नारद उवाच
सुखदुःखविपर्यासो यदा समुपपद्यते ॥
नैनं प्रज्ञा सुनीतं वा त्रायते नापि पौरुषम् ॥
स्वभावाद् यत्नम् आतिष्ठेद् यत्नवान् नावसीदति ॥
जरामरणरोगेभ्यः प्रियम् आत्मानम् उद्धरेत् ॥
रुजन्ति हि शरीराणि रोगाः शारीरमानसाः ॥
सायका इव तीक्ष्णाग्राः प्रयुक्ता दृढधन्विभिः ॥
व्याधितस्य विवित्साभिस् त्रस्यतो जीवितैषिणः ॥
अवशस्य विनाशाय शरीरम् अपकृष्यते ॥
स्रवन्ति न निवर्तन्ते स्रोतांसि सरिताम् इव ॥
आयुर् आदाय मर्त्यानां रात्र्यहानि पुनः पुनः ॥
व्यत्ययो ह्य् अयम् अत्यन्तं पक्षयोः शुक्लकृष्णयोः ॥
जातं मर्त्यं जरयति निमेषं नावतिष्ठते ॥
सुखदुःखानि भूतानाम् अजरो जरयन्न् असौ ॥
आदित्यो ह्य् अस्तम् अभ्येति पुनः पुनर् उदेति च ॥
अदृष्टपूर्वान् आदाय भावान् अपरिशङ्कितान् ॥
इष्टानिष्टान् मनुष्याणाम् अस्तं गच्छन्ति रात्रयः ॥
यो यम् इच्छेद् यथाकामं कामानां तत् तद् आप्नुयात् ॥
यदि स्यान् न पराधीनं पुरुषस्य क्रियाफलम् ॥
संयताश् च हि दक्षाश् च मतिमन्तश् च मानवाः ॥
दृश्यन्ते निष्फलाः सन्तः प्रहीणाश् च स्वकर्मभिः ॥
अपरे बालिशाः सन्तो निर्गुणाः पुरुषाधमाः ॥
आशीर्भिर् अप्य् असंयुक्ता दृश्यन्ते सर्वकामिनः ॥
भूतानाम् अपरः कश् चिद् धिंसायां सततोत्थितः ॥
वञ्चनायां च लोकस्य स सुखेष्व् एव जीर्यते ॥
अचेष्टमानम् आसीनं श्रीः कं चिद् उपतिष्ठति ॥
कश् चित् कर्मानुसृत्यान्यो न प्राप्यम् अधिगच्छति ॥
nārada uvāca
sukhaduḥkhaviparyāso yadā samupapadyate ||
nainaṃ prajñā sunītaṃ vā trāyate nāpi pauruṣam ||
svabhāvād yatnam ātiṣṭhed yatnavān nāvasīdati ||
jarāmaraṇarogebhyaḥ priyam ātmānam uddharet ||
rujanti hi śarīrāṇi rogāḥ śārīramānasāḥ ||
sāyakā iva tīkṣṇāgrāḥ prayuktā dṛḍhadhanvibhiḥ ||
vyādhitasya vivitsābhis trasyato jīvitaiṣiṇaḥ ||
avaśasya vināśāya śarīram apakṛṣyate ||
sravanti na nivartante srotāṃsi saritām iva ||
āyur ādāya martyānāṃ rātryahāni punaḥ punaḥ ||
vyatyayo hy ayam atyantaṃ pakṣayoḥ śuklakṛṣṇayoḥ ||
jātaṃ martyaṃ jarayati nimeṣaṃ nāvatiṣṭhate ||
sukhaduḥkhāni bhūtānām ajaro jarayann asau ||
ādityo hy astam abhyeti punaḥ punar udeti ca ||
adṛṣṭapūrvān ādāya bhāvān apariśaṅkitān ||
iṣṭāniṣṭān manuṣyāṇām astaṃ gacchanti rātrayaḥ ||
yo yam icched yathākāmaṃ kāmānāṃ tat tad āpnuyāt ||
yadi syān na parādhīnaṃ puruṣasya kriyāphalam ||
saṃyatāś ca hi dakṣāś ca matimantaś ca mānavāḥ ||
dṛśyante niṣphalāḥ santaḥ prahīṇāś ca svakarmabhiḥ ||
apare bāliśāḥ santo nirguṇāḥ puruṣādhamāḥ ||
āśīrbhir apy asaṃyuktā dṛśyante sarvakāminaḥ ||
bhūtānām aparaḥ kaś cid dhiṃsāyāṃ satatotthitaḥ ||
vañcanāyāṃ ca lokasya sa sukheṣv eva jīryate ||
aceṣṭamānam āsīnaṃ śrīḥ kaṃ cid upatiṣṭhati ||
kaś cit karmānusṛtyānyo na prāpyam adhigacchati ||
Нарада сказал: «Когда приходит переворот счастья и страдания, человека не спасают ни мудрость, ни хорошая политика, ни человеческое усилие. Всё же по своей природе он должен прилагать усилие: старающийся не тонет, и должен поднимать дорогого себя над старостью, смертью и болезнями. Телесные и умственные болезни поражают тела, как стрелы с острыми наконечниками, пущенные сильными лучниками. Тело больного, испуганного, жаждущего жить и беспомощного, утягивается к разрушению. Ночи и дни, забирая жизнь смертных, текут и не возвращаются, как речные потоки. Смена светлой и тёмной половины месяца непрерывно старит рождённого смертным и не останавливается ни на мгновение. Нестареющее солнце, старя живых через счастья и страдания, снова и снова заходит и восходит. Ночи уходят, унося прежде невиданные и непредвиденные состояния, приятные и неприятные для людей. Если бы плод человеческого действия не зависел от другого, каждый получал бы всё желанное, как захотел. Но мы видим, что сдержанные, умелые и разумные люди остаются без плода и бывают лишены результатов собственной кармой, а другие — глупые, без достоинств, низшие люди — даже без благословений получают всё желанное. Иной человек постоянно готов к насилию и обману мира, но стареет среди удовольствий; к другому богатство приходит, хотя он сидит без усилия; третий, следуя действию, не получает того, чего добивается».
f694932d5e30 · опубликовано 21 июн. 2026 г., 08:09:41 UTC
Доступно наRUЛистайте стихи клавишами
Нарада разрушает простую веру в механический контроль над жизнью. Усилие нужно, но результат не принадлежит человеку полностью; поэтому мудрость начинается с трезвого взгляда на непредсказуемость кармы и времени.