ mahābalam tato 'sya savyam ūruṃ te mamanthur jātamanyavaḥ ||
tasmiṃs tu mathyamāne vai rājña ūrau prajajñivān hrasvo 'timātraḥ puruṣaḥ kṛṣṇaś cāpi babhūva ha ||
sa bhītaḥ prāñjalir bhūtvā sthitavāñ janamejaya tam atrir vihvalaṃ dṛṣṭvā niṣīdety abravīt tadā ||
niṣādavaṃśakartā sa babhūva vadatāṃ vara dhīvarān asṛjac cāpi venakalmaṣasaṃbhavān ||
ye cānye vindhyanilayās tumurās tumburās tathā adharmarucayas tāta viddhi tān venakalmaṣān ||
tataḥ punar mahātmānaḥ pāṇiṃ venasya dakṣiṇam araṇīm iva saṃrabdhā mamanthus te maharṣayaḥ ||
pṛthus tasmāt samuttasthau karāj jvalanasaṃnibhaḥ dīpyamānaḥ svavapuṣā sākṣād agnir iva jvalan ||
ādyam ājagavaṃ nāma dhanur gṛhya mahāravam śarāṃś ca divyān rakṣārthaṃ kavacaṃ ca mahāprabham ||
tasmiñ jāte 'tha bhūtāni saṃprahṛṣṭāni sarvaśaḥ samāpetur mahārāja venaś ca tridivaṃ yayau ||
samutpannena kauravya satputreṇa mahātmanā trātaḥ sa puruṣavyāghra punnāmno narakāt tadā ||
taṃ samudrāś ca nadyaś ca ratnāny ādāya sarvaśaḥ toyāni cābhiṣekārthaṃ sarva evopatasthire ||
pitāmahaś ca bhagavān devair āṅgirasaiḥ saha sthāvarāṇi ca bhūtāni jaṃgamāni ca sarvaśaḥ ||
samāgamya tadā vainyam abhyaṣiñcan narādhipam mahatā rājarājyena prajāpālaṃ mahādyutim ||
so 'bhiṣikto mahātejā vidhivad dharmakovidaiḥ ādhirājye tadā rājā pṛthur vainyaḥ pratāpavān ||
pitrāparañjitās tasya prajās tenānurañjitāḥ anurāgāt tatas tasya nāma rājety ajāyata ||
āpas tastambhire tasya samudram abhiyāsyataḥ parvatāś ca dadur mārgaṃ dhvajasaṅgaś ca nābhavat ||
akṛṣṭapacyā pṛthivī sidhyanty annāni cintayā sarvakāmadughā gāvaḥ puṭake puṭake madhu ||
«Великодушные риши схватили его, бьющегося и великосильного, и, охваченные гневом, растёрли его левое бедро. Когда бедро царя растирали, оттуда родился человек слишком низкого роста и тёмного цвета. Он, испуганный, стоял со сложенными ладонями, о Джанамеджая; увидев его смущённым, Атри сказал тогда: “Сядь”. Так он стал родоначальником нишадов, о лучший из говорящих, и также породил дхиваров, возникших из скверны Вены. Других же, живущих в Виндхье, Тумуров и Тумбуров, склонных к беззаконию, знай, дорогой, как скверну Вены. Затем великодушные риши снова, разгневанные словно арани, стали взбивать правую руку Вены. Из руки поднялся Притху, подобный пламени, сияющий собственным телом и горящий словно сам Агни. Он взял первый громозвучный лук по имени Аджагаву, божественные стрелы для защиты и сияющий доспех. Когда он родился, все существа возрадовались, о великий царь, и сошлись; Вена же отправился на небо. Родившимся благим сыном, великой душой, он был спасён, о Кауравья, от ада по имени Пун. К нему явились океаны и реки, принеся всякие драгоценности и воды для помазания. Пришёл и благой Питамаха вместе с богами и Ангирасами, а также все неподвижные и движущиеся существа. Сойдясь к Вайнье, они помазали владыку людей великим царским владычеством как великосияющего защитника подданных. Так Притху Вайнья, могущественный царь, был по правилу помазан знатоками дхармы на верховное царство. Подданные, которых его отец не радовал, были обрадованы им; от любви к нему возникло имя “раджа”. Когда он шёл к океану, воды останавливались для него, горы давали путь, и знамёна не цеплялись. Земля плодоносила без пахоты, пища возникала по мысли, коровы доили все желания, и в каждом сосуде был мёд».
85d441304eba · опубликовано 22 июн. 2026 г., 03:30:31 UTC
Доступно наRUЛистайте стихи клавишами
Риши не уничтожают царскую линию, а очищают её. Из нечистой части Вены выходят низкие склонности, но из очищенного действия мудрецов рождается Притху — царь, чья власть предназначена для защиты. С его появлением сама природа отвечает благом: путь открывается, коровы дают желаемое, и земля снова становится щедрой.