अथ कर्णो भृशं क्रुद्धः शीघ्रम् अस्त्रम् उदीरयन् ॥
जघान पाण्डवीं सेनाम् आसुरीं मघवान् इव ॥
स पाण्डवरथांस् तूर्णं प्रविश्य विसृजञ् शरान् ॥
प्रभद्रकाणां प्रवरान् अहनत् सप्तसप्ततिम् ॥
ततः सुपुङ्खैर् निशितै रथश्रेष्ठो रथेषुभिः ॥
अवधीत् पञ्चविंशत्या पाञ्चालान् पञ्चविंशतिम् ॥
सुवर्णपुङ्खैर् नाराचैः परकायविदारणैः ॥
चेदिकान् अवधीद् वीरः शतशो ऽथ सहस्रशः ॥
तं तथा समरे कर्म कुर्वाणम् अतिमानुषम् ॥
परिवव्रुर् महाराज पाञ्चालानां रथव्रजाः ॥
ततः संधाय विशिखान् पञ्च भारत दुःसहान् ॥
पाञ्चालान् अवधीत् पञ्च कर्णो वैकर्तनो वृषः ॥
भानुदेवं चित्रसेनं सेनाबिन्दुं च भारत ॥
तपनं शूरसेनं च पाञ्चालान् अवधीद् रणे ॥
पाञ्चालेषु च शूरेषु वध्यमानेषु सायकैः ॥
हाहाकारो महान् आसीत् पाञ्चालानां महाहवे ॥
तेषां संकीर्यमाणानां हाहाकारकृता दिशः ॥
पुनर् एव च तान् कर्णो जघानाशु पतत्रिभिः ॥
चक्ररक्षौ तु कर्णस्य पुत्रौ मारिष दुर्जयौ ॥
सुषेणः सत्यसेनश् च त्यक्त्वा प्राणान् अयुध्यताम् ॥
पृष्ठगोपस् तु कर्णस्य ज्येष्ठः पुत्रो महारथः ॥
वृषसेनः स्वयं कर्णं पृष्ठतः पर्यपालयत् ॥
धृष्टद्युम्नः सात्यकिश् च द्रौपदेया वृकोदरः ॥
जनमेजयः शिखण्डी च प्रवीराश् च प्रभद्रकाः ॥
चेदिकेकयपाञ्चाला यमौ मत्स्याश् च दंशिताः ॥
समभ्यधावन् राधेयं जिघांसन्तः प्रहारिणः ॥
त एनं विविधैः शस्त्रैः शरधाराभिर् एव च ॥
अभ्यवर्षन् विमृद्नन्तः प्रावृषीवाम्बुदा गिरिम् ॥
पितरं तु परीप्सन्तः कर्णपुत्राः प्रहारिणः ॥
त्वदीयाश् चापरे राजन् वीरा वीरान् अवारयन् ॥
atha karṇo bhṛśaṃ kruddhaḥ śīghram astram udīrayan ||
jaghāna pāṇḍavīṃ senām āsurīṃ maghavān iva ||
sa pāṇḍavarathāṃs tūrṇaṃ praviśya visṛjañ śarān ||
prabhadrakāṇāṃ pravarān ahanat saptasaptatim ||
tataḥ supuṅkhair niśitai rathaśreṣṭho ratheṣubhiḥ ||
avadhīt pañcaviṃśatyā pāñcālān pañcaviṃśatim ||
suvarṇapuṅkhair nārācaiḥ parakāyavidāraṇaiḥ ||
cedikān avadhīd vīraḥ śataśo 'tha sahasraśaḥ ||
taṃ tathā samare karma kurvāṇam atimānuṣam ||
parivavrur mahārāja pāñcālānāṃ rathavrajāḥ ||
tataḥ saṃdhāya viśikhān pañca bhārata duḥsahān ||
pāñcālān avadhīt pañca karṇo vaikartano vṛṣaḥ ||
bhānudevaṃ citrasenaṃ senābinduṃ ca bhārata ||
tapanaṃ śūrasenaṃ ca pāñcālān avadhīd raṇe ||
pāñcāleṣu ca śūreṣu vadhyamāneṣu sāyakaiḥ ||
hāhākāro mahān āsīt pāñcālānāṃ mahāhave ||
teṣāṃ saṃkīryamāṇānāṃ hāhākārakṛtā diśaḥ ||
punar eva ca tān karṇo jaghānāśu patatribhiḥ ||
cakrarakṣau tu karṇasya putrau māriṣa durjayau ||
suṣeṇaḥ satyasenaś ca tyaktvā prāṇān ayudhyatām ||
pṛṣṭhagopas tu karṇasya jyeṣṭhaḥ putro mahārathaḥ ||
vṛṣasenaḥ svayaṃ karṇaṃ pṛṣṭhataḥ paryapālayat ||
dhṛṣṭadyumnaḥ sātyakiś ca draupadeyā vṛkodaraḥ ||
janamejayaḥ śikhaṇḍī ca pravīrāś ca prabhadrakāḥ ||
cedikekayapāñcālā yamau matsyāś ca daṃśitāḥ ||
samabhyadhāvan rādheyaṃ jighāṃsantaḥ prahāriṇaḥ ||
ta enaṃ vividhaiḥ śastraiḥ śaradhārābhir eva ca ||
abhyavarṣan vimṛdnantaḥ prāvṛṣīvāmbudā girim ||
pitaraṃ tu parīpsantaḥ karṇaputrāḥ prahāriṇaḥ ||
tvadīyāś cāpare rājan vīrā vīrān avārayan ||
Затем Карна, сильно разгневанный и быстро пуская оружие, стал разить пандавское войско, как Магхаван — войско асуров. Ворвавшись в ряды пандавских колесниц и выпуская стрелы, он убил семьдесят семь лучших Прабхадраков. Затем лучший колесничий острыми, хорошо оперёнными стрелами убил двадцать пять Панчалов двадцатью пятью стрелами. Золотооперёнными нарачами, разрывающими тела врагов, герой убивал Чедиев сотнями и тысячами. Когда он совершал в битве такое сверхчеловеческое дело, отряды колесниц Панчалов окружили его. Тогда Карна Вайкартана, могучий бык, наложил пять нестерпимых стрел и убил в бою пятерых Панчалов: Бханудеву, Читрасену, Сенабинду, Тапану и Шурасену. Когда герои Панчалов падали от стрел, в великой битве поднялся великий вопль. Стороны наполнились их криками, и Карна снова быстро поражал их крылатыми стрелами. Два непобедимых сына Карны, Сушена и Сатьясена, не щадя жизни, сражались как защитники его колёс. Старший сын, великий ратхин Вришасена, сам охранял Карну с тыла. Дхриштадьюмна, Сатьяки, сыновья Драупади, Врикодара, Джанамеджая, Шикханди, лучшие Прабхадраки, Чеди, Кекаи, Панчалы, близнецы и Матсьи в доспехах — все эти бойцы бросились на Радхею, желая убить его. Они осыпали его разным оружием и потоками стрел, сокрушая, как дождевые облака гору. Но сыновья Карны, желая защитить отца, и другие твои герои удерживали героев».
c321a56a5d2c · опубликовано 20 июн. 2026 г., 05:43:24 UTC
Доступно наRUЛистайте стихи клавишами
Карна здесь показан не одиночкой, а центром родовой защиты: сыновья становятся у его колёс и тыла. Но эта близость делает битву ещё более трагичной, потому что удар по герою неизбежно проходит через его дом.