कस्माद् एषो ऽनिरुद्धस्य श्रूयते सुमहास्वनः गृहे कृष्णाभिगुप्तानां कुतो नो भयम् आगतम् ॥
इत्य् एवम् ऊचुस् ते ऽन्योन्यं स्नेहविक्लवगद्गदाः प्रधर्षिता यथा सिंहा गुहाभ्य इव निःसृताः ॥
संनाहभेरी कृष्णस्य सभायाम् आहता तदा तस्याः शब्देन ते सर्वे सभाम् आगम्य विष्ठिताः ॥
किम् एतद् इति चान्योन्यं समपृच्छन्त यादवाः अन्योन्यस्य हि ते सर्वे यथान्यायम् अवेदयन् ॥
ततस् ते बाष्पपूर्णाक्षाः क्रोधसंरक्तलोचनाः निःश्वसन्तो व्यतिष्ठन्त यादवा युद्धदुर्मदाः ॥
तूष्णींभूतेषु सर्वेषु विपृथुर् वाक्यम् अब्रवीत् कृष्णं प्रहरतां श्रेष्ठं निःश्वसन्तं मुहुर् मुहुः ॥
किम् एवं चिन्तयाविष्टः पुरुषेन्द्र भवान् इह तव बाहुबलप्राणम् आश्रिताः सर्वयादवाः भवन्तम् आश्रिताः कृष्ण संविभक्ताश् च सर्वशः ॥
तथैव बलहा शक्रस् त्वय्य् आवेश्य जयाजयौ सुखं स्वपिति निश्चिन्तः कथं त्वं चिन्तयान्वितः ॥
शोकसागरम् अक्षोभ्यं सर्वे ते ज्ञातयो गताः तान् मज्जमानान् एकस् त्वं समुद्धर महाभुज ॥
किम् एवं चिन्तयाविष्टो न किंचिद् अपि भाषसे चिन्तां कर्तुं वृथा देव न त्वम् अर्हसि माधव ॥
इत्य् एवम् उक्तः कृष्णस् तु निःश्वस्य सुचिरं पुनः प्राह वाक्यं स वाक्यज्ञो बृहस्पतिर् इव स्वयम् ॥
विपृथो चिन्तयाविष्ट एतत् कार्यं विचिन्तयन् तथाहं भवताप्य् उक्तो नोत्तरं विदधे क्वचित् ॥
दाशार्हगणमध्ये ऽद्य वदाम्य् अर्थवतीं गिरम् शृणुध्वं यादवाः सर्वे यथा चिन्तान्वितो ह्य् अहम् ॥
kasmād eṣo 'niruddhasya śrūyate sumahāsvanaḥ gṛhe kṛṣṇābhiguptānāṃ kuto no bhayam āgatam ||
ity evam ūcus te 'nyonyaṃ snehaviklavagadgadāḥ pradharṣitā yathā siṃhā guhābhya iva niḥsṛtāḥ ||
saṃnāhabherī kṛṣṇasya sabhāyām āhatā tadā tasyāḥ śabdena te sarve sabhām āgamya viṣṭhitāḥ ||
kim etad iti cānyonyaṃ samapṛcchanta yādavāḥ anyonyasya hi te sarve yathānyāyam avedayan ||
tatas te bāṣpapūrṇākṣāḥ krodhasaṃraktalocanāḥ niḥśvasanto vyatiṣṭhanta yādavā yuddhadurmadāḥ ||
tūṣṇīṃbhūteṣu sarveṣu vipṛthur vākyam abravīt kṛṣṇaṃ praharatāṃ śreṣṭhaṃ niḥśvasantaṃ muhur muhuḥ ||
kim evaṃ cintayāviṣṭaḥ puruṣendra bhavān iha tava bāhubalaprāṇam āśritāḥ sarvayādavāḥ bhavantam āśritāḥ kṛṣṇa saṃvibhaktāś ca sarvaśaḥ ||
tathaiva balahā śakras tvayy āveśya jayājayau sukhaṃ svapiti niścintaḥ kathaṃ tvaṃ cintayānvitaḥ ||
śokasāgaram akṣobhyaṃ sarve te jñātayo gatāḥ tān majjamānān ekas tvaṃ samuddhara mahābhuja ||
kim evaṃ cintayāviṣṭo na kiṃcid api bhāṣase cintāṃ kartuṃ vṛthā deva na tvam arhasi mādhava ||
ity evam uktaḥ kṛṣṇas tu niḥśvasya suciraṃ punaḥ prāha vākyaṃ sa vākyajño bṛhaspatir iva svayam ||
vipṛtho cintayāviṣṭa etat kāryaṃ vicintayan tathāhaṃ bhavatāpy ukto nottaraṃ vidadhe kvacit ||
dāśārhagaṇamadhye 'dya vadāmy arthavatīṃ giram śṛṇudhvaṃ yādavāḥ sarve yathā cintānvito hy aham ||
«“Отчего в доме Анируддхи слышится такой великий крик? Откуда страх у нас, защищённых Кришной?” — так они, смущённые любовью и с прерывающимся голосом, говорили друг другу, словно потревоженные львы, вышедшие из пещер. Тогда в собрании ударили в военный барабан Кришны, и от его звука все они пришли и расположились в зале. Ядавы спрашивали друг друга: “Что это?” — и каждый, как следует, сообщал другому, что знал. Затем Ядавы, неукротимые в бою, стояли вздыхая, с глазами, полными слёз и красными от гнева. Когда все умолкли, Випритху сказал Кришне, лучшему из поражающих, который снова и снова вздыхал: “О владыка мужей, почему ты так погружён в думу? Все Ядавы опираются на силу твоих рук как на свою жизнь; они прибегли к тебе, Кришна, и полностью зависят от тебя. Шакра, убийца Балы, доверив тебе победу и поражение, спокойно спит без тревоги; как же ты охвачен тревогой? Все твои родичи вошли в невозмутимый океан скорби; вытащи их, тонущих, ты один, могучерукий. Почему ты так погружён в думу и ничего не говоришь? Напрасно тревожиться, Мадхава, тебе не подобает”. Услышав это, Кришна долго вздохнул и, знаток речи, словно сам Брихаспати, сказал: “Випритху, я погружён в думу, обдумывая это дело. И когда ты сказал так, я пока не нахожу ответа. Сегодня среди собрания Дашархов я скажу содержательную речь. Слушайте, все Ядавы, почему я охвачен тревогой”».
edad4bb8aef9 · опубликовано 22 июн. 2026 г., 06:21:12 UTC
Доступно наRUЛистайте стихи клавишами
Даже Кришна в человеческой лиле показывает серьёзность момента. Его молчание не слабость, а взвешивание события, которое касается чести и безопасности всего рода.