Vasu
स्वर्गद्वारं समासाद्य स्नात्वाभ्यर्च्य सदाशिवम् ॥ नरो न दुर्गतिं याति स्वर्गलोके महीयते
राजस्थलं नरः प्राप्य ततः सामुद्रिके प्लुतः ॥ स्नानस्य सर्वतीर्थानां लभते फलमुत्तमम्
शंकरस्य तथा वाप्यां स्नात्वा नियमवान्नरः ॥ प्राप्येह वाञ्छितान् भोगानन्ते रुद्रपुरं व्रजेत्
शंकरादित्यमभ्यर्च्य नरः स्याद्दुष्प्रधर्षणः ॥ स्नातस्तु नीलगंगायां देवीं गंधवतीं नरः
संपूज्य भक्तिभावेन सर्वपापैः प्रमुच्यते ॥ दशाश्वमेधिके स्नात्वा वाजिमेधफलं लभेत्
अथ मर्त्यः समासाद्य एकानंशां सुरेश्वरीम् ॥ संपूज्य गंधपुष्पाद्यैः सर्वान्कामानवाप्नुयात्
हरसिद्धिं नरोऽभ्यर्च्य सर्वसिद्धीश्वरो भवेत् ॥ पिशाचकादिकान्मर्त्यः समभ्यर्च्य चतुर्द्दश
सर्वान्कामानवाप्नोति नात्र कार्या विचारणा ॥ हनुमत्केश्वरं प्रार्चेत्स्नात्वा रुद्रसरोवरे
यो नरः श्रद्धया युक्तः स लभेत्संपदोऽखिलाः ॥ वाल्मीकेश्वरमभ्यर्च्य सर्वविद्यानिधिर्भवेत्
शुक्रेश्वरादिलिंगानि योऽर्चयेच्छ्रद्धया नरः ॥ स स्यादखिलभोगाढ्यः सर्वरोगविवर्जितः
पंचेशानं समभ्यर्च्य स्यान्नरः सर्वसिद्धिभाक् ॥ कुशस्थलीं परिक्रम्य वांछितं लभते फलम्
अक्रूरेशं तु संपूज्य क्रूरेभ्योऽप्यभयं लभेत् ॥ मंदाकिन्यां समाप्लुत्य गंगास्नानफलं लभेत्
svargadvāraṃ samāsādya snātvābhyarcya sadāśivam || naro na durgatiṃ yāti svargaloke mahīyate
rājasthalaṃ naraḥ prāpya tataḥ sāmudrike plutaḥ || snānasya sarvatīrthānāṃ labhate phalamuttamam
śaṃkarasya tathā vāpyāṃ snātvā niyamavānnaraḥ || prāpyeha vāñchitān bhogānante rudrapuraṃ vrajet
śaṃkarādityamabhyarcya naraḥ syādduṣpradharṣaṇaḥ || snātastu nīlagaṃgāyāṃ devīṃ gaṃdhavatīṃ naraḥ
saṃpūjya bhaktibhāvena sarvapāpaiḥ pramucyate || daśāśvamedhike snātvā vājimedhaphalaṃ labhet
atha martyaḥ samāsādya ekānaṃśāṃ sureśvarīm || saṃpūjya gaṃdhapuṣpādyaiḥ sarvānkāmānavāpnuyāt
harasiddhiṃ naro'bhyarcya sarvasiddhīśvaro bhavet || piśācakādikānmartyaḥ samabhyarcya caturddaśa
sarvānkāmānavāpnoti nātra kāryā vicāraṇā || hanumatkeśvaraṃ prārcetsnātvā rudrasarovare
yo naraḥ śraddhayā yuktaḥ sa labhetsaṃpado'khilāḥ || vālmīkeśvaramabhyarcya sarvavidyānidhirbhavet
śukreśvarādiliṃgāni yo'rcayecchraddhayā naraḥ || sa syādakhilabhogāḍhyaḥ sarvarogavivarjitaḥ
paṃceśānaṃ samabhyarcya syānnaraḥ sarvasiddhibhāk || kuśasthalīṃ parikramya vāṃchitaṃ labhate phalam
akrūreśaṃ tu saṃpūjya krūrebhyo'pyabhayaṃ labhet || maṃdākinyāṃ samāplutya gaṃgāsnānaphalaṃ labhet
Достигнув Врат неба, омывшись и почтив Садашиву, человек не идёт к дурной участи и величается в небесном мире. Достигнув Раджастхалы и окунувшись затем в Самудрике, обретает он превосходный плод омовения во всех тиртхах. Также, омывшись в водоёме Шанкары, держащий обет человек, обретя здесь желанные услады, в конце да идёт в град Рудры. Почтив Шанкара-Адитью, да будет человек неодолим; омывшийся же в Ниланганге и почтивший с преданным чувством богиню Гандхавати освобождается от всех грехов. Омывшись в Дашашвамедхике, да обретёт он плод ашвамедхи. Затем, достигнув Экананши, владычицы богов, и почтив её благовониями, цветами и прочим, да обретёт смертный все желания. Почтив Харасиддхи, да будет человек владыкою всех совершенств; почтив Пишачаку и прочих четырнадцать, обретает смертный все желания, — нет здесь места рассуждению. Кто, омывшись в озере Рудры, наделённый верою, почтит Хануматкешвару, тот да обретёт все достатки; почтив Вальмикешвару, да станет он сокровищницею всех знаний. Кто с верою почтит лингамы Шукрешвары и прочих, тот да будет богат всеми усладами и свободен от всех недугов. Почтив Панчешану, да будет человек причастен всем совершенствам; обойдя Кушастхали, обретает он желанный плод. Почтив же Акрурешу, да обретёт он безопасность и от жестоких; окунувшись в Мандакини, да обретёт плод омовения в Ганге.
3d9fa6c629d5 · опубликовано 6 сент. 2026 г., 19:24:39 UTC
Доступно наRUЛистайте стихи клавишами
Городская река Шипра получает здесь имена великих: Мандакини, Дашашвамедхика. Плод обещан тот же, что и на далёких берегах, — тиртха живёт заимствованным именем.
Акруреша даёт «безопасность от жестоких». Просьба не о победе над врагом, а о том, чтобы жестокий прошёл мимо.
Вальмикешвара делает «сокровищницею всех знаний». Учёность просят у имени поэта — та же связь, что и в Прабхасе.