ततः कनकपुङ्खाग्रैर् वीरः संनतपर्वभिः ॥
त्वरन् गाण्डीवनिर्मुक्तैर् अर्जुनस् तस्य वाजिनः ॥
चतुर्भिश् चतुरस् तीक्ष्णैर् अविध्यत् परमेषुभिः ॥
ते हया निशितैर् विद्धा ज्वलद्भिर् इव पन्नगैः ॥
उत्पेतुः सहसा सर्वे कृपः स्थानाद् अथाच्यवत् ॥
च्युतं तु गौतमं स्थानात् समीक्ष्य कुरुनन्दनः ॥
नाविध्यत् परवीरघ्नो रक्षमाणो ऽस्य गौरवम् ॥
स तु लब्ध्वा पुनः स्थानं गौतमः सव्यसाचिनम् ॥
विव्याध दशभिर् बाणैस् त्वरितः कङ्कपत्रिभिः ॥
ततः पार्थो धनुस् तस्य भल्लेन निशितेन च ॥
चिच्छेदैकेन भूयश् च हस्ताच् चापम् अथाहरत् ॥
अथास्य कवचं बाणैर् निशितैर् मर्मभेदिभिः ॥
व्यधमन् न च पार्थो ऽस्य शरीरम् अवपीडयत् ॥
तस्य निर्मुच्यमानस्य कवचात् काय आबभौ ॥
समये मुच्यमानस्य सर्पस्येव तनुर् यथा ॥
छिन्ने धनुषि पार्थेन सो ऽन्यद् आदाय कार्मुकम् ॥
चकार गौतमः सज्यं तद् अद्भुतम् इवाभवत् ॥
स तद् अप्य् अस्य कौन्तेयश् चिच्छेद नतपर्वणा ॥
एवम् अन्यानि चापानि बहूनि कृतहस्तवत् ॥
शारद्वतस्य चिच्छेद पाण्डवः परवीरहा ॥
स छिन्नधनुर् आदाय अथ शक्तिं प्रतापवान् ॥
प्राहिणोत् पाण्डुपुत्राय प्रदीप्ताम् अशनीम् इव ॥
ताम् अर्जुनस् तदायान्तीं शक्तिं हेमविभूषिताम् ॥
वियद्गतां महोल्काभां चिच्छेद दशभिः शरैः ॥
सापतद् दशधा छिन्ना भूमौ पार्थेन धीमता ॥
tataḥ kanakapuṅkhāgrair vīraḥ saṃnataparvabhiḥ ||
tvaran gāṇḍīvanirmuktair arjunas tasya vājinaḥ ||
caturbhiś caturas tīkṣṇair avidhyat parameṣubhiḥ ||
te hayā niśitair viddhā jvaladbhir iva pannagaiḥ ||
utpetuḥ sahasā sarve kṛpaḥ sthānād athācyavat ||
cyutaṃ tu gautamaṃ sthānāt samīkṣya kurunandanaḥ ||
nāvidhyat paravīraghno rakṣamāṇo 'sya gauravam ||
sa tu labdhvā punaḥ sthānaṃ gautamaḥ savyasācinam ||
vivyādha daśabhir bāṇais tvaritaḥ kaṅkapatribhiḥ ||
tataḥ pārtho dhanus tasya bhallena niśitena ca ||
cicchedaikena bhūyaś ca hastāc cāpam athāharat ||
athāsya kavacaṃ bāṇair niśitair marmabhedibhiḥ ||
vyadhaman na ca pārtho 'sya śarīram avapīḍayat ||
tasya nirmucyamānasya kavacāt kāya ābabhau ||
samaye mucyamānasya sarpasyeva tanur yathā ||
chinne dhanuṣi pārthena so 'nyad ādāya kārmukam ||
cakāra gautamaḥ sajyaṃ tad adbhutam ivābhavat ||
sa tad apy asya kaunteyaś ciccheda nataparvaṇā ||
evam anyāni cāpāni bahūni kṛtahastavat ||
śāradvatasya ciccheda pāṇḍavaḥ paravīrahā ||
sa chinnadhanur ādāya atha śaktiṃ pratāpavān ||
prāhiṇot pāṇḍuputrāya pradīptām aśanīm iva ||
tām arjunas tadāyāntīṃ śaktiṃ hemavibhūṣitām ||
viyadgatāṃ maholkābhāṃ ciccheda daśabhiḥ śaraiḥ ||
sāpatad daśadhā chinnā bhūmau pārthena dhīmatā ||
Арджуна поразил четырёх коней Крипы, и они, вздымаясь и сбиваясь, лишили колесничего устойчивости. Видя Крипу в замешательстве, Партха не стал добивать его из уважения. Когда же тот снова пришёл в себя и ударил Арджуну стрелами, Дхананджая разрубил его лук, выбил оружие из руки и снял броню, не касаясь тела. Освобождённый от панциря, Крипа сиял, словно змей, сбросивший старую кожу. Он снова и снова брал другие луки, но Партха рассекал их прежде, чем они могли послужить. Тогда Крипа метнул пылающую шакти, подобную огню; Арджуна быстро разрубил её десятью стрелами на десять частей».
e0332c9efb88 · опубликовано 16 июл. 2026 г., 18:42:55 UTC
Доступно наRUENЛистайте стихи клавишами
Самообладание Арджуны видно в том, что он умеет остановиться. Побеждать старшего, не унижая его тела, — это иной уровень владения силой.