युधिष्ठिर उवाच
धार्मिको ऽर्थान् असंप्राप्य राजामात्यैः प्रबाधितः ॥
च्युतः कोशाच् च दण्डाच् च सुखम् इच्छन् कथं चरेत् ॥
भीष्म उवाच
अत्रायं क्षेमदर्शीयम् इतिहासो ऽनुगीयते ॥
तत् ते ऽहं संप्रवक्ष्यामि तन् निबोध युधिष्ठिर ॥
क्षेमदर्शं नृपसुतं यत्र क्षीणबलं पुरा ॥
मुनिः कालकवृक्षीय आजगामेति नः श्रुतम् ॥
तं पप्रच्छोपसंगृह्य कृच्छ्राम् आपदम् आस्थितः ॥
अर्थेषु भागी पुरुष ईहमानः पुनः पुनः ॥
अलब्ध्वा मद्विधो राज्यं ब्रह्मन् किं कर्तुम् अर्हति ॥
अन्यत्र मरणात् स्तेयाद् अन्यत्र परसंश्रयात् ॥
क्षुद्राद् अन्यत्र चाचारात् तन् ममाचक्ष्व सत्तम ॥
व्याधिना चाभिपन्नस्य मानसेनेतरेण वा ॥
बहुश्रुतः कृतप्रज्ञस् त्वद्विधः शरणं भवेत् ॥
निर्विद्य हि नरः कामान् नियम्य सुखम् एधते ॥
त्यक्त्वा प्रीतिं च शोकं च लब्ध्वाप्रीतिमयं वसु ॥
सुखम् अर्थाश्रयं येषाम् अनुशोचामि तान् अहम् ॥
मम ह्य् अर्थाः सुबहवो नष्टाः स्वप्न इवागताः ॥
दुष्करं बत कुर्वन्ति महतो ऽर्थांस् त्यजन्ति ये ॥
वयं त्व् एनान् परित्यक्तुम् असतो ऽपि न शक्नुमः ॥
इमाम् अवस्थां संप्राप्तं दीनम् आर्तं श्रियश् च्युतम् ॥
यद् अन्यत् सुखम् अस्तीह तद् ब्रह्मन्न् अनुशाधि माम् ॥
yudhiṣṭhira uvāca
dhārmiko 'rthān asaṃprāpya rājāmātyaiḥ prabādhitaḥ ||
cyutaḥ kośāc ca daṇḍāc ca sukham icchan kathaṃ caret ||
bhīṣma uvāca
atrāyaṃ kṣemadarśīyam itihāso 'nugīyate ||
tat te 'haṃ saṃpravakṣyāmi tan nibodha yudhiṣṭhira ||
kṣemadarśaṃ nṛpasutaṃ yatra kṣīṇabalaṃ purā ||
muniḥ kālakavṛkṣīya ājagāmeti naḥ śrutam ||
taṃ papracchopasaṃgṛhya kṛcchrām āpadam āsthitaḥ ||
artheṣu bhāgī puruṣa īhamānaḥ punaḥ punaḥ ||
alabdhvā madvidho rājyaṃ brahman kiṃ kartum arhati ||
anyatra maraṇāt steyād anyatra parasaṃśrayāt ||
kṣudrād anyatra cācārāt tan mamācakṣva sattama ||
vyādhinā cābhipannasya mānasenetareṇa vā ||
bahuśrutaḥ kṛtaprajñas tvadvidhaḥ śaraṇaṃ bhavet ||
nirvidya hi naraḥ kāmān niyamya sukham edhate ||
tyaktvā prītiṃ ca śokaṃ ca labdhvāprītimayaṃ vasu ||
sukham arthāśrayaṃ yeṣām anuśocāmi tān aham ||
mama hy arthāḥ subahavo naṣṭāḥ svapna ivāgatāḥ ||
duṣkaraṃ bata kurvanti mahato 'rthāṃs tyajanti ye ||
vayaṃ tv enān parityaktum asato 'pi na śaknumaḥ ||
imām avasthāṃ saṃprāptaṃ dīnam ārtaṃ śriyaś cyutam ||
yad anyat sukham astīha tad brahmann anuśādhi mām ||
Юдхиштхира спросил: «Как должен жить праведный царь, который не получил средств, тесним министрами, лишился казны и силы, но желает счастья?» Бхишма ответил: «Здесь рассказывают предание о Кшемадаршине; я поведаю его тебе, Юдхиштхира, выслушай. Мы слышали, что некогда к царевичу Кшемадаршину, чья сила истощилась, пришёл муни Калакаврикшия. Попав в тяжкую беду, царевич приблизился к нему и спросил: “О брахман, что должен делать человек, подобный мне, который снова и снова стремился к богатствам, но не получил царства? Скажи мне это, лучший: кроме смерти, кражи, зависимости от другого и низкого поведения, какой путь остаётся? Для поражённого болезнью, душевной или иной, прибежищем становится много слышавший и зрелый разумом мудрец, подобный тебе. Разочаровавшись в желаниях и обуздав себя, человек достигает счастья; оставив радость и скорбь, он обретает богатство без привязанности. Я жалею тех, чьё счастье опирается на богатство: мои многочисленные богатства исчезли, словно пришедшие во сне. Трудное совершают те, кто оставляют великие богатства, а мы не способны оставить даже то, чего уже нет. Я пришёл к этому жалкому и мучительному состоянию, лишённый Шри; брахман, наставь меня, какое иное счастье есть здесь”».
86e4f0b566c9 · опубликовано 20 июн. 2026 г., 20:30:33 UTC
Доступно наRUЛистайте стихи клавишами
Вопрос царевича показывает внутренний узел потери: человек страдает не только от исчезнувшего богатства, но и от невозможности отпустить то, чего уже нет.