ततस् तु तं वै द्विरदं महात्मा; प्रत्युद्ययौ त्वरमाणो जयाय ॥
जम्भो यथा शक्रसमागमे वै; नागेन्द्रम् ऐरावणम् इन्द्रवाह्यम् ॥
तम् आपतन्तं सहसा तु दृष्ट्वा; पाञ्चालराजं युधि राजसिंहः ॥
तं वै द्विपं प्रेषयाम् आस तूर्णं; वधाय राजन् द्रुपदात्मजस्य ॥
स तं द्विपं सहसाभ्यापतन्तम्; अविध्यद् अर्कप्रतिमैः पृषत्कैः ॥
कर्मारधौतैर् निशितैर् ज्वलद्भिर्; नाराचमुख्यैस् त्रिभिर् उग्रवेगैः ॥
ततो ऽपरान् पञ्च शितान् महात्मा; नाराचमुख्यान् विससर्ज कुम्भे ॥
स तैस् तु विद्धः परमद्विपो रणे; तदा परावृत्य भृशं प्रदुद्रुवे ॥
tatas tu taṃ vai dviradaṃ mahātmā; pratyudyayau tvaramāṇo jayāya ||
jambho yathā śakrasamāgame vai; nāgendram airāvaṇam indravāhyam ||
tam āpatantaṃ sahasā tu dṛṣṭvā; pāñcālarājaṃ yudhi rājasiṃhaḥ ||
taṃ vai dvipaṃ preṣayām āsa tūrṇaṃ; vadhāya rājan drupadātmajasya ||
sa taṃ dvipaṃ sahasābhyāpatantam; avidhyad arkapratimaiḥ pṛṣatkaiḥ ||
karmāradhautair niśitair jvaladbhir; nārācamukhyais tribhir ugravegaiḥ ||
tato 'parān pañca śitān mahātmā; nārācamukhyān visasarja kumbhe ||
sa tais tu viddhaḥ paramadvipo raṇe; tadā parāvṛtya bhṛśaṃ pradudruve ||
«Тогда на того слона великий духом Дхриштадьюмна выступил, спеша, к победе, как Джамбха при встрече с Шакрой — на слона-вождя Айравану, ездового Индры. Увидев его, царя панчалов, внезапно налетающего в битве, лев среди царей Шальва послал того слона быстро на убийство сына Друпады, о царь. Он того слона, внезапно налетающего, пронзил стрелами, подобными солнцу, — кузнецом отточенными, острыми, пылающими, тремя превосходными нарачами, грозно-стремительными. Затем великий духом пустил ещё пять острых превосходных нарач в лобный бугор; и тот превосходный слон, ими пронзённый, в битве тогда, повернув, стремглав побежал».
bf73ecb5e751 · опубликовано 20 июн. 2026 г., 14:30:00 UTC
Доступно наRUЛистайте стихи клавишами
Дхриштадьюмна устремляется на слона, «как Джамбха на Айравану Индры», и стрелами в лобный бугор обращает зверя в бегство. Снова возвращается образ битвы богов с асурами; но здесь сторона дхармы предстаёт уже не Джамбхой-демоном, а воином, что встаёт за дрогнувшее войско, — и слон, опора врага, не выдерживает.