भीष्म उवाच
स एवम् अनुशास्तस् तु याज्ञवल्क्येन धीमता ॥
प्रीतिमान् अभवद् राजा मिथिलाधिपतिस् तदा ॥
गते मुनिवरे तस्मिन् कृते चापि प्रदक्षिणे ॥
दैवरातिर् नरपतिर् आसीनस् तत्र मोक्षवित् ॥
गोकोटिं स्पर्शयाम् आस हिरण्यस्य तथैव च ॥
रत्नाञ्जलिम् अथैकं च ब्राह्मणेभ्यो ददौ तदा ॥
विदेहराज्यं च तथा प्रतिष्ठाप्य सुतस्य वै ॥
यतिधर्मम् उपासंश् चाप्य् अवसन् मिथिलाधिपः ॥
सांख्यज्ञानम् अधीयानो योगशास्त्रं च कृत्स्नशः ॥
धर्माधर्मौ च राजेन्द्र प्राकृतं परिगर्हयन् ॥
अनन्तम् इति कृत्वा स नित्यं केवलम् एव च ॥
धर्माधर्मौ पुण्यपापे सत्यासत्ये तथैव च ॥
जन्ममृत्यू च राजेन्द्र प्राकृतं तद् अचिन्तयत् ॥
ब्रह्माव्यक्तस्य कर्मेदम् इति नित्यं नराधिप ॥
पश्यन्ति योगाः सांख्याश् च स्वशास्त्रकृतलक्षणाः ॥
इष्टानिष्टवियुक्तं हि तस्थौ ब्रह्म परात्परम् ॥
नित्यं तम् आहुर् विद्वांसः शुचिस् तस्माच् छुचिर् भव ॥
दीयते यच् च लभते दत्तं यच् चानुमन्यते ॥
ददाति च नरश्रेष्ठ प्रतिगृह्णाति यच् च ह ॥
ददात्य् अव्यक्तम् एवैतत् प्रतिगृह्णाति तच् च वै ॥
आत्मा ह्य् एवात्मनो ह्य् एकः को ऽन्यस् त्वत्तो ऽधिको भवेत् ॥
एवं मन्यस्व सततम् अन्यथा मा विचिन्तय ॥
यस्याव्यक्तं न विदितं सगुणं निर्गुणं पुनः ॥
तेन तीर्थानि यज्ञाश् च सेवितव्याविपश्चिता ॥
न स्वाध्यायैस् तपोभिर् वा यज्ञैर् वा कुरुनन्दन ॥
लभते ऽव्यक्तसंस्थानं ज्ञात्वाव्यक्तं महीपते ॥
तथैव महतः स्थानम् आहंकारिकम् एव च ॥
अहंकारात् परं चापि स्थानानि समवाप्नुयात् ॥
ये त्व् अव्यक्तात् परं नित्यं जानते शास्त्रतत्पराः ॥
जन्ममृत्युवियुक्तं च वियुक्तं सद् असच् च यत् ॥
एतन् मयाप्तं जनकात् पुरस्तात्; तेनापि चाप्तं नृप याज्ञवल्क्यात् ॥
ज्ञानं विशिष्टं न तथा हि यज्ञा; ज्ञानेन दुर्गं तरते न यज्ञैः ॥
दुर्गं जन्म निधनं चापि राजन्; न भूतिकं ज्ञानविदो वदन्ति ॥
यज्ञैस् तपोभिर् नियमैर् व्रतैश् च; दिवं समासाद्य पतन्ति भूमौ ॥
तस्माद् उपासस्व परं महच् छुचि; शिवं विमोक्षं विमलं पवित्रम् ॥
क्षेत्रज्ञवित् पार्थिव ज्ञानयज्ञम्; उपास्य वै तत्त्वम् ऋषिर् भविष्यसि ॥
उपनिषदम् उपाकरोत् तदा वै; जनकनृपस्य पुरा हि याज्ञवल्क्यः ॥
यद् उपगणितशाश्वताव्ययं तच्; छुभम् अमृतत्वम् अशोकम् ऋच्छतीति ॥
bhīṣma uvāca
sa evam anuśāstas tu yājñavalkyena dhīmatā ||
prītimān abhavad rājā mithilādhipatis tadā ||
gate munivare tasmin kṛte cāpi pradakṣiṇe ||
daivarātir narapatir āsīnas tatra mokṣavit ||
gokoṭiṃ sparśayām āsa hiraṇyasya tathaiva ca ||
ratnāñjalim athaikaṃ ca brāhmaṇebhyo dadau tadā ||
videharājyaṃ ca tathā pratiṣṭhāpya sutasya vai ||
yatidharmam upāsaṃś cāpy avasan mithilādhipaḥ ||
sāṃkhyajñānam adhīyāno yogaśāstraṃ ca kṛtsnaśaḥ ||
dharmādharmau ca rājendra prākṛtaṃ parigarhayan ||
anantam iti kṛtvā sa nityaṃ kevalam eva ca ||
dharmādharmau puṇyapāpe satyāsatye tathaiva ca ||
janmamṛtyū ca rājendra prākṛtaṃ tad acintayat ||
brahmāvyaktasya karmedam iti nityaṃ narādhipa ||
paśyanti yogāḥ sāṃkhyāś ca svaśāstrakṛtalakṣaṇāḥ ||
iṣṭāniṣṭaviyuktaṃ hi tasthau brahma parātparam ||
nityaṃ tam āhur vidvāṃsaḥ śucis tasmāc chucir bhava ||
dīyate yac ca labhate dattaṃ yac cānumanyate ||
dadāti ca naraśreṣṭha pratigṛhṇāti yac ca ha ||
dadāty avyaktam evaitat pratigṛhṇāti tac ca vai ||
ātmā hy evātmano hy ekaḥ ko 'nyas tvatto 'dhiko bhavet ||
evaṃ manyasva satatam anyathā mā vicintaya ||
yasyāvyaktaṃ na viditaṃ saguṇaṃ nirguṇaṃ punaḥ ||
tena tīrthāni yajñāś ca sevitavyāvipaścitā ||
na svādhyāyais tapobhir vā yajñair vā kurunandana ||
labhate 'vyaktasaṃsthānaṃ jñātvāvyaktaṃ mahīpate ||
tathaiva mahataḥ sthānam āhaṃkārikam eva ca ||
ahaṃkārāt paraṃ cāpi sthānāni samavāpnuyāt ||
ye tv avyaktāt paraṃ nityaṃ jānate śāstratatparāḥ ||
janmamṛtyuviyuktaṃ ca viyuktaṃ sad asac ca yat ||
etan mayāptaṃ janakāt purastāt; tenāpi cāptaṃ nṛpa yājñavalkyāt ||
jñānaṃ viśiṣṭaṃ na tathā hi yajñā; jñānena durgaṃ tarate na yajñaiḥ ||
durgaṃ janma nidhanaṃ cāpi rājan; na bhūtikaṃ jñānavido vadanti ||
yajñais tapobhir niyamair vrataiś ca; divaṃ samāsādya patanti bhūmau ||
tasmād upāsasva paraṃ mahac chuci; śivaṃ vimokṣaṃ vimalaṃ pavitram ||
kṣetrajñavit pārthiva jñānayajñam; upāsya vai tattvam ṛṣir bhaviṣyasi ||
upaniṣadam upākarot tadā vai; janakanṛpasya purā hi yājñavalkyaḥ ||
yad upagaṇitaśāśvatāvyayaṃ tac; chubham amṛtatvam aśokam ṛcchatīti ||
Бхишма сказал: «Так наставленный мудрым Яджнявалкьей, владыка Митхилы тогда обрадовался. Когда лучший муни ушёл и была совершена прадакшина, царь Дайварати, знаток освобождения, остался сидеть там. Тогда он дал брахманам коти коров, столько же золота и пригоршню драгоценностей. Утвердив царство Видехи за своим сыном, владыка Митхилы стал жить, следуя дхарме отшельника. Он изучал знание санкхьи и всю шастру йоги, отвергая дхарму и адхарму как природные состояния. Он созерцал бесконечное, вечное и чисто обособленное, а дхарму и адхарму, заслугу и грех, истину и неистину, рождение и смерть считал принадлежащими пракрити. “Это действие непроявленного Брахмана” - так, о владыка людей, видят йоги и санкхьи, чьи признаки определены их шастрами. Брахман, лишённый желанного и нежеланного, пребывает выше высшего; знающие называют его вечным и чистым, поэтому будь чистым. Что даётся и получается, что дано и одобрено, что человек даёт и принимает, - всё это даёт и принимает само непроявленное. Атман один для самого себя; кто другой был бы выше тебя? Так понимай всегда, иначе не размышляй. Тот, кто не познал непроявленное как с гунами и без гун, пусть как невидящий служит святыням и жертвам. Но не самочтением, не тапасами и не жертвами, о потомок Куру, человек достигает положения в непроявленном, а познав непроявленное, о владыка земли. Так же он может достичь состояния махата, состояния аханкары и состояний выше аханкары. Те же, кто, будучи преданными шастре, знают вечное выше непроявленного, свободное от рождения и смерти, свободное от сущего и не-сущего, идут дальше. Это знание я прежде получил от Джанаки, а он получил его от Яджнявалкьи, о царь. Знание превосходно; жертвы не таковы. Знанием переходят труднопроходимое, а не жертвами. Знатоки знания не называют рождение и смерть материальным благом; достигнув неба жертвами, тапасами, ниямами и обетами, люди снова падают на землю. Поэтому почитай высшее - великое, чистое, благое освобождение, незапятнанное и очищающее. Познав кшетраджню, о царь, и почтив жертвоприношение знания, ты станешь риши. Так Яджнявалкья некогда передал царю Джанаке эту упанишаду: кто достигает того благого бессмертия, исчисленного как вечное и непреходящее, тот достигает состояния без скорби».
4290e6bb6bae · опубликовано 21 июн. 2026 г., 09:49:26 UTC
Доступно наRUЛистайте стихи клавишами
Бхишма завершает линию передачи: Яджнявалкья учит Джанаку, Джанака передаёт знание дальше, и вывод ясен - знание превосходит жертву как средство перехода через рождение и смерть. Жертвенные и аскетические заслуги могут поднять к небу, но только tattva-jñāna ведёт к бессмертию без скорби.