वैशंपायन उवाच
एतस्मिन्न् अन्तरे तत्र महावीर्यपराक्रमः ॥
आजगाम महासत्त्वः कृपः शस्त्रभृतां वरः ॥
अर्जुनं प्रति संयोद्धुं युद्धार्थी स महारथः ॥
तौ रथौ सूर्यसंकाशौ योत्स्यमानौ महाबलौ ॥
शारदाव् इव जीमूतौ व्यरोचेतां व्यवस्थितौ ॥
पार्थो ऽपि विश्रुतं लोके गाण्डीवं परमायुधम् ॥
विकृष्य चिक्षेप बहून् नाराचान् मर्मभेदिनः ॥
तान् अप्राप्ताञ् शितैर् बाणैर् नाराचान् रक्तभोजनान् ॥
कृपश् चिच्छेद पार्थस्य शतशो ऽथ सहस्रशः ॥
ततः पार्थश् च संक्रुद्धश् चित्रान् मार्गान् प्रदर्शयन् ॥
दिशः संछादयन् बाणैः प्रदिशश् च महारथः ॥
एकच्छायम् इवाकाशं प्रकुर्वन् सर्वतः प्रभुः ॥
प्रच्छादयद् अमेयात्मा पार्थः शरशतैः कृपम् ॥
स शरैर् अर्पितः क्रुद्धः शितैर् अग्निशिखोपमैः ॥
तूर्णं शरसहस्रेण पार्थम् अप्रतिमौजसम् ॥
अर्पयित्वा महात्मानं ननाद समरे कृपः ॥
vaiśaṃpāyana uvāca
etasminn antare tatra mahāvīryaparākramaḥ ||
ājagāma mahāsattvaḥ kṛpaḥ śastrabhṛtāṃ varaḥ ||
arjunaṃ prati saṃyoddhuṃ yuddhārthī sa mahārathaḥ ||
tau rathau sūryasaṃkāśau yotsyamānau mahābalau ||
śāradāv iva jīmūtau vyarocetāṃ vyavasthitau ||
pārtho 'pi viśrutaṃ loke gāṇḍīvaṃ paramāyudham ||
vikṛṣya cikṣepa bahūn nārācān marmabhedinaḥ ||
tān aprāptāñ śitair bāṇair nārācān raktabhojanān ||
kṛpaś ciccheda pārthasya śataśo 'tha sahasraśaḥ ||
tataḥ pārthaś ca saṃkruddhaś citrān mārgān pradarśayan ||
diśaḥ saṃchādayan bāṇaiḥ pradiśaś ca mahārathaḥ ||
ekacchāyam ivākāśaṃ prakurvan sarvataḥ prabhuḥ ||
pracchādayad ameyātmā pārthaḥ śaraśataiḥ kṛpam ||
sa śarair arpitaḥ kruddhaḥ śitair agniśikhopamaiḥ ||
tūrṇaṃ śarasahasreṇa pārtham apratimaujasam ||
arpayitvā mahātmānaṃ nanāda samare kṛpaḥ ||
Вайшампаяна сказал: «Тогда Крипа, лучший из носящих оружие, выступил с желанием сразиться с Арджуной. Их колесницы, сияющие как солнца и подобные осенним облакам, приблизились друг к другу. Дхананджая натянул Гандиву и выпустил множество нарачей, но Крипа, ещё до того как они достигли цели, разрубил их сотнями и тысячами. Тогда Партха покрыл стрелами стороны света и самого Крипу. Пронзённый, сын Шарадвана не отступил: он обрушил на Арджуну тысячу стрел и издал громкий боевой клич».
094c23837c0e · опубликовано 16 июл. 2026 г., 18:42:55 UTC
Доступно наRUENЛистайте стихи клавишами
Крипа не просто старший воин, а мастер школы, которую Арджуна уважает. Поэтому победа здесь не выглядит лёгкой расправой: это проверка точности против точности.