वैशंपायन उवाच
तान्य् अनीकान्य् अदृश्यन्त कुरूणाम् उग्रधन्विनाम् ॥
संसर्पन्तो यथा मेघा घर्मान्ते मन्दमारुताः ॥
अभ्याशे वाजिनस् तस्थुः समारूढाः प्रहारिभिः ॥
भीमरूपाश् च मातङ्गास् तोमराङ्कुशचोदिताः ॥
ततः शक्रः सुरगणैः समारुह्य सुदर्शनम् ॥
सहोपायात् तदा राजन् विश्वाश्विमरुतां गणैः ॥
तद् देवयक्षगन्धर्वमहोरगसमाकुलम् ॥
शुशुभे ऽभ्रविनिर्मुक्तं ग्रहैर् इव नभस्तलम् ॥
अस्त्राणां च बलं तेषां मानुषेषु प्रयुज्यताम् ॥
तच् च घोरं महद् युद्धं भीष्मार्जुनसमागमे ॥
शतं शतसहस्राणां यत्र स्थूणा हिरण्मयाः ॥
मणिरत्नमयाश् चान्याः प्रासादम् उपधारयन् ॥
तत्र कामगमं दिव्यं सर्वरत्नविभूषितम् ॥
विमानं देवराजस्य शुशुभे खेचरं तदा ॥
तत्र देवास् त्रयस्त्रिंशत् तिष्ठन्ति सहवासवाः ॥
गन्धर्वा राक्षसाः सर्पाः पितरश् च महर्षिभिः ॥
तथा राजा वसुमना बलाक्षः सुप्रतर्दनः ॥
अष्टकश् च शिबिश् चैव ययातिर् नहुषो गयः ॥
मनुः क्षुपो रघुर् भानुः कृशाश्वः सगरः शलः ॥
विमाने देवराजस्य समदृश्यन्त सुप्रभाः ॥
अग्नेर् ईशस्य सोमस्य वरुणस्य प्रजापतेः ॥
तथा धातुर् विधातुश् च कुबेरस्य यमस्य च ॥
अलम्बुसोग्रसेनस्य गन्धर्वस्य च तुम्बुरोः ॥
यथाभागं यथोद्देशं विमानानि चकाशिरे ॥
सर्वदेवनिकायाश् च सिद्धाश् च परमर्षयः ॥
अर्जुनस्य कुरूणां च द्रष्टुं युद्धम् उपागताः ॥
दिव्यानां तत्र माल्यानां गन्धः पुण्यो ऽथ सर्वशः ॥
प्रससार वसन्ताग्रे वनानाम् इव पुष्पिताम् ॥
रक्तारक्तानि देवानां समदृश्यन्त तिष्ठताम् ॥
आतपत्राणि वासांसि स्रजश् च व्यजनानि च ॥
उपशाम्यद् रजो भौमं सर्वं व्याप्तं मरीचिभिः ॥
दिव्यान् गन्धान् उपादाय वायुर् योधान् असेवत ॥
प्रभासितम् इवाकाशं चित्ररूपम् अलंकृतम् ॥
संपतद्भिः स्थितैश् चैव नानारत्नावभासितैः ॥
विमानैर् विविधैश् चित्रैर् उपानीतैः सुरोत्तमैः ॥
vaiśaṃpāyana uvāca
tāny anīkāny adṛśyanta kurūṇām ugradhanvinām ||
saṃsarpanto yathā meghā gharmānte mandamārutāḥ ||
abhyāśe vājinas tasthuḥ samārūḍhāḥ prahāribhiḥ ||
bhīmarūpāś ca mātaṅgās tomarāṅkuśacoditāḥ ||
tataḥ śakraḥ suragaṇaiḥ samāruhya sudarśanam ||
sahopāyāt tadā rājan viśvāśvimarutāṃ gaṇaiḥ ||
tad devayakṣagandharvamahoragasamākulam ||
śuśubhe 'bhravinirmuktaṃ grahair iva nabhastalam ||
astrāṇāṃ ca balaṃ teṣāṃ mānuṣeṣu prayujyatām ||
tac ca ghoraṃ mahad yuddhaṃ bhīṣmārjunasamāgame ||
śataṃ śatasahasrāṇāṃ yatra sthūṇā hiraṇmayāḥ ||
maṇiratnamayāś cānyāḥ prāsādam upadhārayan ||
tatra kāmagamaṃ divyaṃ sarvaratnavibhūṣitam ||
vimānaṃ devarājasya śuśubhe khecaraṃ tadā ||
tatra devās trayastriṃśat tiṣṭhanti sahavāsavāḥ ||
gandharvā rākṣasāḥ sarpāḥ pitaraś ca maharṣibhiḥ ||
tathā rājā vasumanā balākṣaḥ supratardanaḥ ||
aṣṭakaś ca śibiś caiva yayātir nahuṣo gayaḥ ||
manuḥ kṣupo raghur bhānuḥ kṛśāśvaḥ sagaraḥ śalaḥ ||
vimāne devarājasya samadṛśyanta suprabhāḥ ||
agner īśasya somasya varuṇasya prajāpateḥ ||
tathā dhātur vidhātuś ca kuberasya yamasya ca ||
alambusograsenasya gandharvasya ca tumburoḥ ||
yathābhāgaṃ yathoddeśaṃ vimānāni cakāśire ||
sarvadevanikāyāś ca siddhāś ca paramarṣayaḥ ||
arjunasya kurūṇāṃ ca draṣṭuṃ yuddham upāgatāḥ ||
divyānāṃ tatra mālyānāṃ gandhaḥ puṇyo 'tha sarvaśaḥ ||
prasasāra vasantāgre vanānām iva puṣpitām ||
raktāraktāni devānāṃ samadṛśyanta tiṣṭhatām ||
ātapatrāṇi vāsāṃsi srajaś ca vyajanāni ca ||
upaśāmyad rajo bhaumaṃ sarvaṃ vyāptaṃ marīcibhiḥ ||
divyān gandhān upādāya vāyur yodhān asevata ||
prabhāsitam ivākāśaṃ citrarūpam alaṃkṛtam ||
saṃpatadbhiḥ sthitaiś caiva nānāratnāvabhāsitaiḥ ||
vimānair vividhaiś citrair upānītaiḥ surottamaiḥ ||
Вайшампаяна сказал: «Затем, когда их кони, быстрые в рывке, были подгоняемы кнутами, воины Куру, сильные в стрельбе, все вместе двинулись на Арджуну. Колесницы с развёрнутыми знамёнами, конники и слоны, с готовыми стрелами и копьями, стали перед ним, словно облака, насыщенные молниями. В это время боги, сиддхи, гандхарвы, якши, наги и царственные мудрецы собрались в небе, желая увидеть великое сражение Партхи с Куру. Сам Тысячеглазый, сияющий как солнце, прибыл на небесной колеснице Сударшана, окружённый богами, Ашвинами, Марутами и сонмами небожителей. Пространство наполнилось блеском виман, божественными гирляндами и ароматами: все смотрели на поле, где один сын Панду должен был встретить силу Куру».
420a9f1d153c · опубликовано 16 июл. 2026 г., 18:42:55 UTC
Доступно наRUENЛистайте стихи клавишами
Поле боя показано не только земной ареной. Когда дхарма выходит из скрытого состояния, её проверка становится событием для трёх миров.