वैशंपायन उवाच
अथ संगम्य सर्वे तु कौरवाणां महारथाः ॥
अर्जुनं सहिता यत्ताः प्रत्ययुध्यन्त भारत ॥
स सायकमयैर् जालैः सर्वतस् तान् महारथान् ॥
प्राच्छादयद् अमेयात्मा नीहार इव पर्वतान् ॥
नदद्भिश् च महानागैर् हेषमाणैश् च वाजिभिः ॥
भेरीशङ्खनिनादैश् च स शब्दस् तुमुलो ऽभवत् ॥
नराश्वकायान् निर्भिद्य लोहानि कवचानि च ॥
पार्थस्य शरजालानि विनिष्पेतुः सहस्रशः ॥
त्वरमाणः शरान् अस्यन् पाण्डवः स बभौ रणे ॥
मध्यंदिनगतो ऽर्चिष्माञ् शरदीव दिवाकरः ॥
उपप्लवन्त वित्रस्ता रथेभ्यो रथिनस् तदा ॥
सादिनश् चाश्वपृष्ठेभ्यो भूमौ चापि पदातयः ॥
शरैः संताड्यमानानां कवचानां महात्मनाम् ॥
ताम्रराजतलोहानां प्रादुरासीन् महास्वनः ॥
छन्नम् आयोधनं सर्वं शरीरैर् गतचेतसाम् ॥
गजाश्वसादिभिस् तत्र शितबाणात्तजीवितैः ॥
रथोपस्थाभिपतितैर् आस्तृता मानवैर् मही ॥
प्रनृत्यद् इव संग्रामे चापहस्तो धनंजयः ॥
श्रुत्वा गाण्डीवनिर्घोषं विस्फूर्जितम् इवाशनेः ॥
त्रस्तानि सर्वभूतानि व्यगच्छन्त महाहवात् ॥
vaiśaṃpāyana uvāca
atha saṃgamya sarve tu kauravāṇāṃ mahārathāḥ ||
arjunaṃ sahitā yattāḥ pratyayudhyanta bhārata ||
sa sāyakamayair jālaiḥ sarvatas tān mahārathān ||
prācchādayad ameyātmā nīhāra iva parvatān ||
nadadbhiś ca mahānāgair heṣamāṇaiś ca vājibhiḥ ||
bherīśaṅkhaninādaiś ca sa śabdas tumulo 'bhavat ||
narāśvakāyān nirbhidya lohāni kavacāni ca ||
pārthasya śarajālāni viniṣpetuḥ sahasraśaḥ ||
tvaramāṇaḥ śarān asyan pāṇḍavaḥ sa babhau raṇe ||
madhyaṃdinagato 'rciṣmāñ śaradīva divākaraḥ ||
upaplavanta vitrastā rathebhyo rathinas tadā ||
sādinaś cāśvapṛṣṭhebhyo bhūmau cāpi padātayaḥ ||
śaraiḥ saṃtāḍyamānānāṃ kavacānāṃ mahātmanām ||
tāmrarājatalohānāṃ prādurāsīn mahāsvanaḥ ||
channam āyodhanaṃ sarvaṃ śarīrair gatacetasām ||
gajāśvasādibhis tatra śitabāṇāttajīvitaiḥ ||
rathopasthābhipatitair āstṛtā mānavair mahī ||
pranṛtyad iva saṃgrāme cāpahasto dhanaṃjayaḥ ||
śrutvā gāṇḍīvanirghoṣaṃ visphūrjitam ivāśaneḥ ||
trastāni sarvabhūtāni vyagacchanta mahāhavāt ||
Вайшампаяна сказал: «Тогда все великие колесничие Кауравов, собравшись вместе, соединили усилия и сразились с Арджуной. Безмерный духом Партха со всех сторон покрыл их сетями стрел, словно туман покрывает горы. От трубящих слонов, ржущих коней, звуков бхери и раковин поднялся страшный шум. Тысячи стрел Партхи, пробивая тела людей и коней, железо и панцири, вылетали дальше. Пандава, быстро выпуская стрелы, сиял в бою, как осеннее солнце в полдень. В страхе колесничие падали с колесниц, всадники — с коней, пехотинцы — на землю. От ударов стрел по медным, серебряным и железным панцирям великих воинов возникал громкий звон. Всё поле было закрыто телами тех, чью жизнь отняли острые стрелы: слонами, конями, всадниками и людьми. Земля была устлана людьми, упавшими на площадки колесниц, а Дхананджая, с луком в руке, словно танцевал в битве. Услышав грохот Гандивы, подобный раскату грома, все существа в страхе уходили из великого боя».
8da709b0b2af · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Здесь танец Арджуны не радость насилия, а образ совершенного владения действием. Когда долг исполнен без внутренней рассеянности, даже ужасная битва получает строгий ритм.