वैशंपायन उवाच
इति कर्णं ब्रुवन्न् एव बीभत्सुर् अपराजितः ॥
अभ्ययाद् विसृजन् बाणान् कायावरणभेदिनः ॥
प्रतिजग्राह तान् कर्णः शरान् अग्निशिखोपमान् ॥
शरवर्षेण महता वर्षमाण इवाम्बुदः ॥
उत्पेतुः शरजालानि घोररूपाणि सर्वशः ॥
अविध्यद् अश्वान् बाह्वोश् च हस्तावापं पृथक् पृथक् ॥
सो ऽमृष्यमाणः कर्णस्य निषङ्गस्यावलम्बनम् ॥
चिच्छेद निशिताग्रेण शरेण नतपर्वणा ॥
उपासङ्गाद् उपादाय कर्णो बाणान् अथापरान् ॥
विव्याध पाण्डवं हस्ते तस्य मुष्टिर् अशीर्यत ॥
ततः पार्थो महाबाहुः कर्णस्य धनुर् अच्छिनत् ॥
स शक्तिं प्राहिणोत् तस्मै तां पार्थो व्यधमच् छरैः ॥
ततो ऽभिपेतुर् बहवो राधेयस्य पदानुगाः ॥
तांश् च गाण्डीवनिर्मुक्तैः प्राहिणोद् यमसादनम् ॥
ततो ऽस्याश्वाञ् शरैस् तीक्ष्णैर् बीभत्सुर् भारसाधनैः ॥
आकर्णमुक्तैर् अभ्यघ्नंस् ते हताः प्रापतन् भुवि ॥
अथापरेण बाणेन ज्वलितेन महाभुजः ॥
विव्याध कर्णं कौन्तेयस् तीक्ष्णेनोरसि वीर्यवान् ॥
तस्य भित्त्वा तनुत्राणं कायम् अभ्यपतच् छरः ॥
ततः स तमसाविष्टो न स्म किं चित् प्रजज्ञिवान् ॥
स गाढवेदनो हित्वा रणं प्रायाद् उदङ्मुखः ॥
ततो ऽर्जुन उपाक्रोशद् उत्तरश् च महारथः ॥
vaiśaṃpāyana uvāca
iti karṇaṃ bruvann eva bībhatsur aparājitaḥ ||
abhyayād visṛjan bāṇān kāyāvaraṇabhedinaḥ ||
pratijagrāha tān karṇaḥ śarān agniśikhopamān ||
śaravarṣeṇa mahatā varṣamāṇa ivāmbudaḥ ||
utpetuḥ śarajālāni ghorarūpāṇi sarvaśaḥ ||
avidhyad aśvān bāhvoś ca hastāvāpaṃ pṛthak pṛthak ||
so 'mṛṣyamāṇaḥ karṇasya niṣaṅgasyāvalambanam ||
ciccheda niśitāgreṇa śareṇa nataparvaṇā ||
upāsaṅgād upādāya karṇo bāṇān athāparān ||
vivyādha pāṇḍavaṃ haste tasya muṣṭir aśīryata ||
tataḥ pārtho mahābāhuḥ karṇasya dhanur acchinat ||
sa śaktiṃ prāhiṇot tasmai tāṃ pārtho vyadhamac charaiḥ ||
tato 'bhipetur bahavo rādheyasya padānugāḥ ||
tāṃś ca gāṇḍīvanirmuktaiḥ prāhiṇod yamasādanam ||
tato 'syāśvāñ śarais tīkṣṇair bībhatsur bhārasādhanaiḥ ||
ākarṇamuktair abhyaghnaṃs te hatāḥ prāpatan bhuvi ||
athāpareṇa bāṇena jvalitena mahābhujaḥ ||
vivyādha karṇaṃ kaunteyas tīkṣṇenorasi vīryavān ||
tasya bhittvā tanutrāṇaṃ kāyam abhyapatac charaḥ ||
tataḥ sa tamasāviṣṭo na sma kiṃ cit prajajñivān ||
sa gāḍhavedano hitvā raṇaṃ prāyād udaṅmukhaḥ ||
tato 'rjuna upākrośad uttaraś ca mahārathaḥ ||
Вайшампаяна сказал: «Арджуна двинулся вперёд, выпуская стрелы, пробивающие броню, а Карна встретил его великим ливнем стрел. Партха срезал крепление его колчана; Карна взял новые стрелы и ранил руку Арджуны. Тогда Дхананджая разрубил его лук. Когда Карна метнул шакти, Партха уничтожил её в воздухе; а воинов, поспешивших защитить сына суты, он отправил к Яме. Затем Арджуна убил коней Карны и острою стрелой пронзил его грудь: стрела прошла сквозь броню и тело. Карна, охваченный болью и помрачением, оставил бой и ушёл к северу. Арджуна и Уттара громко крикнули ему вслед».
799b2eb81b35 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Так заканчивается спор обещаний. Карна остаётся жив, но его хвастовство уже разбито раньше тела: он снова не удержал поле перед Арджуной.