ब्राह्मण उवाच
यदि राजन् प्रसन्नस् त्वं मम चेच्छसि चेद् धितम् ॥
भवतः शीलम् इच्छामि प्राप्तुम् एष वरो मम ॥
धृतराष्ट्र उवाच
ततः प्रीतश् च दैत्येन्द्रो भयं चास्याभवन् महत् ॥
वरे प्रदिष्टे विप्रेण नाल्पतेजायम् इत्य् उत ॥
एवम् अस्त्व् इति तं प्राह प्रह्रादो विस्मितस् तदा ॥
उपाकृत्य तु विप्राय वरं दुःखान्वितो ऽभवत् ॥
दत्ते वरे गते विप्रे चिन्तासीन् महती ततः ॥
प्रह्रादस्य महाराज निश्चयं न च जग्मिवान् ॥
तस्य चिन्तयतस् तात छायाभूतं महाद्युते ॥
तेजो विग्रहवत् तात शरीरम् अजहात् तदा ॥
तम् अपृच्छन् महाकायं प्रह्रादः को भवान् इति ॥
प्रत्याह ननु शीलो ऽस्मि त्यक्तो गच्छाम्य् अहं त्वया ॥
तस्मिन् द्विजवरे राजन् वत्स्याम्य् अहम् अनिन्दितम् ॥
यो ऽसौ शिष्यत्वम् आगम्य त्वयि नित्यं समाहितः ॥
इत्य् उक्त्वान्तर्हितं तद् वै शक्रं चान्वविशत् प्रभो ॥
तस्मिंस् तेजसि याते तु तादृग्रूपस् ततो ऽपरः ॥
शरीरान् निःसृतस् तस्य को भवान् इति चाब्रवीत् ॥
धर्मं प्रह्राद मां विद्धि यत्रासौ द्विजसत्तमः ॥
तत्र यास्यामि दैत्येन्द्र यतः शीलं ततो ह्य् अहम् ॥
brāhmaṇa uvāca
yadi rājan prasannas tvaṃ mama cecchasi ced dhitam ||
bhavataḥ śīlam icchāmi prāptum eṣa varo mama ||
dhṛtarāṣṭra uvāca
tataḥ prītaś ca daityendro bhayaṃ cāsyābhavan mahat ||
vare pradiṣṭe vipreṇa nālpatejāyam ity uta ||
evam astv iti taṃ prāha prahrādo vismitas tadā ||
upākṛtya tu viprāya varaṃ duḥkhānvito 'bhavat ||
datte vare gate vipre cintāsīn mahatī tataḥ ||
prahrādasya mahārāja niścayaṃ na ca jagmivān ||
tasya cintayatas tāta chāyābhūtaṃ mahādyute ||
tejo vigrahavat tāta śarīram ajahāt tadā ||
tam apṛcchan mahākāyaṃ prahrādaḥ ko bhavān iti ||
pratyāha nanu śīlo 'smi tyakto gacchāmy ahaṃ tvayā ||
tasmin dvijavare rājan vatsyāmy aham aninditam ||
yo 'sau śiṣyatvam āgamya tvayi nityaṃ samāhitaḥ ||
ity uktvāntarhitaṃ tad vai śakraṃ cānvaviśat prabho ||
tasmiṃs tejasi yāte tu tādṛgrūpas tato 'paraḥ ||
śarīrān niḥsṛtas tasya ko bhavān iti cābravīt ||
dharmaṃ prahrāda māṃ viddhi yatrāsau dvijasattamaḥ ||
tatra yāsyāmi daityendra yataḥ śīlaṃ tato hy aham ||
Брахман сказал: «Если ты доволен, царь, и желаешь мне блага, я хочу получить твоё śīla. Это мой дар». Дхритараштра продолжил: «Царь дайтьев был доволен, но великий страх возник у него, когда брахман назвал такой дар: “Этот не малой силы”. Удивлённый Прахлада сказал: “Пусть будет так”, и, отдав дар брахману, погрузился в печаль. Когда дар был дан и брахман ушёл, Прахлада впал в тяжёлую тревогу и не мог прийти к решению. Пока он размышлял, из его тела вышло сияние, подобное воплощённой тени. Прахлада спросил этот великий образ: “Кто ты?” Тот ответил: “Я — śīla. Ты отдал меня, и я ухожу. Я буду безупречно жить в том лучшем брахмане, который пришёл к тебе как ученик и был всегда сосредоточен на тебе”. Сказав так, śīla исчез и вошёл в Шакру. Когда это сияние ушло, из тела Прахлады вышел другой образ. Прахлада спросил: “Кто ты?” Тот сказал: “Знай меня как дхарму, Прахлада. Где тот лучший брахман, туда я пойду, царь дайтьев; ведь где śīla, там и я”».
2b3816881784 · опубликовано 20 июн. 2026 г., 21:42:25 UTC
Доступно наRUЛистайте стихи клавишами
Индра просит не богатство и не оружие, а сам источник благополучия — śīla. Когда добрый нрав уходит, дхарма сразу следует за ним: закон не остаётся там, где утрачен внутренний характер.