वैशंपायन उवाच
ततो वैकर्तनं जित्वा पार्थो वैराटिम् अब्रवीत् ॥
एतन् मां प्रापयानीकं यत्र तालो हिरण्मयः ॥
अत्र शांतनवो भीष्मो रथे ऽस्माकं पितामहः ॥
काङ्क्षमाणो मया युद्धं तिष्ठत्य् अमरदर्शनः ॥
आदास्याम्य् अहम् एतस्य धनुर्ज्याम् अपि चाहवे ॥
अस्यन्तं दिव्यम् अस्त्रं मां चित्रम् अद्य निशामय ॥
शतह्रदाम् इवायान्तीं स्तनयित्नोर् इवाम्बरे ॥
सुवर्णपृष्ठं गाण्डीवं द्रक्ष्यन्ति कुरवो मम ॥
दक्षिणेनाथ वामेन कतरेण स्विद् अस्यति ॥
इति मां संगताः सर्वे तर्कयिष्यन्ति शत्रवः ॥
शोणितोदां रथावर्तां नागनक्रां दुरत्ययाम् ॥
नदीं प्रस्यन्दयिष्यामि परलोकप्रवाहिनीम् ॥
पाणिपादशिरःपृष्ठबाहुशाखानिरन्तरम् ॥
वनं कुरूणां छेत्स्यामि भल्लैः संनतपर्वभिः ॥
जयतः कौरवीं सेनाम् एकस्य मम धन्विनः ॥
शतं मार्गा भविष्यन्ति पावकस्येव कानने ॥
मया चक्रम् इवाविद्धं सैन्यं द्रक्ष्यसि केवलम् ॥
असंभ्रान्तो रथे तिष्ठ समेषु विषमेषु च ॥
दिवम् आवृत्य तिष्ठन्तं गिरिं भेत्स्यामि धारिभिः ॥
अहम् इन्द्रस्य वचनात् संग्रामे ऽभ्यहनं पुरा ॥
पौलोमान् कालखञ्जांश् च सहस्राणि शतानि च ॥
अहम् इन्द्राद् दृढां मुष्टिं ब्रह्मणः कृतहस्तताम् ॥
प्रगाढं तुमुलं चित्रम् अतिविद्धं प्रजापतेः ॥
अहं पारे समुद्रस्य हिरण्यपुरम् आरुजम् ॥
जित्वा षष्टिसहस्राणि रथिनाम् उग्रधन्विनाम् ॥
ध्वजवृक्षं पत्तितृणं रथसिंहगणायुतम् ॥
वनम् आदीपयिष्यामि कुरूणाम् अस्त्रतेजसा ॥
तान् अहं रथनीडेभ्यः शरैः संनतपर्वभिः ॥
एकः संकालयिष्यामि वज्रपाणिर् इवासुरान् ॥
रौद्रं रुद्राद् अहं ह्य् अस्त्रं वारुणं वरुणाद् अपि ॥
अस्त्रम् आग्नेयम् अग्नेश् च वायव्यं मातरिश्वनः ॥
वज्रादीनि तथास्त्राणि शक्राद् अहम् अवाप्तवान् ॥
धार्तराष्ट्रवनं घोरं नरसिंहाभिरक्षितम् ॥
अहम् उत्पाटयिष्यामि वैराटे व्येतु ते भयम् ॥
vaiśaṃpāyana uvāca
tato vaikartanaṃ jitvā pārtho vairāṭim abravīt ||
etan māṃ prāpayānīkaṃ yatra tālo hiraṇmayaḥ ||
atra śāṃtanavo bhīṣmo rathe 'smākaṃ pitāmahaḥ ||
kāṅkṣamāṇo mayā yuddhaṃ tiṣṭhaty amaradarśanaḥ ||
ādāsyāmy aham etasya dhanurjyām api cāhave ||
asyantaṃ divyam astraṃ māṃ citram adya niśāmaya ||
śatahradām ivāyāntīṃ stanayitnor ivāmbare ||
suvarṇapṛṣṭhaṃ gāṇḍīvaṃ drakṣyanti kuravo mama ||
dakṣiṇenātha vāmena katareṇa svid asyati ||
iti māṃ saṃgatāḥ sarve tarkayiṣyanti śatravaḥ ||
śoṇitodāṃ rathāvartāṃ nāganakrāṃ duratyayām ||
nadīṃ prasyandayiṣyāmi paralokapravāhinīm ||
pāṇipādaśiraḥpṛṣṭhabāhuśākhānirantaram ||
vanaṃ kurūṇāṃ chetsyāmi bhallaiḥ saṃnataparvabhiḥ ||
jayataḥ kauravīṃ senām ekasya mama dhanvinaḥ ||
śataṃ mārgā bhaviṣyanti pāvakasyeva kānane ||
mayā cakram ivāviddhaṃ sainyaṃ drakṣyasi kevalam ||
asaṃbhrānto rathe tiṣṭha sameṣu viṣameṣu ca ||
divam āvṛtya tiṣṭhantaṃ giriṃ bhetsyāmi dhāribhiḥ ||
aham indrasya vacanāt saṃgrāme 'bhyahanaṃ purā ||
paulomān kālakhañjāṃś ca sahasrāṇi śatāni ca ||
aham indrād dṛḍhāṃ muṣṭiṃ brahmaṇaḥ kṛtahastatām ||
pragāḍhaṃ tumulaṃ citram atividdhaṃ prajāpateḥ ||
ahaṃ pāre samudrasya hiraṇyapuram ārujam ||
jitvā ṣaṣṭisahasrāṇi rathinām ugradhanvinām ||
dhvajavṛkṣaṃ pattitṛṇaṃ rathasiṃhagaṇāyutam ||
vanam ādīpayiṣyāmi kurūṇām astratejasā ||
tān ahaṃ rathanīḍebhyaḥ śaraiḥ saṃnataparvabhiḥ ||
ekaḥ saṃkālayiṣyāmi vajrapāṇir ivāsurān ||
raudraṃ rudrād ahaṃ hy astraṃ vāruṇaṃ varuṇād api ||
astram āgneyam agneś ca vāyavyaṃ mātariśvanaḥ ||
vajrādīni tathāstrāṇi śakrād aham avāptavān ||
dhārtarāṣṭravanaṃ ghoraṃ narasiṃhābhirakṣitam ||
aham utpāṭayiṣyāmi vairāṭe vyetu te bhayam ||
Арджуна сказал: «После поражения Карны вези меня туда, где стоит золотой пальмовый стяг. Там Бхишма, наш дед, желает битвы; я возьму его тетиву в бою. Смотри на применение божественных оружий, подобное молнии. Враги будут дивиться, правой или левой рукой стреляет Гандива. Я создам реку крови, с колесницами как водоворотами и слонами как чудовищами; бхаллами рассеку лес Куру. Я один проложу через войско множество путей, как огонь в лесу. Стой твёрдо на ровном и неровном. По велению Индры я победил Пауломов и Калакханджей, разрушил Хираньяпуру; от Индры получил твёрдость руки, от Брахмы и Праджапати — искусство, от Рудры, Варуны, Агни и Ваю — божественные оружия, а от Шакры — ваджру. Я вырву лес Дхритараштры, охраняемый львами среди людей. Пусть страх оставит тебя».
871ba955b1d7 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Арджуна перечисляет не заслуги ради тщеславия, а основания доверия. Уттара должен понять: колесницей правит не случайный воин, а тот, чья сила дана через служение высшему порядку.