युगमध्ये तु भल्लैस् तु ततः स सधनुः कृपः ॥
तम् आशु निशितैः पार्थं बिभेद दशभिः शरैः ॥
ततः पार्थो महातेजा विशिखान् अग्नितेजसः ॥
चिक्षेप समरे क्रुद्धस् त्रयोदश शिलाशितान् ॥
अथास्य युगम् एकेन चतुर्भिश् चतुरो हयान् ॥
षष्ठेन च शिरः कायाच् छरेण रथसारथेः ॥
त्रिभिस् त्रिवेणुं समरे द्वाभ्याम् अक्षौ महाबलः ॥
द्वादशेन तु भल्लेन चकर्तास्य ध्वजं तथा ॥
ततो वज्रनिकाशेन फल्गुनः प्रहसन्न् इव ॥
त्रयोदशेनेन्द्रसमः कृपं वक्षस्य् अताडयत् ॥
स छिन्नधन्वा विरथो हताश्वो हतसारथिः ॥
गदापाणिर् अवप्लुत्य तूर्णं चिक्षेप तां गदाम् ॥
सा तु मुक्ता गदा गुर्वी कृपेण सुपरिष्कृता ॥
अर्जुनेन शरैर् नुन्ना प्रतिमार्गम् अथागमत् ॥
ततो योधाः परीप्सन्तः शारद्वतम् अमर्षणम् ॥
सर्वतः समरे पार्थं शरवर्षैर् अवाकिरन् ॥
ततो विराटस्य सुतः सव्यम् आवृत्य वाजिनः ॥
यमकं मण्डलं कृत्वा तान् योधान् प्रत्यवारयत् ॥
ततः कृपम् उपादाय विरथं ते नरर्षभाः ॥
अपाजह्रुर् महावेगाः कुन्तीपुत्राद् धनंजयात् ॥
yugamadhye tu bhallais tu tataḥ sa sadhanuḥ kṛpaḥ ||
tam āśu niśitaiḥ pārthaṃ bibheda daśabhiḥ śaraiḥ ||
tataḥ pārtho mahātejā viśikhān agnitejasaḥ ||
cikṣepa samare kruddhas trayodaśa śilāśitān ||
athāsya yugam ekena caturbhiś caturo hayān ||
ṣaṣṭhena ca śiraḥ kāyāc chareṇa rathasāratheḥ ||
tribhis triveṇuṃ samare dvābhyām akṣau mahābalaḥ ||
dvādaśena tu bhallena cakartāsya dhvajaṃ tathā ||
tato vajranikāśena phalgunaḥ prahasann iva ||
trayodaśenendrasamaḥ kṛpaṃ vakṣasy atāḍayat ||
sa chinnadhanvā viratho hatāśvo hatasārathiḥ ||
gadāpāṇir avaplutya tūrṇaṃ cikṣepa tāṃ gadām ||
sā tu muktā gadā gurvī kṛpeṇa supariṣkṛtā ||
arjunena śarair nunnā pratimārgam athāgamat ||
tato yodhāḥ parīpsantaḥ śāradvatam amarṣaṇam ||
sarvataḥ samare pārthaṃ śaravarṣair avākiran ||
tato virāṭasya sutaḥ savyam āvṛtya vājinaḥ ||
yamakaṃ maṇḍalaṃ kṛtvā tān yodhān pratyavārayat ||
tataḥ kṛpam upādāya virathaṃ te nararṣabhāḥ ||
apājahrur mahāvegāḥ kuntīputrād dhanaṃjayāt ||
Крипа всё же продолжал бой и снова ранил Партху. Тогда Арджуна выпустил тринадцать стрел: одними он поразил ярмо и коней, другой снёс голову возницы, другими разбил оси и стяг, а последней пронзил грудь Крипы. Лишённый колесницы, Крипа спрыгнул на землю с палицей и метнул её в Арджуну, но Партха стрелами обратил её вспять. Тогда воины Куру поспешили защитить Гаутаму и осыпали Дхананджаю стрелами. Уттара быстро повёл коней кругами, а Куру увели от Партхи Крипу, оставшегося без колесницы».
484c64f90ca5 · опубликовано 16 июл. 2026 г., 18:42:55 UTC
Доступно наRUENЛистайте стихи клавишами
Крипа спасён не слабостью Арджуны, а верностью соратников. Даже в неправом стане остаются узы долга, и текст не упрощает людей до одной черты.