वैशंपायन उवाच
ततो द्रोणे हते राजन् दुर्योधनमुखा नृपाः ॥
भृशम् उद्विग्नमनसो द्रोणपुत्रम् उपागमन् ॥
ते द्रोणम् उपशोचन्तः कश्मलाभिहतौजसः ॥
पर्युपासन्त शोकार्तास् ततः शारद्वतीसुतम् ॥
मुहूर्तं ते समाश्वास्य हेतुभिः शास्त्रसंमितैः ॥
रात्र्यागमे महीपालाः स्वानि वेश्मानि भेजिरे ॥
विशेषतः सूतपुत्रो राजा चैव सुयोधनः ॥
दुःशासनो ऽथ शकुनिर् न निद्राम् उपलेभिरे ॥
ते वेश्मस्व् अपि कौरव्य पृथ्वीशा नाप्नुवन् सुखम् ॥
चिन्तयन्तः क्षयं तीव्रं निद्रां नैवोपलेभिरे ॥
सहितास् ते निशायां तु दुर्योधननिवेशने ॥
अतिप्रचण्डाद् विद्वेषात् पाण्डवानां महात्मनाम् ॥
यत् तद् द्यूतपरिक्लिष्टां कृष्णाम् आनिन्यिरे सभाम् ॥
तत् स्मरन्तो ऽन्वतप्यन्त भृशम् उद्विग्नचेतसः ॥
चिन्तयन्तश् च पार्थानां तान् क्लेशान् द्यूतकारितान् ॥
कृच्छ्रेण क्षणदां राजन् निन्युर् अब्दशतोपमाम् ॥
ततः प्रभाते विमले स्थिता दिष्टस्य शासने ॥
चक्रुर् आवश्यकं सर्वे विधिदृष्टेन कर्मणा ॥
ते कृत्वावश्यकार्याणि समाश्वस्य च भारत ॥
योगम् आज्ञापयाम् आसुर् युद्धाय च विनिर्ययुः ॥
कर्णं सेनापतिं कृत्वा कृतकौतुकमङ्गलाः ॥
वाचयित्वा द्विजश्रेष्ठान् दधिपात्रघृताक्षतैः ॥
निष्कैर् गोभिर् हिरण्येन वासोभिश् च महाधनैः ॥
वर्ध्यमाना जयाशीर्भिः सूतमागधबन्दिभिः ॥
तथैव पाण्डवा राजन् कृतसर्वाह्णिकक्रियाः ॥
शिबिरान् निर्ययू राजन् युद्धाय कृतनिश्चयाः ॥
ततः प्रववृते युद्धं तुमुलं रोमहर्षणम् ॥
कुरूणां पाण्डवानां च परस्परवधैषिणाम् ॥
तयोर् द्वे दिवसे युद्धं कुरुपाण्डवसेनयोः ॥
कर्णे सेनापतौ राजन्न् अभूद् अद्भुतदर्शनम् ॥
ततः शत्रुक्षयं कृत्वा सुमहान्तं रणे वृषः ॥
पश्यतां धार्तराष्ट्राणां फल्गुनेन निपातितः ॥
ततस् तत् संजयः सर्वं गत्वा नागाह्वयं पुरम् ॥
आचख्यौ धृतराष्ट्राय यद् वृत्तं कुरुजाङ्गले ॥
vaiśaṃpāyana uvāca
tato droṇe hate rājan duryodhanamukhā nṛpāḥ ||
bhṛśam udvignamanaso droṇaputram upāgaman ||
te droṇam upaśocantaḥ kaśmalābhihataujasaḥ ||
paryupāsanta śokārtās tataḥ śāradvatīsutam ||
muhūrtaṃ te samāśvāsya hetubhiḥ śāstrasaṃmitaiḥ ||
rātryāgame mahīpālāḥ svāni veśmāni bhejire ||
viśeṣataḥ sūtaputro rājā caiva suyodhanaḥ ||
duḥśāsano 'tha śakunir na nidrām upalebhire ||
te veśmasv api kauravya pṛthvīśā nāpnuvan sukham ||
cintayantaḥ kṣayaṃ tīvraṃ nidrāṃ naivopalebhire ||
sahitās te niśāyāṃ tu duryodhananiveśane ||
atipracaṇḍād vidveṣāt pāṇḍavānāṃ mahātmanām ||
yat tad dyūtaparikliṣṭāṃ kṛṣṇām āninyire sabhām ||
tat smaranto 'nvatapyanta bhṛśam udvignacetasaḥ ||
cintayantaś ca pārthānāṃ tān kleśān dyūtakāritān ||
kṛcchreṇa kṣaṇadāṃ rājan ninyur abdaśatopamām ||
tataḥ prabhāte vimale sthitā diṣṭasya śāsane ||
cakrur āvaśyakaṃ sarve vidhidṛṣṭena karmaṇā ||
te kṛtvāvaśyakāryāṇi samāśvasya ca bhārata ||
yogam ājñāpayām āsur yuddhāya ca viniryayuḥ ||
karṇaṃ senāpatiṃ kṛtvā kṛtakautukamaṅgalāḥ ||
vācayitvā dvijaśreṣṭhān dadhipātraghṛtākṣataiḥ ||
niṣkair gobhir hiraṇyena vāsobhiś ca mahādhanaiḥ ||
vardhyamānā jayāśīrbhiḥ sūtamāgadhabandibhiḥ ||
tathaiva pāṇḍavā rājan kṛtasarvāhṇikakriyāḥ ||
śibirān niryayū rājan yuddhāya kṛtaniścayāḥ ||
tataḥ pravavṛte yuddhaṃ tumulaṃ romaharṣaṇam ||
kurūṇāṃ pāṇḍavānāṃ ca parasparavadhaiṣiṇām ||
tayor dve divase yuddhaṃ kurupāṇḍavasenayoḥ ||
karṇe senāpatau rājann abhūd adbhutadarśanam ||
tataḥ śatrukṣayaṃ kṛtvā sumahāntaṃ raṇe vṛṣaḥ ||
paśyatāṃ dhārtarāṣṭrāṇāṃ phalgunena nipātitaḥ ||
tatas tat saṃjayaḥ sarvaṃ gatvā nāgāhvayaṃ puram ||
ācakhyau dhṛtarāṣṭrāya yad vṛttaṃ kurujāṅgale ||
Вайшампаяна сказал: «После гибели Дроны, о царь, владыки во главе с Дурьодханой, глубоко встревоженные, пришли к сыну Дроны. Они скорбели о Дроне; их сила была поражена смятением, и, мучимые горем, они окружили сына Шарадватa. Тот на время успокоил их доводами, согласными с шастрой, и с наступлением ночи цари разошлись по своим станам. Но особенно Карна, царь Суёдхана, Духшасана и Шакуни не могли уснуть. Даже в своих покоях эти земные владыки, о потомок Куру, не находили покоя; думая о страшной гибели, они совсем не обрели сна. Ночью они собрались в жилище Дурьодханы и, из-за своей лютой вражды к великодушным Пандавам, вспоминали, как привели в собрание Кришну-Драупади, измученную игрой. Помня об этом и о страданиях Партхов, причинённых игрой в кости, они, смущённые сердцем, с трудом провели ночь, которая казалась сотней лет. Затем, ясным утром, подчинённые велению судьбы, все они совершили положенные обязанности по установленному обряду. Исполнив необходимое и немного оправившись, о Бхарата, они велели запрягать и выступили на битву. Они поставили Карну во главе войска, совершили благие церемонии, попросили лучших брахманов произнести благословения и раздали йогурт, сосуды, гхи, рис, золотые монеты, коров, золото, дорогие одежды и другие богатства. Суты, магадхи и певцы ободряли их пожеланиями победы. Так же и Пандавы, о царь, совершив все утренние обряды, вышли из стана, твёрдо решив сражаться. Тогда началась страшная битва Куру и Пандавов, жаждавших взаимного уничтожения. Два дня, пока Карна был военачальником, сражение войск Куру и Пандавов, о царь, представляло дивное зрелище. Потом этот могучий герой, совершив в бою великое истребление врагов, на глазах у сыновей Дхритараштры был повержен Пхалгуной. После этого Санджая пришёл в Хастинапур и рассказал Дхритараштре обо всём, что произошло на земле Куру».
efab27a5a8b6 · опубликовано 20 июн. 2026 г., 03:15:01 UTC
Доступно наRUЛистайте стихи клавишами
Глава открывается не военным подъёмом, а бессонницей виновных. Память о Драупади, насильно приведённой в собрание, возвращается к тем, кто тогда считал себя победителями. Так действие кармы проявляется ещё до новых ударов оружия: внешне цари совершают обряды победы, но внутренне уже стоят под властью судьбы.