स्नानाज्जपात्तथा होमादनंतफलसाधकम् । रामेणागत्य वै तत्र पिंडं दशरथस्य च
दत्तं श्राद्धं तत्र तेन मार्कंडेयेन दर्शिते । तत्र वापी चतुःकोणा तत्र पिंडप्रदा नराः
हंसयुक्तेन यानेन सर्वे यांति त्रिविष्टपम् । तस्यां वाप्यां तु वै ब्रह्मा पितृमेधं चकार ह
यज्ञं यज्ञविदां श्रेष्ठः समाप्तवरदक्षिणम् । वसवः पितरो ज्ञेया रुद्राश्चैव पितामहाः
आदित्याश्च ततस्तेषां विहिताः प्रपितामहाः । त्रिविधा अपि आहूय पुनरुक्ता विरिंचिना
भवद्भिः पिंडदानाद्यं ग्राह्यमत्र स्थितैस्सदा । यत्कृतं पितृकार्यं च तदनंतफलं भवेत्
वृत्त्यर्थं पितरस्तेषां तुष्टाश्चैव पितामहाः । लभंते तर्पणात्तृप्तिं पिंडदानात्त्रिविष्टपम्
तस्मात्सर्वं परित्यज्य प्राचीने पिंडदो भवेत् । दत्त्वा पुत्रः प्रयत्नेन पितॄन्सर्वांश्च तर्पयेत्
प्राचीनेश्वरदेवस्य पुरोभूतं प्रतिष्ठितम् । आदितीर्थं तदित्युक्तं दर्शनादपि मुक्तिदम्
स्पृष्ट्वा तु सलिलं तत्र मुच्यते जन्मबंधनात् । अवगाहनाद्ब्रह्मणोऽसौ भवत्यनुचरः सदा
आदितीर्थे नरः स्नात्वा यः प्रदद्यात्समाधिना । अन्नमल्पमपि प्रायः प्रायशस्स्वर्गमाप्नुयात्
यस्तत्र ब्रह्मभक्तानां नरः स्नात्वा ददेद्धनम् । कृसरेणापि हेम्ना च सस्वर्गे मोदते सुखी
प्राची सरस्वती तत्र नरैः किं मृग्यते परम् । तस्यां स्नानात्फलं तृप्त्यै तपोयज्ञादि लक्षणम्
ये पिबंति नराः पुण्यां प्राचीं देवीं सरस्वतीम् । न ते नराः सुरा ज्ञेया मार्कंडेयर्षिरब्रवीत्
सरस्वतीनदीं प्राप्य न स्नाने नियमः क्वचित् । भुक्ते वा न च वा भुक्ते दिवा वा यदि वा निशि
तत्तीर्थं सर्वतीर्थानां प्राचीनं प्रवरं स्मृतम् । पापघ्नं पुण्यजननं प्राणिनां परिकीर्तितम्
ये पुनर्भावितात्मानस्तत्र स्नात्वा जनार्दनम् । पूजयन्ति यथा शक्ति ते प्रयांति त्रिविष्टपम्
देवानां प्रवरो विष्णुस्तेन यत्र सरस्वती । सेविता तत्परं तीर्थ क्षितौ ब्रह्मसुतोब्रवीत्
ततस्तस्मान् महातीर्थं मन्यमाना महोदयम् । मंदाकिनीमुदीक्षंती स्थिता तत्र सरस्वती
तत्तीर्थं सर्वतीर्थानां परं स्वायंभुवो ब्रवीत् । मंदाकिन्या समंयत्र प्राप्य पुण्यसमागमम्
तत्र स्थानेस्थिता देवैः स्तुता देवी सरस्वती । मत्वा चैकाकिनीं तां तु दीनास्यां दीनमानसाम्
सखीं तदा सृजद्ब्रह्मा रूपिणीं विमलेक्षणाम् । हरिणीं हरिरप्याशु जज्ञे कमललोचनाम्
वज्रिणीमपि देवेशो वज्रपाणिर्विसृष्टवान् । सुकुरंगरुचिं देवो नीलकंठो वृषध्वजः
सखीं सञ्जनयामास सरस्वत्यास्त्रिलोचनः । विलोक्यमाना सा राजन् सखीभिः सुरसुंदरी
प्रहृष्टा यातुमारब्धा देवादेशान्महानदी । ततः सखीभिः सार्धं सा प्राचीना गंतुमुद्यता
सरस्वती समस्तानां तासां श्रेष्ठतमा स्मृता । प्राची सरस्वती तोयं ये पिबंति मृगा भुवि
तेऽपि स्वर्गं गमिष्यंति यज्ञैर्द्विजवरा यथा । चिंतामणिरिवात्रैषा प्राची ज्ञेया सरस्वती
तथाकामफलस्येयं हेतुभूता महानदी । दक्षिणां दिशामालोक्य पुनः पश्चान्मुखीगता
उक्ता तया तथा गङ्गादिशं प्राचीं व्रजस्व ह । विस्मर्तव्या न चाहं ते व्रज देवि यथागतम्
snānājjapāttathā homādanaṃtaphalasādhakam | rāmeṇāgatya vai tatra piṃḍaṃ daśarathasya ca
dattaṃ śrāddhaṃ tatra tena mārkaṃḍeyena darśite | tatra vāpī catuḥkoṇā tatra piṃḍapradā narāḥ
haṃsayuktena yānena sarve yāṃti triviṣṭapam | tasyāṃ vāpyāṃ tu vai brahmā pitṛmedhaṃ cakāra ha
yajñaṃ yajñavidāṃ śreṣṭhaḥ samāptavaradakṣiṇam | vasavaḥ pitaro jñeyā rudrāścaiva pitāmahāḥ
ādityāśca tatasteṣāṃ vihitāḥ prapitāmahāḥ | trividhā api āhūya punaruktā viriṃcinā
bhavadbhiḥ piṃḍadānādyaṃ grāhyamatra sthitaissadā | yatkṛtaṃ pitṛkāryaṃ ca tadanaṃtaphalaṃ bhavet
vṛttyarthaṃ pitarasteṣāṃ tuṣṭāścaiva pitāmahāḥ | labhaṃte tarpaṇāttṛptiṃ piṃḍadānāttriviṣṭapam
tasmātsarvaṃ parityajya prācīne piṃḍado bhavet | dattvā putraḥ prayatnena pitṝnsarvāṃśca tarpayet
prācīneśvaradevasya purobhūtaṃ pratiṣṭhitam | āditīrthaṃ tadityuktaṃ darśanādapi muktidam
spṛṣṭvā tu salilaṃ tatra mucyate janmabaṃdhanāt | avagāhanādbrahmaṇo'sau bhavatyanucaraḥ sadā
āditīrthe naraḥ snātvā yaḥ pradadyātsamādhinā | annamalpamapi prāyaḥ prāyaśassvargamāpnuyāt
yastatra brahmabhaktānāṃ naraḥ snātvā dadeddhanam | kṛsareṇāpi hemnā ca sasvarge modate sukhī
prācī sarasvatī tatra naraiḥ kiṃ mṛgyate param | tasyāṃ snānātphalaṃ tṛptyai tapoyajñādi lakṣaṇam
ye pibaṃti narāḥ puṇyāṃ prācīṃ devīṃ sarasvatīm | na te narāḥ surā jñeyā mārkaṃḍeyarṣirabravīt
sarasvatīnadīṃ prāpya na snāne niyamaḥ kvacit | bhukte vā na ca vā bhukte divā vā yadi vā niśi
tattīrthaṃ sarvatīrthānāṃ prācīnaṃ pravaraṃ smṛtam | pāpaghnaṃ puṇyajananaṃ prāṇināṃ parikīrtitam
ye punarbhāvitātmānastatra snātvā janārdanam | pūjayanti yathā śakti te prayāṃti triviṣṭapam
devānāṃ pravaro viṣṇustena yatra sarasvatī | sevitā tatparaṃ tīrtha kṣitau brahmasutobravīt
tatastasmān mahātīrthaṃ manyamānā mahodayam | maṃdākinīmudīkṣaṃtī sthitā tatra sarasvatī
tattīrthaṃ sarvatīrthānāṃ paraṃ svāyaṃbhuvo bravīt | maṃdākinyā samaṃyatra prāpya puṇyasamāgamam
tatra sthānesthitā devaiḥ stutā devī sarasvatī | matvā caikākinīṃ tāṃ tu dīnāsyāṃ dīnamānasām
sakhīṃ tadā sṛjadbrahmā rūpiṇīṃ vimalekṣaṇām | hariṇīṃ harirapyāśu jajñe kamalalocanām
vajriṇīmapi deveśo vajrapāṇirvisṛṣṭavān | sukuraṃgaruciṃ devo nīlakaṃṭho vṛṣadhvajaḥ
sakhīṃ sañjanayāmāsa sarasvatyāstrilocanaḥ | vilokyamānā sā rājan sakhībhiḥ surasuṃdarī
prahṛṣṭā yātumārabdhā devādeśānmahānadī | tataḥ sakhībhiḥ sārdhaṃ sā prācīnā gaṃtumudyatā
sarasvatī samastānāṃ tāsāṃ śreṣṭhatamā smṛtā | prācī sarasvatī toyaṃ ye pibaṃti mṛgā bhuvi
te'pi svargaṃ gamiṣyaṃti yajñairdvijavarā yathā | ciṃtāmaṇirivātraiṣā prācī jñeyā sarasvatī
tathākāmaphalasyeyaṃ hetubhūtā mahānadī | dakṣiṇāṃ diśāmālokya punaḥ paścānmukhīgatā
uktā tayā tathā gaṅgādiśaṃ prācīṃ vrajasva ha | vismartavyā na cāhaṃ te vraja devi yathāgatam
«…от омовения, от шёпота, а также от возлияния — дающее бесконечный плод. Рама, придя туда, дал пинду Дашаратхе; там же им дана была шраддха, в месте, указанном Маркандеею. Там четырёхугольный водоём; люди, подносящие там пинды, все идут на третье небо на колеснице, запряжённой лебедями. В том водоёме Брахма совершил жертву предкам — лучший из знатоков жертвы, с завершёнными щедрыми дарениями.
Васу надлежит знать отцами, Рудры — дедами, а Адитьи затем установлены их прадедами. Призвав всех троих, снова сказано было Виринчи: „Вами, здесь всегда пребывающими, надлежит принимать подношение пинд и прочее; и всякое совершённое дело предков будет бесконечноплодным“. Ради пропитания отцы их и деды, довольные, обретают от насыщения утоление, а от подношения пинд — третье небо. Потому, всё оставив, у Прачины пусть будет [человек] подносящим пинды; дав со тщанием, пусть сын насыщает всех предков.
Перед богом Прачинешварою утверждена та, что названа Первою тиртхою, дающею освобождение даже от одного видения. Коснувшись там воды, избавляются от уз рождения; а от погружения человек становится вечным спутником Брахмы. Кто, омывшись в Первой тиртхе, подаст с сосредоточением хотя бы малую пищу, тот большею частью достигает неба. Кто там даёт преданным Брахме достаток — хотя бы кришарою или золотом, — тот радуется на небе, счастливый.
Там Прачи-Сарасвати: чего ещё ищут люди? От омовения в ней плод — для утоления, [и он] признака подвига, жертвы и прочего. Те люди, которые пьют святую богиню Прачи-Сарасвати, — их надлежит знать не людьми, а богами: так сказал мудрец Маркандея. Достигнув реки Сарасвати, нет никакого правила в омовении: поев или не поев, днём или ночью. Та тиртха признана древнейшею и первейшею из всех тиртх; она провозглашена губящею грех и рождающею заслугу для живых. А те сосредоточенные душою, что, омывшись там, чтут Джанардану по силам, — те идут на третье небо. Первейший из богов — Вишну; где он чтим, та тиртха на земле высшая, — так сказал сын Брахмы.
Затем, считая ту [тиртху] великою и великовосходною, пребыла там Сарасвати, глядящая на Мандакини. Ту тиртху назвал высшею Самосущий — там, где обретено святое слияние с Мандакини. Пребывающая в том месте богиня Сарасвати была восхвалена богами; и, сочтя её одинокою, с убогим лицом и убогим умом, Брахма сотворил ей тогда подругу — прекрасную, с чистыми очами; и Хари скоро породил лотосоокую Харини; и владыка богов, Держащий ваджру, создал Ваджрини; а бог Синегорлый, Быкознаменный, Трёхокий, породил Сарасвати подругу с прелестью прекрасной лани.
Озираемая подругами, та краса богов, о царь, возрадованная, начала идти по велению богов — великая река; вместе с подругами собралась она идти на восток. Из всех них Сарасвати признана наилучшею. Даже звери, что пьют на земле воду Прачи-Сарасвати, — и те пойдут на небо, как лучшие из брахманов жертвами. Словно самоцвет исполнения желаний, надлежит знать здесь эту Прачи-Сарасвати: так эта великая река стала причиною плода желаний. Оглядев южную сторону, снова пошла она, обращённая к западу; и сказано было ею Ганге: „Иди в восточную сторону; и да не буду я тобою забыта. Иди, о богиня, как пришла“».
46dd4503d8e3 · опубликовано 3 сент. 2026 г., 04:13:27 UTC
Доступно наRUЛистайте стихи клавишами
Одиночество Сарасвати решают не утешением, а подругами: Брахма творит ей одну, Вишну — лотосоокую Харини, Индра — Ваджрини, Шива — «с прелестью прекрасной лани». Четыре бога, каждый по-своему, делают одно и то же дело — чтобы ей было с кем идти.
Приметно, что при этом с неё не снимают первенства: «из всех них Сарасвати признана наилучшею». Подруги не заменяют её и не соперничают с нею; их просто теперь пятеро.
И правило, которое стоит удержать: «достигнув реки Сарасвати, нет никакого правила в омовении — поев или не поев, днём или ночью». После тридцати глав, расписывающих часы, дни, созвездия и посты, здесь сказано, что у этой воды устав отменяется.
Прощание же двух рек написано так, как прощаются надолго: «иди в восточную сторону; и да не буду я тобою забыта».