संजय उवाच
भीमसेनं ततो द्रौणी राजन् विव्याध पत्रिणा ॥
त्वरया परया युक्तो दर्शयन्न् अस्त्रलाघवम् ॥
अथैनं पुनर् आजघ्ने नवत्या निशितैः शरैः ॥
सर्वमर्माणि संप्रेक्ष्य मर्मज्ञो लघुहस्तवत् ॥
भीमसेनः समाकीर्णो द्रौणिना निशितैः शरैः ॥
रराज समरे राजन् रश्मिवान् इव भास्करः ॥
ततः शरसहस्रेण सुप्रयुक्तेन पाण्डवः ॥
द्रोणपुत्रम् अवच्छाद्य सिंहनादम् अमुञ्चत ॥
शरैः शरांस् ततो द्रौणिः संवार्य युधि पाण्डवम् ॥
ललाटे ऽभ्यहनद् राजन् नाराचेन स्मयन्न् इव ॥
ललाटस्थं ततो बाणं धारयाम् आस पाण्डवः ॥
यथा शृङ्गं वने दृप्तः खड्गो धारयते नृप ॥
ततो द्रौणिं रणे भीमो यतमानं पराक्रमी ॥
त्रिभिर् विव्याध नाराचैर् ललाटे विस्मयन्न् इव ॥
ललाटस्थैस् ततो बाणैर् ब्राह्मणः स व्यरोचत ॥
प्रावृषीव यथा सिक्तस् त्रिशृङ्गः पर्वतोत्तमः ॥
ततः शरशतैर् द्रौणिम् अर्दयाम् आस पाण्डवः ॥
न चैनं कम्पयाम् आस मातरिश्वेव पर्वतम् ॥
तथैव पाण्डवं युद्धे द्रौणिः शरशतैः शितैः ॥
नाकम्पयत संहृष्टो वार्योघ इव पर्वतम् ॥
saṃjaya uvāca
bhīmasenaṃ tato drauṇī rājan vivyādha patriṇā ||
tvarayā parayā yukto darśayann astralāghavam ||
athainaṃ punar ājaghne navatyā niśitaiḥ śaraiḥ ||
sarvamarmāṇi saṃprekṣya marmajño laghuhastavat ||
bhīmasenaḥ samākīrṇo drauṇinā niśitaiḥ śaraiḥ ||
rarāja samare rājan raśmivān iva bhāskaraḥ ||
tataḥ śarasahasreṇa suprayuktena pāṇḍavaḥ ||
droṇaputram avacchādya siṃhanādam amuñcata ||
śaraiḥ śarāṃs tato drauṇiḥ saṃvārya yudhi pāṇḍavam ||
lalāṭe 'bhyahanad rājan nārācena smayann iva ||
lalāṭasthaṃ tato bāṇaṃ dhārayām āsa pāṇḍavaḥ ||
yathā śṛṅgaṃ vane dṛptaḥ khaḍgo dhārayate nṛpa ||
tato drauṇiṃ raṇe bhīmo yatamānaṃ parākramī ||
tribhir vivyādha nārācair lalāṭe vismayann iva ||
lalāṭasthais tato bāṇair brāhmaṇaḥ sa vyarocata ||
prāvṛṣīva yathā siktas triśṛṅgaḥ parvatottamaḥ ||
tataḥ śaraśatair drauṇim ardayām āsa pāṇḍavaḥ ||
na cainaṃ kampayām āsa mātariśveva parvatam ||
tathaiva pāṇḍavaṃ yuddhe drauṇiḥ śaraśataiḥ śitaiḥ ||
nākampayata saṃhṛṣṭo vāryogha iva parvatam ||
Санджая сказал: «Затем Драуни, показывая лёгкость владения астрами и действуя с предельной быстротой, поразил Бхимасену оперённой стрелой, о царь. Потом знаток уязвимых мест, быстрорукий, высмотрев все мармы, снова ударил его девяноста острыми стрелами. Бхимасена, осыпанный острыми стрелами Драуни, сиял в битве, о царь, словно лучистое солнце. Затем Пандава покрыл сына Дроны тысячей метко выпущенных стрел и испустил львиный рёв. Драуни стрелами отразил стрелы Пандавы в бою и, словно улыбаясь, нарачей ударил его в лоб, о царь. Бхима носил стрелу, стоявшую во лбу, как в лесу гордый носорог носит рог, о царь. Тогда доблестный Бхима в бою тремя нарачами поразил в лоб старавшегося Драуни, словно удивляя его. Со стрелами, стоявшими во лбу, этот брахман сиял, словно в сезон дождей орошённая трёхвершинная лучшая гора. Затем Пандава стал мучить Драуни сотнями стрел, но не поколебал его, как ветер не колеблет гору. Так же радостный Драуни сотнями острых стрел не поколебал Пандаву в битве, как водный поток не колеблет гору».
ef69bc761965 · опубликовано 20 июн. 2026 г., 03:58:31 UTC
Доступно наRUЛистайте стихи клавишами
Оба героя показаны как горы: стрелы входят в тело, но не сдвигают внутренней стойкости. Поединок начинается не с преимущества одной стороны, а с демонстрации равной непоколебимости.