बलिषष्ठेन शुल्केन दण्डेनाथापराधिनाम् ॥
शास्त्रनीतेन लिप्सेथा वेतनेन धनागमम् ॥
दापयित्वा करं धर्म्यं राष्ट्रं नित्यं यथाविधि ॥
अशेषान् कल्पयेद् राजा योगक्षेमान् अतन्द्रितः ॥
गोपायितारं दातारं धर्मनित्यम् अतन्द्रितम् ॥
अकामद्वेषसंयुक्तम् अनुरज्यन्ति मानवाः ॥
मा स्माधर्मेण लाभेन लिप्सेथास् त्वं धनागमम् ॥
धर्मार्थाव् अध्रुवौ तस्य यो ऽपशास्त्रपरो भवेत् ॥
अपशास्त्रपरो राजा संचयान् नाधिगच्छति ॥
अस्थाने चास्य तद् वित्तं सर्वम् एव विनश्यति ॥
अर्थमूलो ऽपहिंसां च कुरुते स्वयम् आत्मनः ॥
करैर् अशास्त्रदृष्टैर् हि मोहात् संपीडयन् प्रजाः ॥
ऊधश् छिन्द्याद् धि यो धेन्वाः क्षीरार्थी न लभेत् पयः ॥
एवं राष्ट्रम् अयोगेन पीडितं न विवर्धते ॥
यो हि दोग्ध्रीम् उपास्ते तु स नित्यं लभते पयः ॥
एवं राष्ट्रम् उपायेन भुञ्जानो लभते फलम् ॥
अथ राष्ट्रम् उपायेन भुज्यमानं सुरक्षितम् ॥
जनयत्य् अतुलां नित्यं कोशवृद्धिं युधिष्ठिर ॥
दोग्धि धान्यं हिरण्यं च प्रजा राज्ञि सुरक्षिता ॥
नित्यं स्वेभ्यः परेभ्यश् च तृप्ता माता यथा पयः ॥
मालाकारोपमो राजन् भव माङ्गारिकोपमः ॥
तथा युक्तश् चिरं राष्ट्रं भोक्तुं शक्यसि पालयन् ॥
baliṣaṣṭhena śulkena daṇḍenāthāparādhinām ||
śāstranītena lipsethā vetanena dhanāgamam ||
dāpayitvā karaṃ dharmyaṃ rāṣṭraṃ nityaṃ yathāvidhi ||
aśeṣān kalpayed rājā yogakṣemān atandritaḥ ||
gopāyitāraṃ dātāraṃ dharmanityam atandritam ||
akāmadveṣasaṃyuktam anurajyanti mānavāḥ ||
mā smādharmeṇa lābhena lipsethās tvaṃ dhanāgamam ||
dharmārthāv adhruvau tasya yo 'paśāstraparo bhavet ||
apaśāstraparo rājā saṃcayān nādhigacchati ||
asthāne cāsya tad vittaṃ sarvam eva vinaśyati ||
arthamūlo 'pahiṃsāṃ ca kurute svayam ātmanaḥ ||
karair aśāstradṛṣṭair hi mohāt saṃpīḍayan prajāḥ ||
ūdhaś chindyād dhi yo dhenvāḥ kṣīrārthī na labhet payaḥ ||
evaṃ rāṣṭram ayogena pīḍitaṃ na vivardhate ||
yo hi dogdhrīm upāste tu sa nityaṃ labhate payaḥ ||
evaṃ rāṣṭram upāyena bhuñjāno labhate phalam ||
atha rāṣṭram upāyena bhujyamānaṃ surakṣitam ||
janayaty atulāṃ nityaṃ kośavṛddhiṃ yudhiṣṭhira ||
dogdhi dhānyaṃ hiraṇyaṃ ca prajā rājñi surakṣitā ||
nityaṃ svebhyaḥ parebhyaś ca tṛptā mātā yathā payaḥ ||
mālākāropamo rājan bhava māṅgārikopamaḥ ||
tathā yuktaś ciraṃ rāṣṭraṃ bhoktuṃ śakyasi pālayan ||
Приход богатства следует получать установленными шастрой средствами: податью в шестую долю, пошлиной, наказанием преступников и платой. Взимая праведный налог с царства по правилу, неутомимый царь должен полностью устроить приобретение и сохранение подданных. Люди любят того, кто защищает, даёт, постоянно стоит в дхарме, неутомим и свободен от желания и ненависти. Никогда не стремись к приходу богатства через неправедную выгоду: у того, кто предан беззаконию, дхарма и польза непрочны. Царь, преданный беззаконию, не достигает накоплений, и всё его богатство гибнет не на своём месте. Из-за выгоды он сам себе причиняет вред, когда по заблуждению угнетает подданных налогами, не установленными шастрой. Тот, кто, желая молока, отрежет вымя коровы, не получит молока; так и царство, угнетённое неправильным способом, не процветает. Кто ухаживает за дойной коровой, тот всегда получает молоко; так и тот, кто пользуется царством правильным средством, получает плод. Царство, используемое правильным способом и хорошо защищённое, постоянно рождает несравненный рост казны, Юдхиштхира. Подданные, хорошо защищённые царём, всегда дают зерно и золото своим и чужим, как сытая мать даёт молоко. Царь, будь подобен изготовителю гирлянд, а не угольщику; действуя так, ты сможешь долго пользоваться царством, защищая его».
7537d7c6aacb · опубликовано 20 июн. 2026 г., 18:36:53 UTC
Доступно наRUЛистайте стихи клавишами
Налоговая дхарма выражена через образ коровы. Страну нельзя выжимать и калечить ради немедленной казны: её нужно защищать и поддерживать, тогда она сама даёт устойчивый плод.