आज्येन पयसा दध्ना शकृतामिक्षया त्वचा ॥
वालैः शृङ्गेण पादेन संभवत्य् एव गौर् मखम् ॥
एवं प्रत्येकशः सर्वं यद् यद् अस्य विधीयते ॥
यज्ञं वहन्ति संभूय सहर्त्विग्भिः सदक्षिणैः ॥
संहत्यैतानि सर्वाणि यज्ञं निर्वर्तयन्त्य् उत ॥
यज्ञार्थानि हि सृष्टानि यथा वै श्रूयते श्रुतिः ॥
एवं पूर्वे पूर्वतराः प्रवृत्ताश् चैव मानवाः ॥
न हिनस्ति ह्य् आरभते नाभिद्रुह्यति किं चन ॥
यज्ञो यष्टव्य इत्य् एव यो यजत्य् अफलेप्सया ॥
यज्ञाङ्गान्य् अपि चैतानि यथोक्तानि नसंशयः ॥
विधिना विधियुक्तानि तारयन्ति परस्परम् ॥
आम्नायम् आर्षं पश्यामि यस्मिन् वेदाः प्रतिष्ठिताः ॥
तं विद्वांसो ऽनुपश्यन्ति ब्राह्मणस्यानुदर्शनात् ॥
ब्राह्मणप्रभवो यज्ञो ब्राह्मणार्पण एव च ॥
अनु यज्ञं जगत् सर्वं यज्ञश् चानु जगत् सदा ॥
ओम् इति ब्रह्मणो योनिर् नमः स्वाहा स्वधा वषट् ॥
यस्यैतानि प्रयुज्यन्ते यथाशक्ति कृतान्य् अपि ॥
न तस्य त्रिषु लोकेषु परलोकभयं विदुः ॥
इति वेदा वदन्तीह सिद्धाश् च परमर्षयः ॥
ऋचो यजूंषि सामानि स्तोभाश् च विधिचोदिताः ॥
यस्मिन्न् एतानि सर्वाणि बहिर् एव स वै द्विजः ॥
अग्न्याधेये यद् भवति यच् च सोमे सुते द्विज ॥
यच् चेतरैर् महायज्ञैर् वेद तद् भगवान् स्वतः ॥
तस्माद् ब्रह्मन् यजेतैव याजयेच् चाविचारयन् ॥
यजतः स्वर्गविधिना प्रेत्य स्वर्गफलं महत् ॥
नायं लोको ऽस्त्य् अयज्ञानां परश् चेति विनिश्चयः ॥
वेदवादविदश् चैव प्रमाणम् उभयं तदा ॥
ājyena payasā dadhnā śakṛtāmikṣayā tvacā ||
vālaiḥ śṛṅgeṇa pādena saṃbhavaty eva gaur makham ||
evaṃ pratyekaśaḥ sarvaṃ yad yad asya vidhīyate ||
yajñaṃ vahanti saṃbhūya sahartvigbhiḥ sadakṣiṇaiḥ ||
saṃhatyaitāni sarvāṇi yajñaṃ nirvartayanty uta ||
yajñārthāni hi sṛṣṭāni yathā vai śrūyate śrutiḥ ||
evaṃ pūrve pūrvatarāḥ pravṛttāś caiva mānavāḥ ||
na hinasti hy ārabhate nābhidruhyati kiṃ cana ||
yajño yaṣṭavya ity eva yo yajaty aphalepsayā ||
yajñāṅgāny api caitāni yathoktāni nasaṃśayaḥ ||
vidhinā vidhiyuktāni tārayanti parasparam ||
āmnāyam ārṣaṃ paśyāmi yasmin vedāḥ pratiṣṭhitāḥ ||
taṃ vidvāṃso 'nupaśyanti brāhmaṇasyānudarśanāt ||
brāhmaṇaprabhavo yajño brāhmaṇārpaṇa eva ca ||
anu yajñaṃ jagat sarvaṃ yajñaś cānu jagat sadā ||
om iti brahmaṇo yonir namaḥ svāhā svadhā vaṣaṭ ||
yasyaitāni prayujyante yathāśakti kṛtāny api ||
na tasya triṣu lokeṣu paralokabhayaṃ viduḥ ||
iti vedā vadantīha siddhāś ca paramarṣayaḥ ||
ṛco yajūṃṣi sāmāni stobhāś ca vidhicoditāḥ ||
yasminn etāni sarvāṇi bahir eva sa vai dvijaḥ ||
agnyādheye yad bhavati yac ca some sute dvija ||
yac cetarair mahāyajñair veda tad bhagavān svataḥ ||
tasmād brahman yajetaiva yājayec cāvicārayan ||
yajataḥ svargavidhinā pretya svargaphalaṃ mahat ||
nāyaṃ loko 'sty ayajñānāṃ paraś ceti viniścayaḥ ||
vedavādavidaś caiva pramāṇam ubhayaṃ tadā ||
«Маслом, молоком, творогом, навозом, смесью, кожей, волосами, рогом и ногой корова действительно участвует в жертве; так по отдельности всё, что ей предписывается, становится частью обряда. Все эти элементы вместе с жрецами и дакшинами несут жертву и, собравшись, завершают её. Шрути слышится так: всё это создано ради жертвы; так действовали прежние и древнейшие люди. Кто жертвует без желания плода, думая только: “жертва должна быть совершена”, тот не вредит и не нападает ни на что. Эти члены жертвы, как сказано, когда они соединены с правилом, без сомнения взаимно переправляют друг друга. Я вижу ришийское предание, в котором утверждены Веды; мудрые созерцают его, следуя видению брахмана. Жертва происходит от брахмана и брахману же посвящена; весь мир следует за жертвой, и жертва всегда следует за миром. Oṃ — источник Брахмана; namaḥ, svāhā, svadhā и vaṣaṭ — его священные возгласы. У того, кто применяет их по мере силы, не знают страха перед иным миром в трёх мирах — так говорят здесь Веды, сиддхи и высшие риши. Ричи, яджусы, саманы и стобхи, побуждаемые правилом, если у человека остаются только внешними, делают его двиджей лишь внешне. То, что бывает при установлении огня, при выжатом соме и при других великих жертвах, владыка знает сам. Поэтому, о брахман, следует жертвовать и проводить жертвы без колебания: для того, кто жертвует по правилу неба, после смерти есть великий небесный плод. Для нежертвующих нет ни этого мира, ни иного — таково решение; тогда и знатоки ведийского слова, и оба свидетельства становятся авторитетом».
b36019a5d2af · опубликовано 21 июн. 2026 г., 05:37:44 UTC
Доступно наRUЛистайте стихи клавишами
Сьюмарашми завершает защиту яджни, но оговаривает главное: без желания плода и по правилу жертва не является нападением. Внешняя ведийская форма должна быть наполнена знанием, иначе двиджа остаётся только внешним.