एवम् उक्तो मया द्रौणिर् माम् इदं प्रत्युवाच ह ॥
प्रयुज्य भवते पूजां योत्स्ये कृष्ण त्वयेत्य् उत ॥
ततस् ते प्रार्थितं चक्रं देवदानवपूजितम् ॥
अजेयः स्याम् इति विभो सत्यम् एतद् ब्रवीमि ते ॥
त्वत्तो ऽहं दुर्लभं कामम् अनवाप्यैव केशव ॥
प्रतियास्यामि गोविन्द शिवेनाभिवदस्व माम् ॥
एतत् सुनाभं वृष्णीनाम् ऋषभेण त्वया धृतम् ॥
चक्रम् अप्रतिचक्रेण भुवि नान्यो ऽभिपद्यते ॥
एतावद् उक्त्वा द्रौणिर् मां युग्यम् अश्वान् धनानि च ॥
आदायोपययौ बालो रत्नानि विविधानि च ॥
स संरम्भी दुरात्मा च चपलः क्रूर एव च ॥
वेद चास्त्रं ब्रह्मशिरस् तस्माद् रक्ष्यो वृकोदरः ॥
evam ukto mayā drauṇir mām idaṃ pratyuvāca ha ||
prayujya bhavate pūjāṃ yotsye kṛṣṇa tvayety uta ||
tatas te prārthitaṃ cakraṃ devadānavapūjitam ||
ajeyaḥ syām iti vibho satyam etad bravīmi te ||
tvatto 'haṃ durlabhaṃ kāmam anavāpyaiva keśava ||
pratiyāsyāmi govinda śivenābhivadasva mām ||
etat sunābhaṃ vṛṣṇīnām ṛṣabheṇa tvayā dhṛtam ||
cakram apraticakreṇa bhuvi nānyo 'bhipadyate ||
etāvad uktvā drauṇir māṃ yugyam aśvān dhanāni ca ||
ādāyopayayau bālo ratnāni vividhāni ca ||
sa saṃrambhī durātmā ca capalaḥ krūra eva ca ||
veda cāstraṃ brahmaśiras tasmād rakṣyo vṛkodaraḥ ||
«Так сказанный мной Драуни ответил: ‘Совершив тебе поклонение, я хотел бы сражаться с тобой, о Кришна. Поэтому я попросил у тебя диск, почитаемый богами и данавами, чтобы стать непобедимым, о владыка; правду говорю тебе. Не получив от тебя этого труднодостижимого желания, о Кешава, я уйду обратно, Говинда. Отпусти меня с благом. Этот диск с прекрасной ступицей, который носишь ты, бык Вришни, диск, не имеющий соперника, на земле никто другой не получит’. Сказав мне это, глупый Драуни взял упряжь, коней, богатства и разные драгоценности и ушёл. Он яростен, дурнодушен, неустойчив и жесток; и он знает оружие Брахмаширас. Поэтому Врикодару надо защитить».
1b5873be6074 · опубликовано 20 июн. 2026 г., 12:38:14 UTC
Доступно наRUЛистайте стихи клавишами
Кульминация рассказа ясна: Ашваттхаман хотел Сударшану, чтобы сражаться с самим Кришной. Его опасность не только в оружии, а в гордыне, которая мечтает поставить себя напротив Господа.