कर्ण उवाच
ब्रवीषि वाचा यत् पार्थ कर्मणा तत् समाचर ॥
अतिशेते हि वै वाचं कर्मेति प्रथितं भुवि ॥
यत् त्वया मर्षितं पूर्वं तद् अशक्तेन मर्षितम् ॥
इति गृह्णामि तत् पार्थ तव दृष्ट्वापराक्रमम् ॥
धर्मपाशनिबद्धेन यदि ते मर्षितं पुरा ॥
तथैव बद्धम् आत्मानम् अबद्धम् इव मन्यसे ॥
यदि तावद् वने वासो यथोक्तश् चरितस् त्वया ॥
तत् त्वं धर्मार्थवित् क्लिष्टः समयं भेत्तुम् इच्छसि ॥
यदि शक्रः स्वयं पार्थ युध्यते तव कारणात् ॥
तथापि न व्यथा का चिन् मम स्याद् विक्रमिष्यतः ॥
अयं कौन्तेय कामस् ते नचिरात् समुपस्थितः ॥
योत्स्यसे त्वं मया सार्धम् अद्य द्रक्ष्यसि मे बलम् ॥
अर्जुन उवाच
इदानीम् एव तावत् त्वम् अपयातो रणान् मम ॥
तेन जीवसि राधेय निहतस् त्व् अनुजस् तव ॥
भ्रातरं घातयित्वा च त्यक्त्वा रणशिरश् च कः ॥
त्वद् अन्यः पुरुषः सत्सु ब्रूयाद् एवं व्यवस्थितः ॥
karṇa uvāca
bravīṣi vācā yat pārtha karmaṇā tat samācara ||
atiśete hi vai vācaṃ karmeti prathitaṃ bhuvi ||
yat tvayā marṣitaṃ pūrvaṃ tad aśaktena marṣitam ||
iti gṛhṇāmi tat pārtha tava dṛṣṭvāparākramam ||
dharmapāśanibaddhena yadi te marṣitaṃ purā ||
tathaiva baddham ātmānam abaddham iva manyase ||
yadi tāvad vane vāso yathoktaś caritas tvayā ||
tat tvaṃ dharmārthavit kliṣṭaḥ samayaṃ bhettum icchasi ||
yadi śakraḥ svayaṃ pārtha yudhyate tava kāraṇāt ||
tathāpi na vyathā kā cin mama syād vikramiṣyataḥ ||
ayaṃ kaunteya kāmas te nacirāt samupasthitaḥ ||
yotsyase tvaṃ mayā sārdham adya drakṣyasi me balam ||
arjuna uvāca
idānīm eva tāvat tvam apayāto raṇān mama ||
tena jīvasi rādheya nihatas tv anujas tava ||
bhrātaraṃ ghātayitvā ca tyaktvā raṇaśiraś ca kaḥ ||
tvad anyaḥ puruṣaḥ satsu brūyād evaṃ vyavasthitaḥ ||
Карна сказал: «Сделай делом то, что говоришь словами; дело выше речи. Раньше ты терпел не из-за дхармы, а потому что был неспособен. Если ты связан дхармой, почему считаешь себя свободным? Если ваш срок лесного пребывания завершён, вы нарушаете уговор. Даже если сам Индра станет сражаться за тебя, я не дрогну. Ты желал боя со мной — он близок. Сегодня увидишь мою силу». Арджуна ответил: «Ты только что отступил из моего боя и жив потому, что ушёл. Твой младший брат убит. Кто, кроме тебя, стал бы говорить так после смерти брата и после того, как оставил поле битвы?»
9bf6738be032 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Карна отвечает той же речевой силой, но Арджуна возвращает разговор к фактам. В этой сцене слово проверяется не красотой, а выдержанным действием.