अर्जुन उवाच
यत्रैषा काञ्चनी वेदी प्रदीप्ताग्निशिखोपमा ॥
उच्छ्रिता काञ्चने दण्डे पताकाभिर् अलंकृता ॥
तत्र मां वह भद्रं ते द्रोणानीकाय मारिष ॥
अश्वाः शोणाः प्रकाशन्ते बृहन्तश् चारुवाहिनः ॥
स्निग्धविद्रुमसंकाशास् ताम्रास्याः प्रियदर्शनाः ॥
युक्ता रथवरे यस्य सर्वशिक्षाविशारदाः ॥
दीर्घबाहुर् महातेजा बलरूपसमन्वितः ॥
सर्वलोकेषु विख्यातो भारद्वाजः प्रतापवान् ॥
बुद्ध्या तुल्यो ह्य् उशनसा बृहस्पतिसमो नये ॥
वेदास् तथैव चत्वारो ब्रह्मचर्यं तथैव च ॥
ससंहाराणि दिव्यानि सर्वाण्य् अस्त्राणि मारिष ॥
धनुर्वेदश् च कार्त्स्न्येन यस्मिन् नित्यं प्रतिष्ठितः ॥
क्षमा दमश् च सत्यं च आनृशंस्यम् अथार्जवम् ॥
एते चान्ये च बहवो गुणा यस्मिन् द्विजोत्तमे ॥
तेनाहं योद्धुम् इच्छामि महाभागेन संयुगे ॥
तस्मात् त्वं प्रापयाचार्यं क्षिप्रम् उत्तर वाहय ॥
arjuna uvāca
yatraiṣā kāñcanī vedī pradīptāgniśikhopamā ||
ucchritā kāñcane daṇḍe patākābhir alaṃkṛtā ||
tatra māṃ vaha bhadraṃ te droṇānīkāya māriṣa ||
aśvāḥ śoṇāḥ prakāśante bṛhantaś cāruvāhinaḥ ||
snigdhavidrumasaṃkāśās tāmrāsyāḥ priyadarśanāḥ ||
yuktā rathavare yasya sarvaśikṣāviśāradāḥ ||
dīrghabāhur mahātejā balarūpasamanvitaḥ ||
sarvalokeṣu vikhyāto bhāradvājaḥ pratāpavān ||
buddhyā tulyo hy uśanasā bṛhaspatisamo naye ||
vedās tathaiva catvāro brahmacaryaṃ tathaiva ca ||
sasaṃhārāṇi divyāni sarvāṇy astrāṇi māriṣa ||
dhanurvedaś ca kārtsnyena yasmin nityaṃ pratiṣṭhitaḥ ||
kṣamā damaś ca satyaṃ ca ānṛśaṃsyam athārjavam ||
ete cānye ca bahavo guṇā yasmin dvijottame ||
tenāhaṃ yoddhum icchāmi mahābhāgena saṃyuge ||
tasmāt tvaṃ prāpayācāryaṃ kṣipram uttara vāhaya ||
Арджуна сказал: «Вези меня к войску Дроны, туда, где на золотом древке сияет знак жертвенника, подобный огню. Там стоит Бхарадваджа, длиннорукий, славный, известный во всём мире. В разуме он равен Ушанасу, в политике — Брихаспати; он знает Веды, брахмачарью, все божественные оружия и науку лука. В нём есть терпение, самообуздание, правда, сострадание и прямота. Я хочу сразиться с этим великим учителем».
7fa94a3ece05 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Арджуна приближается к Дроне не с отрицанием его величия, а с полным признанием. Дхарма здесь трудна именно потому, что противником становится тот, кому ученик обязан знанием.