एवम् आश्वासितस् तेन वैराटिः सव्यसाचिना ॥
व्यगाहत रथानीकं भीमं भीष्मस्य धीमतः ॥
तम् आयान्तं महाबाहुं जिगीषन्तं रणे परान् ॥
अभ्यवारयद् अव्यग्रः क्रूरकर्मा धनंजयम् ॥
तं चित्रमाल्याभरणाः कृतविद्या मनस्विनः ॥
आगच्छन् भीमधन्वानं मौर्वीं पर्यस्य बाहुभिः ॥
दुःशासनो विकर्णश् च दुःसहो ऽथ विविंशतिः ॥
आगत्य भीमधन्वानं बीभत्सुं पर्यवारयन् ॥
दुःशासनस् तु भल्लेन विद्ध्वा वैराटिम् उत्तरम् ॥
द्वितीयेनार्जुनं वीरः प्रत्यविध्यत् स्तनान्तरे ॥
तस्य जिष्णुर् उपावृत्य पृथुधारेण कार्मुकम् ॥
चकर्त गार्ध्रपत्रेण जातरूपपरिष्कृतम् ॥
अथैनं पञ्चभिः पश्चात् प्रत्यविध्यत् स्तनान्तरे ॥
सो ऽपयातो रणं हित्वा पार्थबाणप्रपीडितः ॥
तं विकर्णः शरैस् तीक्ष्णैर् गार्ध्रपत्रैर् अजिह्मगैः ॥
विव्याध परवीरघ्नम् अर्जुनं धृतराष्ट्रजः ॥
ततस् तम् अपि कौन्तेयः शरेणानतपर्वणा ॥
ललाटे ऽभ्यहनत् तूर्णं स विद्धः प्रापतद् रथात् ॥
ततः पार्थम् अभिद्रुत्य दुःसहः सविविंशतिः ॥
अवाकिरच् छरैस् तीक्ष्णैः परीप्सन् भ्रातरं रणे ॥
ताव् उभौ गार्ध्रपत्राभ्यां निशिताभ्यां धनंजयः ॥
विद्ध्वा युगपद् अव्यग्रस् तयोर् वाहान् असूदयत् ॥
तौ हताश्वौ विविद्धाङ्गौ धृतराष्ट्रात्मजाव् उभौ ॥
अभिपत्य रथैर् अन्यैर् अपनीतौ पदानुगैः ॥
सर्वा दिशश् चाभ्यपतद् बीभत्सुर् अपराजितः ॥
किरीटमाली कौन्तेयो लब्धलक्षो महाबलः ॥
evam āśvāsitas tena vairāṭiḥ savyasācinā ||
vyagāhata rathānīkaṃ bhīmaṃ bhīṣmasya dhīmataḥ ||
tam āyāntaṃ mahābāhuṃ jigīṣantaṃ raṇe parān ||
abhyavārayad avyagraḥ krūrakarmā dhanaṃjayam ||
taṃ citramālyābharaṇāḥ kṛtavidyā manasvinaḥ ||
āgacchan bhīmadhanvānaṃ maurvīṃ paryasya bāhubhiḥ ||
duḥśāsano vikarṇaś ca duḥsaho 'tha viviṃśatiḥ ||
āgatya bhīmadhanvānaṃ bībhatsuṃ paryavārayan ||
duḥśāsanas tu bhallena viddhvā vairāṭim uttaram ||
dvitīyenārjunaṃ vīraḥ pratyavidhyat stanāntare ||
tasya jiṣṇur upāvṛtya pṛthudhāreṇa kārmukam ||
cakarta gārdhrapatreṇa jātarūpapariṣkṛtam ||
athainaṃ pañcabhiḥ paścāt pratyavidhyat stanāntare ||
so 'payāto raṇaṃ hitvā pārthabāṇaprapīḍitaḥ ||
taṃ vikarṇaḥ śarais tīkṣṇair gārdhrapatrair ajihmagaiḥ ||
vivyādha paravīraghnam arjunaṃ dhṛtarāṣṭrajaḥ ||
tatas tam api kaunteyaḥ śareṇānataparvaṇā ||
lalāṭe 'bhyahanat tūrṇaṃ sa viddhaḥ prāpatad rathāt ||
tataḥ pārtham abhidrutya duḥsahaḥ saviviṃśatiḥ ||
avākirac charais tīkṣṇaiḥ parīpsan bhrātaraṃ raṇe ||
tāv ubhau gārdhrapatrābhyāṃ niśitābhyāṃ dhanaṃjayaḥ ||
viddhvā yugapad avyagras tayor vāhān asūdayat ||
tau hatāśvau vividdhāṅgau dhṛtarāṣṭrātmajāv ubhau ||
abhipatya rathair anyair apanītau padānugaiḥ ||
sarvā diśaś cābhyapatad bībhatsur aparājitaḥ ||
kirīṭamālī kaunteyo labdhalakṣo mahābalaḥ ||
Вайшампаяна сказал: «Ободрённый Савьясачином, Уттара вошёл в страшное войско колесниц Бхишмы. Украшенные, обученные и гордые воины — Духшасана, Викарна, Духсаха и Вивимшати — окружили Бибхатсу, натягивая луки. Духшасана ударил Уттару бхаллой, а Арджуну — в грудь. Джишну широколезвийной стрелой срезал его золотой лук и пятью стрелами поразил его самого; Духшасана, страдая, отступил. Викарна ударил Арджуну прямыми острыми стрелами с перьями грифа; Партха поразил его стрелой в лоб, и тот упал с колесницы. Духсаха и Вивимшати бросились спасать брата, но Дхананджая одновременно пронзил обоих и убил их коней. Раненые, лишённые колесниц сыновья Дхритараштры были уведены своими людьми. Бибхатсу, непобедимый Киритин, точный и могучий, двигался во все стороны».
22a5a7d312a6 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Подход к Бхишме проходит через сыновей Дхритараштры: прежде чем встретиться с дедом, Арджуна снова показывает молодым Куру цену их стороны.