सस्मितं चेव प्रोवाच भृत्यानाम् अग्रतः स्थितः हास्यः खलु स सत्त्वेषु नारदो न विशारदः ॥
नाहं भीषयितुं शक्यो देवैर् अपि सवासवैः आहवस्थः शयानो वा प्रमतो मत्त एव वा ॥
यो ऽहं दोर्भ्याम् उदाराभ्यां क्षोभये ऽहं धराम् इमाम् को ऽस्ति यो मानुषे लोके मां क्षोभयितुम् उत्सहेत् ॥
अद्यप्रभृति भूतानाम् एष देवानुवर्तिनाम् नृपक्षिपशुसंघानां करोमि कदनं महत् ॥
आज्ञाप्यतां हयः केशी प्रलम्बो धेनुकस् तथा अरिष्टो वृषभश् चैव पूतना कालियस् तथा ॥
अटध्वं प्ठिवीं कृत्स्नां यथेष्टं कामरूपिणः प्रहरध्वं च सर्वेषु ये ऽस्माकं पक्षदूषकाः ॥
गर्भस्थानाम् अपि गतिर् विज्ञेया भुवि देहिनाम् नारदेन हि गर्भेभ्यो भयं नः समुदाहृतम् ॥
भवन्तो हि यथाकामं मोदन्तां विगतज्वराः मां च वो नाथम् आश्रित्य नास्ति देवकृतं भयम् ॥
स तु केलिकिलो विप्रो भेदशीलश् च नारदः सुश्लिष्टान् अपि लोकेषु भेदयंल् लभते रतिम् ॥
कण्डूयमानः सततं लोकान् अटति चञ्चलः घटयानो नरेन्द्राणां तन्त्रीवैराणि चैव ह ॥
sasmitaṃ ceva provāca bhṛtyānām agrataḥ sthitaḥ hāsyaḥ khalu sa sattveṣu nārado na viśāradaḥ ||
nāhaṃ bhīṣayituṃ śakyo devair api savāsavaiḥ āhavasthaḥ śayāno vā pramato matta eva vā ||
yo 'haṃ dorbhyām udārābhyāṃ kṣobhaye 'haṃ dharām imām ko 'sti yo mānuṣe loke māṃ kṣobhayitum utsahet ||
adyaprabhṛti bhūtānām eṣa devānuvartinām nṛpakṣipaśusaṃghānāṃ karomi kadanaṃ mahat ||
ājñāpyatāṃ hayaḥ keśī pralambo dhenukas tathā ariṣṭo vṛṣabhaś caiva pūtanā kāliyas tathā ||
aṭadhvaṃ pṭhivīṃ kṛtsnāṃ yatheṣṭaṃ kāmarūpiṇaḥ praharadhvaṃ ca sarveṣu ye 'smākaṃ pakṣadūṣakāḥ ||
garbhasthānām api gatir vijñeyā bhuvi dehinām nāradena hi garbhebhyo bhayaṃ naḥ samudāhṛtam ||
bhavanto hi yathākāmaṃ modantāṃ vigatajvarāḥ māṃ ca vo nātham āśritya nāsti devakṛtaṃ bhayam ||
sa tu kelikilo vipro bhedaśīlaś ca nāradaḥ suśliṣṭān api lokeṣu bhedayaṃl labhate ratim ||
kaṇḍūyamānaḥ satataṃ lokān aṭati cañcalaḥ ghaṭayāno narendrāṇāṃ tantrīvairāṇi caiva ha ||
Стоя перед слугами, Камса с улыбкой сказал: «Смешон этот Нарада среди существ; он не слишком искусен. Меня нельзя испугать даже богами вместе с Васавой — стою ли я в битве, лежу ли, беспечен ли или пьян. Я двумя мощными руками потрясаю эту землю; кто в человеческом мире решился бы потрясти меня? С сегодняшнего дня я устрою великое избиение существ, которые следуют за богами: людей, птиц и зверей. Пусть будут призваны конь Кеши, Праламба, Дхенука, Ариштa-бык, Путана и Калия. Бродите по всей земле, принимая любые облики, и поражайте всех, кто вредит нашей стороне. Нужно выяснять даже судьбу воплощённых, находящихся в утробе, потому что Нарада объявил нам опасность от утроб. Вы же радуйтесь как хотите, без тревоги; опираясь на меня как на вашего защитника, вы не имеете страха от богов. Этот брахман Нарада любит забавы и склонен к раздорам: он получает удовольствие, разъединяя даже тех, кто крепко связан в мирах. Постоянно зудящий, беспокойный, он бродит по мирам и устраивает между царями тонко натянутые вражды».
38acbf118c0c · опубликовано 22 июн. 2026 г., 03:44:04 UTC
Доступно наRUЛистайте стихи клавишами
Камса сразу превращает пророчество в программу насилия. Его гордость говорит о силе рук, но его приказ искать угрозу даже в утробах показывает настоящий источник действий: страх перед рождением Господа.