विश्वावसुर् उवाच
तथ्यं शुभं चैतद् उक्तं त्वया भोः; सम्यक् क्षेम्यं देवताद्यं यथावत् ॥
स्वस्त्य् अक्षयं भवतश् चास्तु नित्यं; बुद्ध्या सदा बुद्धियुक्तं नमस् ते ॥
याज्ञवल्क्य उवाच
एवम् उक्त्वा संप्रयातो दिवं स; विभ्राजन् वै श्रीमता दर्शनेन ॥
तुष्टश् च तुष्ट्या परयाभिनन्द्य; प्रदक्षिणं मम कृत्वा महात्मा ॥
ब्रह्मादीनां खेचराणां क्षितौ च; ये चाधस्तात् संवसन्ते नरेन्द्र ॥
तत्रैव तद् दर्शनं दर्शयन् वै; सम्यक् क्षेम्यं ये पथं संश्रिता वै ॥
सांख्याः सर्वे सांख्यधर्मे रताश् च; तद्वद् योगा योगधर्मे रताश् च ॥
ये चाप्य् अन्ये मोक्षकामा मनुष्यास्; तेषाम् एतद् दर्शनं ज्ञानदृष्टम् ॥
ज्ञानान् मोक्षो जायते पूरुषाणां; नास्त्य् अज्ञानाद् एवम् आहुर् नरेन्द्र ॥
तस्माज् ज्ञानं तत्त्वतो ऽन्वेषितव्यं; येनात्मानं मोक्षयेज् जन्ममृत्योः ॥
प्राप्य ज्ञानं ब्राह्मणात् क्षत्रियाद् वा; वैश्याच् छूद्राद् अपि नीचाद् अभीक्ष्णम् ॥
श्रद्धातव्यं श्रद्दधानेन नित्यं; न श्रद्धिनं जन्ममृत्यू विशेताम् ॥
सर्वे वर्णा ब्राह्मणा ब्रह्मजाश् च; सर्वे नित्यं व्याहरन्ते च ब्रह्म ॥
तत्त्वं शास्त्रं ब्रह्मबुद्ध्या ब्रवीमि; सर्वं विश्वं ब्रह्म चैतत् समस्तम् ॥
ब्रह्मास्यतो ब्राह्मणाः संप्रसूता; बाहुभ्यां वै क्षत्रियाः संप्रसूताः ॥
नाभ्यां वैश्याः पादतश् चापि शूद्राः; सर्वे वर्णा नान्यथा वेदितव्याः ॥
अज्ञानतः कर्मयोनिं भजन्ते; तां तां राजंस् ते यथा यान्त्य् अभावम् ॥
तथा वर्णा ज्ञानहीनाः पतन्ते; घोराद् अज्ञानात् प्राकृतं योनिजालम् ॥
तस्माज् ज्ञानं सर्वतो मार्गितव्यं; सर्वत्रस्थं चैतद् उक्तं मया ते ॥
तस्थौ ब्रह्मा तस्थिवांश् चापरो यस्; तस्मै नित्यं मोक्षम् आहुर् द्विजेन्द्राः ॥
यत् ते पृष्टं तन् मया चोपदिष्टं; याथातथ्यं तद् विशोको भवस्व ॥
राजन् गच्छस्वैतदर्थस्य पारं; सम्यक् प्रोक्तं स्वस्ति ते ऽस्त्व् अत्र नित्यम् ॥
viśvāvasur uvāca
tathyaṃ śubhaṃ caitad uktaṃ tvayā bhoḥ; samyak kṣemyaṃ devatādyaṃ yathāvat ||
svasty akṣayaṃ bhavataś cāstu nityaṃ; buddhyā sadā buddhiyuktaṃ namas te ||
yājñavalkya uvāca
evam uktvā saṃprayāto divaṃ sa; vibhrājan vai śrīmatā darśanena ||
tuṣṭaś ca tuṣṭyā parayābhinandya; pradakṣiṇaṃ mama kṛtvā mahātmā ||
brahmādīnāṃ khecarāṇāṃ kṣitau ca; ye cādhastāt saṃvasante narendra ||
tatraiva tad darśanaṃ darśayan vai; samyak kṣemyaṃ ye pathaṃ saṃśritā vai ||
sāṃkhyāḥ sarve sāṃkhyadharme ratāś ca; tadvad yogā yogadharme ratāś ca ||
ye cāpy anye mokṣakāmā manuṣyās; teṣām etad darśanaṃ jñānadṛṣṭam ||
jñānān mokṣo jāyate pūruṣāṇāṃ; nāsty ajñānād evam āhur narendra ||
tasmāj jñānaṃ tattvato 'nveṣitavyaṃ; yenātmānaṃ mokṣayej janmamṛtyoḥ ||
prāpya jñānaṃ brāhmaṇāt kṣatriyād vā; vaiśyāc chūdrād api nīcād abhīkṣṇam ||
śraddhātavyaṃ śraddadhānena nityaṃ; na śraddhinaṃ janmamṛtyū viśetām ||
sarve varṇā brāhmaṇā brahmajāś ca; sarve nityaṃ vyāharante ca brahma ||
tattvaṃ śāstraṃ brahmabuddhyā bravīmi; sarvaṃ viśvaṃ brahma caitat samastam ||
brahmāsyato brāhmaṇāḥ saṃprasūtā; bāhubhyāṃ vai kṣatriyāḥ saṃprasūtāḥ ||
nābhyāṃ vaiśyāḥ pādataś cāpi śūdrāḥ; sarve varṇā nānyathā veditavyāḥ ||
ajñānataḥ karmayoniṃ bhajante; tāṃ tāṃ rājaṃs te yathā yānty abhāvam ||
tathā varṇā jñānahīnāḥ patante; ghorād ajñānāt prākṛtaṃ yonijālam ||
tasmāj jñānaṃ sarvato mārgitavyaṃ; sarvatrasthaṃ caitad uktaṃ mayā te ||
tasthau brahmā tasthivāṃś cāparo yas; tasmai nityaṃ mokṣam āhur dvijendrāḥ ||
yat te pṛṣṭaṃ tan mayā copadiṣṭaṃ; yāthātathyaṃ tad viśoko bhavasva ||
rājan gacchasvaitadarthasya pāraṃ; samyak proktaṃ svasti te 'stv atra nityam ||
Вишвавасу сказал: «Ты сказал истинное и благое, почтенный, правильно, спасительно, божественно и как следует. Да будет тебе вечное нетленное благо; поклон тебе, всегда соединённому разумом с разумом». Яджнявалкья продолжил: «Сказав так, великодушный Вишвавасу, сияя прекрасным обликом, довольный высшей радостью, почтил меня, обошёл справа и отправился на небо. Это видение он показывал небесным существам, начиная с Брахмы, земным существам и тем, кто живёт внизу, - всем, кто принял правильный благой путь. Для всех санкхьев, преданных дхарме санкхьи, для йогов, преданных дхарме йоги, и для других людей, желающих освобождения, это видение постигается знанием. У людей освобождение рождается от знания; от незнания его нет - так говорят, о владыка людей. Поэтому знание нужно искать по существу, чтобы им освободить себя от рождения и смерти. Получив знание от брахмана, кшатрия, вайшьи, шудры или даже от низкого человека, верующий должен всегда принимать его с верой; в верующего рождение и смерть не войдут. Все варны - брахманы в том смысле, что они рождены от Брахмы, и все постоянно произносят Брахман. Я говорю истину шастры с пониманием Брахмана: весь этот мир и Брахман - всё это едино. Брахманы произошли из уст Брахмы, кшатрии - из рук, вайшьи - из пупа, шудры - из стоп; все варны следует понимать так, а не иначе. Из-за незнания они получают рождение, порождённое кармой, и, как идут к различным состояниям небытия, так лишённые знания варны падают из страшного незнания в природную сеть рождений. Поэтому знание нужно искать отовсюду; я сказал тебе, что оно пребывает повсюду. Тому, кто пребывает в Брахмане, и тому иному, кто устойчив, лучшие дваждырождённые называют вечное освобождение. То, о чём ты спросил, я объяснил как есть. Поэтому будь свободен от скорби, царь; иди к дальнему берегу этого смысла. Это сказано правильно. Да будет тебе здесь всегда благо».
16aa1734ee7d · опубликовано 21 июн. 2026 г., 09:49:26 UTC
Доступно наRUЛистайте стихи клавишами
Знание объявлено главным средством мокши и должно приниматься от любого носителя истины. При этом социальный порядок не отвергается, но его истинная ценность зависит от знания Брахмана; без него все варны падают в сеть обусловленных рождений.