प्रदोषार्धे कदाचित् तु कृष्णे रतिपरायणे त्रासयन् समदो गोष्ठान् अरिष्टः प्रत्यदृश्यत ॥
निर्वाणाङ्गारमेघाभस् तीक्ष्णशृङ्गोऽर्कलोचनः क्षुरतीक्ष्णाग्रचरणः कालः काल इवापरः ॥
लेलिहानः सनिष्पेषं जिह्वयौष्ठौ पुनः पुनः गर्विताविद्धलाङ्गूलः कठिनस्कन्धबन्धनः ॥
ककुदोदग्रनिर्माणः प्रमाणाद् दुरतिक्रमः शकृन्मूत्रोपलिप्ताङ्गो गवाम् उद्वेजनो भृशम् ॥
महाकटिः स्थूलमुखो दृढजानुर् महोदरः विषाणावल्गितगतिर् लम्बता कण्ठचर्मणा ॥
गवारोहेषु चपलस् तरुघातङ्किताननः युद्धसञ्जविषाणाग्रो द्विषद्वृषभसूदनः ॥
अरिष्टो नाम हि गवाम् अरिष्टो दारुणाकृतिः दैत्यो वृषभरूपेण गोष्ठान् विपरिधावति ॥
पातयानो गवां गर्भान् दृप्तो गच्छत्य् अनार्तवम् भजमानश् च चपलो गृष्टीः संप्रचचार ह ॥
शृङ्गप्रहरणो रौद्रः प्रहरन् गोषु दुर्मदः गोष्ठेषु न रतिं लेभे विना युद्धं स गोवृषः ॥
pradoṣārdhe kadācit tu kṛṣṇe ratiparāyaṇe trāsayan samado goṣṭhān ariṣṭaḥ pratyadṛśyata ||
nirvāṇāṅgārameghābhas tīkṣṇaśṛṅgo'rkalocanaḥ kṣuratīkṣṇāgracaraṇaḥ kālaḥ kāla ivāparaḥ ||
lelihānaḥ saniṣpeṣaṃ jihvayauṣṭhau punaḥ punaḥ garvitāviddhalāṅgūlaḥ kaṭhinaskandhabandhanaḥ ||
kakudodagranirmāṇaḥ pramāṇād duratikramaḥ śakṛnmūtropaliptāṅgo gavām udvejano bhṛśam ||
mahākaṭiḥ sthūlamukho dṛḍhajānur mahodaraḥ viṣāṇāvalgitagatir lambatā kaṇṭhacarmaṇā ||
gavāroheṣu capalas tarughātaṅkitānanaḥ yuddhasañjaviṣāṇāgro dviṣadvṛṣabhasūdanaḥ ||
ariṣṭo nāma hi gavām ariṣṭo dāruṇākṛtiḥ daityo vṛṣabharūpeṇa goṣṭhān viparidhāvati ||
pātayāno gavāṃ garbhān dṛpto gacchaty anārtavam bhajamānaś ca capalo gṛṣṭīḥ saṃpracacāra ha ||
śṛṅgapraharaṇo raudraḥ praharan goṣu durmadaḥ goṣṭheṣu na ratiṃ lebhe vinā yuddhaṃ sa govṛṣaḥ ||
Вайшампаяна сказал: Однажды в середине сумерек, когда Кришна был погружён в любовь, появился опьянённый Аришта, пугая пастушьи селения. Он был подобен облаку погасших углей, с острыми рогами, солнечными глазами и копытами, острыми как бритвы; чёрный, словно другой Кала. Он снова и снова с шумным скрежетом облизывал языком губы; хвост его был взметён гордостью, плечи крепко соединены. Горб его был высоко поднят, размером он был труднопреодолим, тело измазано навозом и мочой, и коровы страшно тревожились от него. С огромным крупом, толстой мордой, крепкими коленями и большим животом, со свисающей кожей шеи, он шёл, играя рогами. Беспокойный среди быков, покрывающих коров, с мордой, отмеченной ударами деревьев, с кончиками рогов, готовыми к битве, он был убийцей вражеских быков. Этот дайтья по имени Аришта, само несчастье для коров, страшного вида, в облике быка носился вокруг селений. Гордый, он вызывал выкидыши у коров, беспокойно преследовал нетелей и нарушал их срок. Грозный, с рогами как оружием, дурно опьянённый, он бил коров и не находил радости в селениях без битвы.
9d4eda1a5dc0 · опубликовано 22 июн. 2026 г., 03:44:13 UTC
Доступно наRUЛистайте стихи клавишами
Аришта появляется как искажение бычьей силы: то, что должно защищать стадо, превращается в источник страха для коров. Поэтому его гибель становится восстановлением пастушьего порядка.