यदा तु हीनं नृपतिर् विद्याद् आत्मानम् आत्मना ॥
अमात्यैः सह संमन्त्र्य कुर्यात् संधिं बलीयसा ॥
अज्ञायमानो हीनत्वे कुर्यात् संधिं परेण वै ॥
लिप्सुर् वा कं चिद् एवार्थं त्वरमाणो विचक्षणः ॥
गुणवन्तो महोत्साहा धर्मज्ञाः साधवश् च ये ॥
संदधीत नृपस् तैश् च राष्ट्रं धर्मेण पालयन् ॥
उच्छिद्यमानम् आत्मानं ज्ञात्वा राजा महामतिः ॥
पूर्वापकारिणो हन्याल् लोकद्विष्टांश् च सर्वशः ॥
यो नोपकर्तुं शक्नोति नापकर्तुं महीपतिः ॥
अशक्यरूपश् चोद्धर्तुम् उपेक्ष्यस् तादृशो भवेत् ॥
यात्रां यायाद् अविज्ञातम् अनाक्रन्दम् अनन्तरम् ॥
व्यासक्तं च प्रमत्तं च दुर्बलं च विचक्षणः ॥
यात्राम् आज्ञापयेद् वीरः कल्यपुष्टबलः सुखी ॥
पूर्वं कृत्वा विधानं च यात्रायां नगरे तथा ॥
न च वश्यो भवेद् अस्य नृपो यद्य् अपि वीर्यवान् ॥
हीनश् च बलवीर्याभ्यां कर्शयंस् तं परावसेत् ॥
राष्ट्रं च पीडयेत् तस्य शस्त्राग्निविषमूर्छनैः ॥
अमात्यवल्लभानां च विवादांस् तस्य कारयेत् ॥
वर्जनीयं सदा युद्धं राज्यकामेन धीमता ॥
उपायैस् त्रिभिर् आदानम् अर्थस्याह बृहस्पतिः ॥
सान्त्वेनानुप्रदानेन भेदेन च नराधिप ॥
यम् अर्थं शक्नुयात् प्राप्तुं तेन तुष्येद् धि पण्डितः ॥
yadā tu hīnaṃ nṛpatir vidyād ātmānam ātmanā ||
amātyaiḥ saha saṃmantrya kuryāt saṃdhiṃ balīyasā ||
ajñāyamāno hīnatve kuryāt saṃdhiṃ pareṇa vai ||
lipsur vā kaṃ cid evārthaṃ tvaramāṇo vicakṣaṇaḥ ||
guṇavanto mahotsāhā dharmajñāḥ sādhavaś ca ye ||
saṃdadhīta nṛpas taiś ca rāṣṭraṃ dharmeṇa pālayan ||
ucchidyamānam ātmānaṃ jñātvā rājā mahāmatiḥ ||
pūrvāpakāriṇo hanyāl lokadviṣṭāṃś ca sarvaśaḥ ||
yo nopakartuṃ śaknoti nāpakartuṃ mahīpatiḥ ||
aśakyarūpaś coddhartum upekṣyas tādṛśo bhavet ||
yātrāṃ yāyād avijñātam anākrandam anantaram ||
vyāsaktaṃ ca pramattaṃ ca durbalaṃ ca vicakṣaṇaḥ ||
yātrām ājñāpayed vīraḥ kalyapuṣṭabalaḥ sukhī ||
pūrvaṃ kṛtvā vidhānaṃ ca yātrāyāṃ nagare tathā ||
na ca vaśyo bhaved asya nṛpo yady api vīryavān ||
hīnaś ca balavīryābhyāṃ karśayaṃs taṃ parāvaset ||
rāṣṭraṃ ca pīḍayet tasya śastrāgniviṣamūrchanaiḥ ||
amātyavallabhānāṃ ca vivādāṃs tasya kārayet ||
varjanīyaṃ sadā yuddhaṃ rājyakāmena dhīmatā ||
upāyais tribhir ādānam arthasyāha bṛhaspatiḥ ||
sāntvenānupradānena bhedena ca narādhipa ||
yam arthaṃ śaknuyāt prāptuṃ tena tuṣyed dhi paṇḍitaḥ ||
Если царь сам поймёт, что слаб, он должен посоветоваться с министрами и заключить мир с более сильным. Мудрый может заключить мир с противником, пока его слабость ещё не распознана, или если он спешит достичь какой-то цели. Защищая царство дхармой, царь должен заключать союзы с добродетельными, энергичными, знающими дхарму и праведными. Когда царь великого разума понимает, что его самого подрывают, он должен наказать прежних вредителей и всех, кого ненавидит мир. А того, кто не может ни помочь, ни навредить и кого невозможно поднять, землевладыка должен оставить без внимания. Мудрый идёт походом против того, кто неосведомлён, лишён помощи, находится рядом, занят, беспечен или слаб. Герой должен приказывать поход, когда он здоров, благополучен и имеет накормленное войско, заранее устроив всё и для похода, и для города. Даже если вражеский царь силён, не следует становиться его подвластным; если он слаб силой и мужеством, нужно изнурять его и держаться отдельно. Нужно теснить его царство оружием, огнём, ядом и тайными средствами, возбуждать раздоры среди его министров и любимцев. Но мудрый, желающий царства, должен всегда избегать войны. Брихаспати говорит, что цель достигают тремя средствами: умиротворением, даром и расколом, владыка людей. Мудрый должен довольствоваться той целью, какую он может получить».
65f6167c8872 · опубликовано 20 июн. 2026 г., 18:28:39 UTC
Доступно наRUЛистайте стихи клавишами
Бхишма не романтизирует войну. Даже в жёсткой политике он ставит выше рассудительность: мир, союз, разведка, раскол и ограниченная цель предпочтительнее прямого сражения, если они сохраняют царство.