ते वयं पृथिवीहेतोर् अवध्यान् पृथिवीसमान् ॥
संपरित्यज्य जीवामो हीनार्था हतबान्धवाः ॥
आमिषे गृध्यमानानाम् अशुनां नः शुनाम् इव ॥
आमिषं चैव नो नष्टम् आमिषस्य च भोजिनः ॥
न पृथिव्या सकलया न सुवर्णस्य राशिभिः ॥
न गवाश्वेन सर्वेण ते त्याज्या य इमे हताः ॥
संयुक्ताः काममन्युभ्यां क्रोधामर्षसमन्विताः ॥
मृत्युयानं समारुह्य गता वैवस्वतक्षयम् ॥
बहु कल्याणम् इच्छन्त ईहन्ते पितरः सुतान् ॥
तपसा ब्रह्मचर्येण वन्दनेन तितिक्षया ॥
उपवासैस् तथेज्याभिर् व्रतकौतुकमङ्गलैः ॥
लभन्ते मातरो गर्भांस् तान् मासान् दश बिभ्रति ॥
यदि स्वस्ति प्रजायन्ते जाता जीवन्ति वा यदि ॥
संभाविता जातबलास् ते दद्युर् यदि नः सुखम् ॥
इह चामुत्र चैवेति कृपणाः फलहेतुकाः ॥
तासाम् अयं समारम्भो निवृत्तः केवलो ऽफलः ॥
यद् आसां निहताः पुत्रा युवानो मृष्टकुण्डलाः ॥
अभुक्त्वा पार्थिवान् भोगान् ऋणान्य् अनवदाय च ॥
पितृभ्यो देवताभ्यश् च गता वैवस्वतक्षयम् ॥
te vayaṃ pṛthivīhetor avadhyān pṛthivīsamān ||
saṃparityajya jīvāmo hīnārthā hatabāndhavāḥ ||
āmiṣe gṛdhyamānānām aśunāṃ naḥ śunām iva ||
āmiṣaṃ caiva no naṣṭam āmiṣasya ca bhojinaḥ ||
na pṛthivyā sakalayā na suvarṇasya rāśibhiḥ ||
na gavāśvena sarveṇa te tyājyā ya ime hatāḥ ||
saṃyuktāḥ kāmamanyubhyāṃ krodhāmarṣasamanvitāḥ ||
mṛtyuyānaṃ samāruhya gatā vaivasvatakṣayam ||
bahu kalyāṇam icchanta īhante pitaraḥ sutān ||
tapasā brahmacaryeṇa vandanena titikṣayā ||
upavāsais tathejyābhir vratakautukamaṅgalaiḥ ||
labhante mātaro garbhāṃs tān māsān daśa bibhrati ||
yadi svasti prajāyante jātā jīvanti vā yadi ||
saṃbhāvitā jātabalās te dadyur yadi naḥ sukham ||
iha cāmutra caiveti kṛpaṇāḥ phalahetukāḥ ||
tāsām ayaṃ samārambho nivṛttaḥ kevalo 'phalaḥ ||
yad āsāṃ nihatāḥ putrā yuvāno mṛṣṭakuṇḍalāḥ ||
abhuktvā pārthivān bhogān ṛṇāny anavadāya ca ||
pitṛbhyo devatābhyaś ca gatā vaivasvatakṣayam ||
Мы ради земли оставили тех, кого нельзя было убивать, равных самой земле, и теперь живём лишённые смысла, с убитыми родичами. Мы были словно псы, жадные до мяса: и добыча наша погибла, и те, кто должен был её вкушать. Ни всей землёй, ни грудами золота, ни всеми коровами и конями нельзя было купить отказ от тех, кто теперь убит. Соединённые с желанием и гневом, с яростью и нетерпимостью, они взошли на колесницу смерти и ушли в обитель Вайвасваты. Отцы, желая великого блага, добиваются сыновей аскезой, брахмачарьей, почитанием и терпением; матери получают беременность постами, жертвами, обетами и благими обрядами и десять месяцев носят детей. Если они благополучно рождаются, если родившиеся живут, если, почтённые и окрепшие, они дадут нам счастье здесь и в ином мире — так думают жалкие люди, ожидая плода. Но все старания этих матерей оказались совершенно бесплодны: их юные сыновья, украшенные чистыми серьгами, убиты. Не вкусив царских благ и не отдав долгов предкам и богам, они ушли в обитель Вайвасваты».
927c0cc86499 · опубликовано 20 июн. 2026 г., 15:01:42 UTC
Доступно наRUЛистайте стихи клавишами
Здесь Юдхиштхира видит за полем битвы не славу, а разрушенные надежды родителей. Дхарма родовой жизни — рождение, воспитание, долг перед предками и богами — оборвалась ради добычи, которая сама исчезла.