गान्धार्य् उवाच
काम्बोजं पश्य दुर्धर्षं काम्बोजास्तरणोचितम् ॥
शयानम् ऋषभस्कन्धं हतं पांसुशु माधव ॥
यस्य क्षतजसंदिग्धौ बाहू चन्दनरूषितौ ॥
अवेक्ष्य कृपणं भार्या विलपत्य् अतिदुःखिता ॥
इमौ तौ परिघप्रख्यौ बाहू शुभतलाङ्गुली ॥
ययोर् विवरम् आपन्नां न रतिर् मां पुराजहत् ॥
कां गतिं नु गमिष्यामि त्वया हीना जनेश्वर ॥
दूरबन्धुर् अनाथेव अतीव मधुरस्वरा ॥
आतपे क्लाम्यमानानां विविधानाम् इव स्रजाम् ॥
क्लान्तानाम् अपि नारीणां न श्रीर् जहति वै तनुम् ॥
शयानम् अभितः शूरं कालिङ्गं मधुसूदन ॥
पश्य दीप्ताङ्गदयुगप्रतिबद्धमहाभुजम् ॥
मागधानाम् अधिपतिं जयत्सेनं जनार्दन ॥
परिवार्य प्ररुदिता मागध्यः पश्य योषितः ॥
आसाम् आयतनेत्राणां सुस्वराणां जनार्दन ॥
मनःश्रुतिहरो नादो मनो मोहयतीव मे ॥
प्रकीर्णसर्वाभरणा रुदन्त्यः शोककर्शिताः ॥
स्वास्तीर्णशयनोपेता मागध्यः शेरते भुवि ॥
कोसलानाम् अधिपतिं राजपुत्रं बृहद्बलम् ॥
भर्तारं परिवार्यैताः पृथक् प्ररुदिताः स्त्रियः ॥
अस्य गात्रगतान् बाणान् कार्ष्णिबाहुबलार्पितान् ॥
उद्धरन्त्य् असुखाविष्टा मूर्छमानाः पुनः पुनः ॥
आसां सर्वानवद्यानाम् आतपेन परिश्रमात् ॥
प्रम्लाननलिनाभानि भान्ति वक्त्राणि माधव ॥
gāndhāry uvāca
kāmbojaṃ paśya durdharṣaṃ kāmbojāstaraṇocitam ||
śayānam ṛṣabhaskandhaṃ hataṃ pāṃsuśu mādhava ||
yasya kṣatajasaṃdigdhau bāhū candanarūṣitau ||
avekṣya kṛpaṇaṃ bhāryā vilapaty atiduḥkhitā ||
imau tau parighaprakhyau bāhū śubhatalāṅgulī ||
yayor vivaram āpannāṃ na ratir māṃ purājahat ||
kāṃ gatiṃ nu gamiṣyāmi tvayā hīnā janeśvara ||
dūrabandhur anātheva atīva madhurasvarā ||
ātape klāmyamānānāṃ vividhānām iva srajām ||
klāntānām api nārīṇāṃ na śrīr jahati vai tanum ||
śayānam abhitaḥ śūraṃ kāliṅgaṃ madhusūdana ||
paśya dīptāṅgadayugapratibaddhamahābhujam ||
māgadhānām adhipatiṃ jayatsenaṃ janārdana ||
parivārya praruditā māgadhyaḥ paśya yoṣitaḥ ||
āsām āyatanetrāṇāṃ susvarāṇāṃ janārdana ||
manaḥśrutiharo nādo mano mohayatīva me ||
prakīrṇasarvābharaṇā rudantyaḥ śokakarśitāḥ ||
svāstīrṇaśayanopetā māgadhyaḥ śerate bhuvi ||
kosalānām adhipatiṃ rājaputraṃ bṛhadbalam ||
bhartāraṃ parivāryaitāḥ pṛthak praruditāḥ striyaḥ ||
asya gātragatān bāṇān kārṣṇibāhubalārpitān ||
uddharanty asukhāviṣṭā mūrchamānāḥ punaḥ punaḥ ||
āsāṃ sarvānavadyānām ātapena pariśramāt ||
pramlānanalinābhāni bhānti vaktrāṇi mādhava ||
Гандхари сказала: «Посмотри, Мадхава, на неодолимого царя Камбоджи, привыкшего к камбоджийским покрывалам: с плечами быка, он лежит убитый в пыли. Его жена, увидев его окровавленные руки, прежде умащённые сандалом, жалобно причитает в великом горе: “Эти руки, подобные железным засовам, с прекрасными ладонями и пальцами, раньше обнимали меня, и в их объятиях любовь не оставляла меня. Куда же я пойду без тебя, владыка людей, словно сирота среди дальних родичей?” Так говорит она, сладкоголосая. Даже у женщин, изнемогающих на солнце, как разные гирлянды, красота не оставляет утомлённое тело. Посмотри, Мадхусудана, на героя Калинги, лежащего с могучими руками, украшенными сияющими браслетами. Посмотри, Джанардана, как магадхские женщины, окружив владыку магадхов Джаяцену, громко плачут. Голос этих широкооких и сладкоголосых женщин пленяет слух и словно смущает мой ум. С рассыпанными украшениями, плача и иссушённые скорбью, магадхские женщины, привыкшие к хорошо застланным ложам, лежат на земле. Эти женщины, окружив мужа, царского сына Брихадбалу, владыку Косалы, плачут каждая отдельно. Стрелы, вошедшие в его тело и пущенные силой руки сына Каршни, они вынимают, охваченные страданием и снова падая в обморок. Лица всех этих безупречных женщин, о Мадхава, от солнца и усталости кажутся увядшими лотосами».
c0aa2df8e10d · опубликовано 20 июн. 2026 г., 14:25:44 UTC
Доступно наRUЛистайте стихи клавишами
Гандхари перечисляет царей разных земель, но взгляд вновь задерживается на женщинах. Их красота не романтизирует горе, а делает потерю человеческой и видимой.