ततो द्रौणिर् महास्त्राणि प्रादुश्चक्रे महारथः ॥
तान्य् अस्त्रैर् एव समरे प्रतिजघ्ने ऽस्य पाण्डवः ॥
ततो घोरं महाराज अस्त्रयुद्धम् अवर्तत ॥
ग्रहयुद्धं यथा घोरं प्रजासंहरणे अभूत् ॥
ते बाणाः समसज्जन्त क्षिप्तास् ताभ्यां तु भारत ॥
द्योतयन्तो दिशः सर्वास् तच् च सैन्यं समन्ततः ॥
बाणसंघावृतं घोरम् आकाशं समपद्यत ॥
उक्लापातकृतं यद्वत् प्रजानां संक्षये नृप ॥
बाणाभिघातात् संजज्ञे तत्र भारत पावकः ॥
सविस्फुलिङ्गो दीप्तार्चिः सो ऽदहद् वाहिनीद्वयम् ॥
तत्र सिद्धा महाराज संपतन्तो ऽब्रुवन् वचः ॥
अति युद्धानि सर्वाणि युद्धम् एतत् ततो ऽधिकम् ॥
सर्वयुद्धानि चैतस्य कलां नार्हन्ति षोडशीम् ॥
नैतादृशं पुनर् युद्धं न भूतं न भविष्यति ॥
अहो ज्ञानेन संयुक्ताव् उभौ चोग्रपराक्रमौ ॥
अहो भीमे बलं भीमम् एतयोश् च कृतास्त्रता ॥
अहो वीर्यस्य सारत्वम् अहो सौष्ठवम् एतयोः ॥
स्थिताव् एतौ हि समरे कालान्तकयमोपमौ ॥
रुद्रौ द्वाव् इव संभूतौ यथा द्वाव् इव भास्करौ ॥
यमौ वा पुरुषव्याघ्रौ घोररूपाव् इमौ रणे ॥
श्रूयन्ते स्म तदा वाचः सिद्धानां वै मुहुर् मुहुः ॥
सिंहनादश् च संजज्ञे समेतानां दिवौकसाम् ॥
अद्भुतं चाप्य् अचिन्त्यं च दृष्ट्वा कर्म तयोर् मृधे ॥
tato drauṇir mahāstrāṇi prāduścakre mahārathaḥ ||
tāny astrair eva samare pratijaghne 'sya pāṇḍavaḥ ||
tato ghoraṃ mahārāja astrayuddham avartata ||
grahayuddhaṃ yathā ghoraṃ prajāsaṃharaṇe abhūt ||
te bāṇāḥ samasajjanta kṣiptās tābhyāṃ tu bhārata ||
dyotayanto diśaḥ sarvās tac ca sainyaṃ samantataḥ ||
bāṇasaṃghāvṛtaṃ ghoram ākāśaṃ samapadyata ||
uklāpātakṛtaṃ yadvat prajānāṃ saṃkṣaye nṛpa ||
bāṇābhighātāt saṃjajñe tatra bhārata pāvakaḥ ||
savisphuliṅgo dīptārciḥ so 'dahad vāhinīdvayam ||
tatra siddhā mahārāja saṃpatanto 'bruvan vacaḥ ||
ati yuddhāni sarvāṇi yuddham etat tato 'dhikam ||
sarvayuddhāni caitasya kalāṃ nārhanti ṣoḍaśīm ||
naitādṛśaṃ punar yuddhaṃ na bhūtaṃ na bhaviṣyati ||
aho jñānena saṃyuktāv ubhau cograparākramau ||
aho bhīme balaṃ bhīmam etayoś ca kṛtāstratā ||
aho vīryasya sāratvam aho sauṣṭhavam etayoḥ ||
sthitāv etau hi samare kālāntakayamopamau ||
rudrau dvāv iva saṃbhūtau yathā dvāv iva bhāskarau ||
yamau vā puruṣavyāghrau ghorarūpāv imau raṇe ||
śrūyante sma tadā vācaḥ siddhānāṃ vai muhur muhuḥ ||
siṃhanādaś ca saṃjajñe sametānāṃ divaukasām ||
adbhutaṃ cāpy acintyaṃ ca dṛṣṭvā karma tayor mṛdhe ||
Затем махаратха Драуни проявил великие астры, но Пандава в битве отразил их теми же астрами. Тогда, о великий царь, началось страшное сражение оружиями, подобное ужасной битве планет при уничтожении существ. Стрелы, выпущенные ими обоими, о Бхарата, сталкивались, озаряя все стороны и всё войско вокруг. Небо стало страшным, покрытым скопищем стрел, словно при падении метеоров в конце миров, о царь. От ударов стрел возник там, о Бхарата, огонь с искрами и пылающими языками; он сжигал обе армии. Тогда сиддхи, слетаясь, о великий царь, говорили: «Эта битва превосходит все битвы; все сражения не стоят и шестнадцатой её части. Такой битвы не было прежде и не будет снова. О, как оба наделены знанием и грозной доблестью! О, какая страшная сила в Бхиме и какое владение оружием у этих двоих! О, какова сущность их мужества, каково их совершенство! Они стоят в битве подобные Кале, Антаке и Яме, словно два Рудры, словно два солнца, или два Ямы, эти тигры среди людей, страшные видом в бою». Снова и снова слышались тогда голоса сиддхов, и среди собравшихся небожителей поднялся львиный клич, когда они увидели в битве их удивительный и непостижимый подвиг».
e03f7126b091 · опубликовано 20 июн. 2026 г., 03:58:31 UTC
Доступно наRUЛистайте стихи клавишами
Поединок выходит за пределы обычной человеческой схватки: его комментируют сиддхи и небожители. Огонь, возникающий от столкновения стрел, показывает, что мастерство героев само становится стихией разрушения.