अथ दामोदरः श्रीमान् संकर्षणम् उवाच ह आर्य नास्मिन् वने शक्यं गोपालैः सह क्रीडितुम् ॥
अवगीतम् इदं सर्वम् आवाभ्यां भुक्तभोजनम् प्रक्षीणतृणकाष्ठं च गोपैर् मथितपादपम् ॥
गहनानीह यान्य् आसन् काननानि वनानि च तान्य् आकाशनिकाशानि दृश्यन्ते ऽद्य यथासुखम् ॥
गोवातेष्व् अपि ये वृक्षाः परिवृत्तार्गलेषु च सर्वे गोष्ठाग्निषु गताः क्षयम् अक्षयवर्चसः ॥
संनिकृष्टानि यान्य् आसन् काष्ठानि च तृणानि च तानि दूरावकृष्टानि मार्गितव्यानि भूमिषु ॥
अरण्यम् इदम् अल्पोदम् अल्पकक्षं निराश्रयम् अन्वेषितव्यविश्रामं दारुणं विरलद्रुमम् अकर्मण्येषु वृक्षेषु स्थितविप्रस्थितद्विजम् ॥
निरानन्दं निरास्वादं निष्प्रयोजनम् आरुतम् निर्विहंगम् इदं शून्यं निर्व्यञ्जनम् इवाशनम् ॥
विक्रीयमाणैः कष्ठैश् च शाकैश् च वनसंभवैः उत्सन्नसंचयतृणो घोषो ऽयं नगरायते ॥
शैलानां भूषणं घोषो घोषाणां भूषणं वनम् तस्माद् अन्यद् वनं यामः प्रत्यग्रवयसेन्धनम् ॥
इच्छन्त्य् अनुपभुक्तानि भोक्तुं गावस् तृणानि च तस्माद् वनं नवतृणं गच्छन्तु धनिनो व्रजाः ॥
न द्वारबन्धावरणा न गृहक्षेत्रिणस् तथा प्रशस्ता वै व्रजा लोके यथा वै चक्रचारिणः ॥
शकृन्मूत्रेषु तेष्व् एव जातं क्षाररसायनम् न तृणं भुञ्जते गावो नापि तत्पयसो हितम् ॥
स्थलीप्रायासु रम्यासु नवासु वनराजिषु चरामः सहिता गोभिः क्षिप्रं संवाह्यतां व्रजः ॥
atha dāmodaraḥ śrīmān saṃkarṣaṇam uvāca ha ārya nāsmin vane śakyaṃ gopālaiḥ saha krīḍitum ||
avagītam idaṃ sarvam āvābhyāṃ bhuktabhojanam prakṣīṇatṛṇakāṣṭhaṃ ca gopair mathitapādapam ||
gahanānīha yāny āsan kānanāni vanāni ca tāny ākāśanikāśāni dṛśyante 'dya yathāsukham ||
govāteṣv api ye vṛkṣāḥ parivṛttārgaleṣu ca sarve goṣṭhāgniṣu gatāḥ kṣayam akṣayavarcasaḥ ||
saṃnikṛṣṭāni yāny āsan kāṣṭhāni ca tṛṇāni ca tāni dūrāvakṛṣṭāni mārgitavyāni bhūmiṣu ||
araṇyam idam alpodam alpakakṣaṃ nirāśrayam anveṣitavyaviśrāmaṃ dāruṇaṃ viraladrumam akarmaṇyeṣu vṛkṣeṣu sthitaviprasthitadvijam ||
nirānandaṃ nirāsvādaṃ niṣprayojanam ārutam nirvihaṃgam idaṃ śūnyaṃ nirvyañjanam ivāśanam ||
vikrīyamāṇaiḥ kaṣṭhaiś ca śākaiś ca vanasaṃbhavaiḥ utsannasaṃcayatṛṇo ghoṣo 'yaṃ nagarāyate ||
śailānāṃ bhūṣaṇaṃ ghoṣo ghoṣāṇāṃ bhūṣaṇaṃ vanam tasmād anyad vanaṃ yāmaḥ pratyagravayasendhanam ||
icchanty anupabhuktāni bhoktuṃ gāvas tṛṇāni ca tasmād vanaṃ navatṛṇaṃ gacchantu dhanino vrajāḥ ||
na dvārabandhāvaraṇā na gṛhakṣetriṇas tathā praśastā vai vrajā loke yathā vai cakracāriṇaḥ ||
śakṛnmūtreṣu teṣv eva jātaṃ kṣārarasāyanam na tṛṇaṃ bhuñjate gāvo nāpi tatpayaso hitam ||
sthalīprāyāsu ramyāsu navāsu vanarājiṣu carāmaḥ sahitā gobhiḥ kṣipraṃ saṃvāhyatāṃ vrajaḥ ||
Однажды славный Дамодара сказал Санкаршане: «Брат, в этом лесу уже невозможно играть вместе с пастухами. Всё здесь истощено: мы использовали его как пищу, трава и дрова кончились, деревья повреждены пастухами. Чащи, рощи и леса, которые были здесь прежде, теперь стали открытыми как небо. Даже деревья у коровьих загонов и запоров пошли в огни стойбищ и погибли. Близкие дрова и трава уже увезены далеко, и теперь их приходится искать по земле. Этот лес маловоден, с малым укрытием, без опоры; здесь приходится искать место отдыха, он суров, деревьев мало, а птицы с непригодных деревьев уже улетели. Он безрадостен, безвкусен, бесполезен, шумен, пуст без птиц, как пища без приправы. От продажи дров и лесной зелени запас травы исчез, и это пастушье поселение стало похоже на город. Украшение гор — гхоша, украшение гхош — лес. Поэтому пойдём в другой лес, где свежая трава и топливо. Коровы хотят есть ещё неиспользованную траву; пусть богатые стада идут в лес с новой травой. В мире хвалят не те Враджи, которые запираются дверями, оградами, домами и полями, а те, что движутся на колёсах. В траве, выросшей среди навоза и мочи, появляется щёлочной вкус; коровы не едят её, и это не полезно для молока. Будем ходить с коровами по прекрасным новым лесным полосам, преимущественно ровным. Пусть Врадж быстро перевозится».
7df94035a598 · опубликовано 22 июн. 2026 г., 03:44:07 UTC
Доступно наRUЛистайте стихи клавишами
Кришна говорит как разумный пастушок: его аргумент практичен, заботится о траве, воде, молоке и подвижности стада. Но через эту бытовую логику он ведёт Врадж к месту своих будущих игр.