कुण्डलोष्णीषधारीणि जातरूपस्रजानि च ॥
पतितानि स्म दृश्यन्ते शिरांसि रणमूर्धनि ॥
विशिखोन्मथितैर् गात्रैर् बाहुभिश् च सकार्मुकैः ॥
सहस्ताभरणैश् चान्यैः प्रच्छन्ना भाति मेदिनी ॥
शिरसां पात्यमानानाम् अन्तरा निशितैः शरैः ॥
अश्मवृष्टिर् इवाकाशाद् अभवद् भरतर्षभ ॥
दर्शयित्वा तथात्मानं रौद्रं रुद्रपराक्रमः ॥
अवरुद्धश् चरन् पार्थो दशवर्षाणि त्रीणि च ॥
क्रोधाग्निम् उत्सृजद् घोरं धार्तराष्ट्रेषु पाण्डवः ॥
तस्य तद् दहतः सैन्यं दृष्ट्वा चैव पराक्रमम् ॥
सर्वे शान्तिपरा योधा धार्तराष्ट्रस्य पश्यतः ॥
वित्रासयित्वा तत् सैन्यं द्रावयित्वा महारथान् ॥
अर्जुनो जयतां श्रेष्ठः पर्यवर्तत भारत ॥
प्रावर्तयन् नदीं घोरां शोणितौघतरङ्गिणीम् ॥
अस्थिशैवलसंबाधां युगान्ते कालनिर्मिताम् ॥
शरचापप्लवां घोरां मांसशोणितकर्दमाम् ॥
महारथमहाद्वीपां शङ्खदुन्दुभिनिस्वनाम् ॥
चकार महतीं पार्थो नदीम् उत्तरशोणिताम् ॥
आददानस्य हि शरान् संधाय च विमुञ्चतः ॥
विकर्षतश् च गाण्डीवं न किं चिद् दृश्यते ऽन्तरम् ॥
kuṇḍaloṣṇīṣadhārīṇi jātarūpasrajāni ca ||
patitāni sma dṛśyante śirāṃsi raṇamūrdhani ||
viśikhonmathitair gātrair bāhubhiś ca sakārmukaiḥ ||
sahastābharaṇaiś cānyaiḥ pracchannā bhāti medinī ||
śirasāṃ pātyamānānām antarā niśitaiḥ śaraiḥ ||
aśmavṛṣṭir ivākāśād abhavad bharatarṣabha ||
darśayitvā tathātmānaṃ raudraṃ rudraparākramaḥ ||
avaruddhaś caran pārtho daśavarṣāṇi trīṇi ca ||
krodhāgnim utsṛjad ghoraṃ dhārtarāṣṭreṣu pāṇḍavaḥ ||
tasya tad dahataḥ sainyaṃ dṛṣṭvā caiva parākramam ||
sarve śāntiparā yodhā dhārtarāṣṭrasya paśyataḥ ||
vitrāsayitvā tat sainyaṃ drāvayitvā mahārathān ||
arjuno jayatāṃ śreṣṭhaḥ paryavartata bhārata ||
prāvartayan nadīṃ ghorāṃ śoṇitaughataraṅgiṇīm ||
asthiśaivalasaṃbādhāṃ yugānte kālanirmitām ||
śaracāpaplavāṃ ghorāṃ māṃsaśoṇitakardamām ||
mahārathamahādvīpāṃ śaṅkhadundubhinisvanām ||
cakāra mahatīṃ pārtho nadīm uttaraśoṇitām ||
ādadānasya hi śarān saṃdhāya ca vimuñcataḥ ||
vikarṣataś ca gāṇḍīvaṃ na kiṃ cid dṛśyate 'ntaram ||
На поле битвы были видны упавшие головы в серьгах, тюрбанах и золотых гирляндах. Земля казалась покрытой телами, руками с луками и другими руками с украшениями. Между падающими от острых стрел головами было так, словно с неба шёл каменный дождь. Так Партха, тринадцать лет бывший стеснённым, явил грозный образ и мощь Рудры; Пандава выпустил на Дхартраштров страшный огонь гнева. Видя, как он сжигает войско, и видя его доблесть, все воины Дурьодханы стали искать мира. Устрашив это войско и обратив великих колесничих в бегство, Арджуна, лучший из победителей, повернул назад. Он создал страшную реку крови, с волнами кровавого потока, с костями как водорослями, устроенную самим временем в конце юги. Стрелы и луки были её плотами, мясо и кровь — грязью, великие колесничие — островами, а раковины и барабаны — её грохотом. Так Партха сделал в северной стороне великую реку крови. Когда он брал стрелы, накладывал их, выпускал и натягивал Гандиву, не было видно ни малейшего промежутка».
40857adfe705 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Тринадцать лет сдержанности не исчезли бесследно: они превратились в сосредоточенную силу. Гнев Партхи страшен, но он возник после долгого послушания дхарме.