धृतराष्ट्र उवाच
तथा व्यूढेष्व् अनीकेषु संसक्तेषु च संजय ॥
संशप्तकान् कथं पार्थो गतः कर्णश् च पाण्डवान् ॥
एतद् विस्तरतो युद्धं प्रब्रूहि कुशलो ह्य् असि ॥
न हि तृप्यामि वीराणां शृण्वानो विक्रमान् रणे ॥
संजय उवाच
तत् स्थाने समवस्थाप्य प्रत्यमित्रं महाबलम् ॥
अव्यूहतार्जुनो व्यूहं पुत्रस्य तव दुर्नये ॥
तत् सादिनागकलिलं पदातिरथसंकुलम् ॥
धृष्टद्युम्नमुखैर् व्यूढम् अशोभत महद् बलम् ॥
पारावतसवर्णाश्वश् चन्द्रादित्यसमद्युतिः ॥
पार्षतः प्रबभौ धन्वी कालो विग्रहवान् इव ॥
पार्षतं त्व् अभि संतस्थुर् द्रौपदेया युयुत्सवः ॥
सानुगा भीमवपुषश् चन्द्रं तारागणा इव ॥
अथ व्यूढेष्व् अनीकेषु प्रेक्ष्य संशप्तकान् रणे ॥
क्रुद्धो ऽर्जुनो ऽभिदुद्राव व्याक्षिपन् गाण्डिवं धनुः ॥
अथ संशप्तकाः पार्थम् अभ्यधावन् वधैषिणः ॥
विजये कृतसंकल्पा मृत्युं कृत्वा निवर्तनम् ॥
तद् अश्वसंघबहुलं मत्तनागरथाकुलम् ॥
पत्तिमच् छूरवीरौघैर् द्रुतम् अर्जुनम् आद्रवत् ॥
स संप्रहारस् तुमुलस् तेषाम् आसीत् किरीटिना ॥
तस्यैव नः श्रुतो यादृङ् निवातकवचैः सह ॥
dhṛtarāṣṭra uvāca
tathā vyūḍheṣv anīkeṣu saṃsakteṣu ca saṃjaya ||
saṃśaptakān kathaṃ pārtho gataḥ karṇaś ca pāṇḍavān ||
etad vistarato yuddhaṃ prabrūhi kuśalo hy asi ||
na hi tṛpyāmi vīrāṇāṃ śṛṇvāno vikramān raṇe ||
saṃjaya uvāca
tat sthāne samavasthāpya pratyamitraṃ mahābalam ||
avyūhatārjuno vyūhaṃ putrasya tava durnaye ||
tat sādināgakalilaṃ padātirathasaṃkulam ||
dhṛṣṭadyumnamukhair vyūḍham aśobhata mahad balam ||
pārāvatasavarṇāśvaś candrādityasamadyutiḥ ||
pārṣataḥ prababhau dhanvī kālo vigrahavān iva ||
pārṣataṃ tv abhi saṃtasthur draupadeyā yuyutsavaḥ ||
sānugā bhīmavapuṣaś candraṃ tārāgaṇā iva ||
atha vyūḍheṣv anīkeṣu prekṣya saṃśaptakān raṇe ||
kruddho 'rjuno 'bhidudrāva vyākṣipan gāṇḍivaṃ dhanuḥ ||
atha saṃśaptakāḥ pārtham abhyadhāvan vadhaiṣiṇaḥ ||
vijaye kṛtasaṃkalpā mṛtyuṃ kṛtvā nivartanam ||
tad aśvasaṃghabahulaṃ mattanāgarathākulam ||
pattimac chūravīraughair drutam arjunam ādravat ||
sa saṃprahāras tumulas teṣām āsīt kirīṭinā ||
tasyaiva naḥ śruto yādṛṅ nivātakavacaiḥ saha ||
Дхритараштра сказал: «Когда войска были так построены и сцепились, Санджая, как Партха пошёл на самшаптаков, а Карна — на Пандавов? Расскажи подробно об этом сражении, ведь ты искусен. Я не насыщаюсь, слушая о подвигах героев в бою». Санджая сказал: «Поставив на месте вражескую великую силу, Арджуна выстроил строй против войска твоего сына, чья политика была дурной. Великое войско, густое от всадников и слонов, заполненное пехотой и колесницами, построенное с Дхриштадьюмной во главе, сияло. Дхриштадьюмна, лучник с конями цвета голубей и сиянием луны и солнца, блистал, словно воплощённая Смерть. Сыновья Драупади, грозные телом и желающие боя, стояли вокруг него со своей свитой, как звёзды вокруг луны. Когда войска были построены, разгневанный Арджуна увидел в бою самшаптаков и бросился на них, размахивая Гандивой. Самшаптаки, решив победить и считая смерть единственным возвращением, устремились на Партху, желая убить его. Их войско, полное коней, пьяных слонов, колесниц, пехоты и потоков героев, быстро ринулось на Арджуну. Их шумная схватка с Киритиным была такой, какой мы слышали была его битва с Ниватакавачами».
24564c62fbe9 · опубликовано 20 июн. 2026 г., 08:45:28 UTC
Доступно наRUЛистайте стихи клавишами
Сражение сразу разделяется на два центра: Арджуна принимает обетных врагов, а Карна идёт к Пандавам. В этом разделении видна цена стратегии: каждый герой связан своим долгом и своим противником.