वनमध्ये च तत्राभूद् उदपानः समावृतः ॥
वल्लीभिस् तृणछन्नाभिर् गूढाभिर् अभिसंवृतः ॥
पपात स द्विजस् तत्र निगूढे सलिलाशये ॥
विलग्नश् चाभवत् तस्मिंल् लतासंतानसंकटे ॥
पनसस्य यथा जातं वृन्तबद्धं महाफलम् ॥
स तथा लम्बते तत्र ऊर्ध्वपादो ह्य् अधःशिराः ॥
अथ तत्रापि चान्यो ऽस्य भूयो जात उपद्रवः ॥
कूपवीनाहवेलायाम् अपश्यत महागजम् ॥
षड्वक्त्रं कृष्णशबलं द्विषट्कपदचारिणम् ॥
क्रमेण परिसर्पन्तं वल्लीवृक्षसमावृतम् ॥
तस्य चापि प्रशाखासु वृक्षशाखावलम्बिनः ॥
नानारूपा मधुकरा घोररूपा भयावहाः ॥
आसते मधु संभृत्य पूर्वम् एव निकेतजाः ॥
vanamadhye ca tatrābhūd udapānaḥ samāvṛtaḥ ||
vallībhis tṛṇachannābhir gūḍhābhir abhisaṃvṛtaḥ ||
papāta sa dvijas tatra nigūḍhe salilāśaye ||
vilagnaś cābhavat tasmiṃl latāsaṃtānasaṃkaṭe ||
panasasya yathā jātaṃ vṛntabaddhaṃ mahāphalam ||
sa tathā lambate tatra ūrdhvapādo hy adhaḥśirāḥ ||
atha tatrāpi cānyo 'sya bhūyo jāta upadravaḥ ||
kūpavīnāhavelāyām apaśyata mahāgajam ||
ṣaḍvaktraṃ kṛṣṇaśabalaṃ dviṣaṭkapadacāriṇam ||
krameṇa parisarpantaṃ vallīvṛkṣasamāvṛtam ||
tasya cāpi praśākhāsu vṛkṣaśākhāvalambinaḥ ||
nānārūpā madhukarā ghorarūpā bhayāvahāḥ ||
āsate madhu saṃbhṛtya pūrvam eva niketajāḥ ||
«В середине того леса был скрытый колодец, покрытый лианами и травами, тайно закрытый зарослями. Тот дваждырождённый упал туда, в скрытое водное место, и зацепился в тесной сети лиан. Как большой плод панаса, прикреплённый черенком, он висел там ногами вверх и головой вниз. Но и там для него возникла новая беда: у края устья колодца он увидел великого слона — шестиликого, чёрно-пёстрого, ходящего на двенадцати ногах, медленно подползающего среди лиан и деревьев. А на ветвях дерева, за которые он держался, сидели страшные и пугающие пчёлы разных видов, давно жившие в своём гнезде и собравшие мёд».
462a353ba1ea · опубликовано 20 июн. 2026 г., 13:35:50 UTC
Доступно наRUЛистайте стихи клавишами
Человек падает в колодец, но продолжает цепляться за лозы. Так душа держится за временные опоры, даже когда опасность уже со всех сторон очевидна.