भीष्म उवाच
रथेनेन्द्रः प्रयातो वै सार्धं सुरगणैः पुरा ॥
ददर्शाथाग्रतो वृत्रं विष्ठितं पर्वतोपमम् ॥
योजनानां शतान्य् ऊर्ध्वं पञ्चोच्छ्रितम् अरिंदम ॥
शतानि विस्तरेणाथ त्रीण्य् एवाभ्यधिकानि तु ॥
तत् प्रेक्ष्य तादृशं रूपं त्रैलोक्येनापि दुर्जयम् ॥
वृत्रस्य देवाः संत्रस्ता न शान्तिम् उपलेभिरे ॥
शक्रस्य तु तदा राजन्न् ऊरुस्तम्भो व्यजायत ॥
भयाद् वृत्रस्य सहसा दृष्ट्वा तद् रूपम् उत्तमम् ॥
ततो नादः समभवद् वादित्राणां च निस्वनः ॥
देवासुराणां सर्वेषां तस्मिन् युद्ध उपस्थिते ॥
अथ वृत्रस्य कौरव्य दृष्ट्वा शक्रम् उपस्थितम् ॥
न संभ्रमो न भीः का चिद् आस्था वा समजायत ॥
ततः समभवद् युद्धं त्रैलोक्यस्य भयंकरम् ॥
शक्रस्य च सुरेन्द्रस्य वृत्रस्य च महात्मनः ॥
असिभिः पट्टिशैः शूलैः शक्तितोमरमुद्गरैः ॥
शिलाभिर् विविधाभिश् च कार्मुकैश् च महास्वनैः ॥
अस्त्रैश् च विविधैर् दिव्यैः पावकोल्काभिर् एव च ॥
देवासुरैस् ततः सैन्यैः सर्वम् आसीत् समाकुलम् ॥
पितामहपुरोगाश् च सर्वे देवगणास् तथा ॥
ऋषयश् च महाभागास् तद् युद्धं द्रष्टुम् आगमन् ॥
विमानाग्र्यैर् महाराज सिद्धाश् च भरतर्षभ ॥
गन्धर्वाश् च विमानाग्र्यैर् अप्सरोभिः समागमन् ॥
bhīṣma uvāca
rathenendraḥ prayāto vai sārdhaṃ suragaṇaiḥ purā ||
dadarśāthāgrato vṛtraṃ viṣṭhitaṃ parvatopamam ||
yojanānāṃ śatāny ūrdhvaṃ pañcocchritam ariṃdama ||
śatāni vistareṇātha trīṇy evābhyadhikāni tu ||
tat prekṣya tādṛśaṃ rūpaṃ trailokyenāpi durjayam ||
vṛtrasya devāḥ saṃtrastā na śāntim upalebhire ||
śakrasya tu tadā rājann ūrustambho vyajāyata ||
bhayād vṛtrasya sahasā dṛṣṭvā tad rūpam uttamam ||
tato nādaḥ samabhavad vāditrāṇāṃ ca nisvanaḥ ||
devāsurāṇāṃ sarveṣāṃ tasmin yuddha upasthite ||
atha vṛtrasya kauravya dṛṣṭvā śakram upasthitam ||
na saṃbhramo na bhīḥ kā cid āsthā vā samajāyata ||
tataḥ samabhavad yuddhaṃ trailokyasya bhayaṃkaram ||
śakrasya ca surendrasya vṛtrasya ca mahātmanaḥ ||
asibhiḥ paṭṭiśaiḥ śūlaiḥ śaktitomaramudgaraiḥ ||
śilābhir vividhābhiś ca kārmukaiś ca mahāsvanaiḥ ||
astraiś ca vividhair divyaiḥ pāvakolkābhir eva ca ||
devāsurais tataḥ sainyaiḥ sarvam āsīt samākulam ||
pitāmahapurogāś ca sarve devagaṇās tathā ||
ṛṣayaś ca mahābhāgās tad yuddhaṃ draṣṭum āgaman ||
vimānāgryair mahārāja siddhāś ca bharatarṣabha ||
gandharvāś ca vimānāgryair apsarobhiḥ samāgaman ||
Бхишма сказал: «Некогда Индра отправился на колеснице вместе с сонмами богов и увидел впереди Вритру, стоявшего, словно гора. Его высота поднималась на пять сотен йоджан, а ширина простиралась ещё на три сотни, о победитель врагов. Увидев такую форму Вритры, непобедимую даже для трёх миров, боги испугались и не обрели покоя. У самого Шакры, о царь, внезапно оцепенели бёдра от страха, когда он увидел этот великий облик Вритры. Затем, когда битва приблизилась, поднялся гул и звук боевых инструментов у всех богов и асуров. Но у Вритры, о Кауравья, увидевшего приближение Шакры, не возникло ни смятения, ни какого-либо страха, ни тревоги. Затем началась битва, наводящая ужас на три мира, между Шакрой, владыкой богов, и великодушным Вритрой. Мечи, паттиши, копья, дротики, томары, палицы, разные камни, громкозвучные луки, божественные астры и огненные метеоры смешали всё поле сражения войсками богов и асуров. Все сонмы богов во главе с Питамахой и великоблагие риши пришли увидеть эту битву. На лучших виманах собрались сиддхи, гандхарвы и апсары, о великий царь, лучший из Бхаратов».
54c9237b33f3 · опубликовано 21 июн. 2026 г., 06:08:50 UTC
Доступно наRUЛистайте стихи клавишами
Битва описана не как рядовое столкновение, а как космическое событие. Страх Индры и спокойствие Вритры подчёркивают парадокс: внешне асура стоит как враг богов, но внутренне он обладает устойчивостью знающего.