छिन्ने तस्मिञ्छरे राजा कोपादन्यं समाददे । छिनत्ति यावत्स शरं तावल्लग्नो हृदि क्षतः
मूर्च्छा प्राप महातेजाः पुष्कलो महदद्भुतम् । युद्धं विधाय सुमहद्राज्ञा सह महामतिः
पुष्कले पतिते राज्ञा शत्रुघ्नः शत्रुतापनः । सुरथं प्रति सङ्क्रुद्धो जगाम स्यन्दनस्थितः
उवाच सुरथं भूपं रामभ्राता महाबलः । त्वया महत्कृतं कर्म यद्बद्धः पवनात्मजः
पुष्कलोऽपि महावीरस्तथान्ये मम सैनिकाः । पातिताः प्रधने घोरे महाबलपराक्रमाः
इदानीं तिष्ठ मद्वीरान्तापयित्वा रणाङ्गणे । कुत्र यास्यसि भूमीश सहस्व मम सायकान्
इत्थमाकर्ण्य वीरस्य भाषितं सुरथो बली । जगाद रामपादाब्जं दधच्चेतसि शोभनम्
मया ते पातिताः सङ्ख्ये वीरा मारुतजोन्मुखाः । इदानीं पातयिष्यामि त्वामपि प्रधनाङ्गणे
स्मरस्व रामं यो वीरस्त्वामागत्य प्ररक्षति । अन्यथा जीवितं नास्ति मत्पुरः शत्रुतापन
इत्युक्त्वा बाणसाहस्रैस्तं जघान महीपतिः । शत्रुघ्नं शरसङ्घातपञ्जरे न्यदधात्परम्
शत्रुघ्नः शरसङ्घातं मुञ्चन्तं वह्निदैवतम् । अस्त्रं मुमोच दाहार्थं शराणां नतपर्वणाम्
तदस्त्रं मुक्तमालोक्य राजा वै सुरथो महान् । वारुणास्त्रेण शमयन्विव्याध शरकोटिभिः
chinne tasmiñchare rājā kopādanyaṃ samādade | chinatti yāvatsa śaraṃ tāvallagno hṛdi kṣataḥ
mūrcchā prāpa mahātejāḥ puṣkalo mahadadbhutam | yuddhaṃ vidhāya sumahadrājñā saha mahāmatiḥ
puṣkale patite rājñā śatrughnaḥ śatrutāpanaḥ | surathaṃ prati saṅkruddho jagāma syandanasthitaḥ
uvāca surathaṃ bhūpaṃ rāmabhrātā mahābalaḥ | tvayā mahatkṛtaṃ karma yadbaddhaḥ pavanātmajaḥ
puṣkalo'pi mahāvīrastathānye mama sainikāḥ | pātitāḥ pradhane ghore mahābalaparākramāḥ
idānīṃ tiṣṭha madvīrāntāpayitvā raṇāṅgaṇe | kutra yāsyasi bhūmīśa sahasva mama sāyakān
itthamākarṇya vīrasya bhāṣitaṃ suratho balī | jagāda rāmapādābjaṃ dadhaccetasi śobhanam
mayā te pātitāḥ saṅkhye vīrā mārutajonmukhāḥ | idānīṃ pātayiṣyāmi tvāmapi pradhanāṅgaṇe
smarasva rāmaṃ yo vīrastvāmāgatya prarakṣati | anyathā jīvitaṃ nāsti matpuraḥ śatrutāpana
ityuktvā bāṇasāhasraistaṃ jaghāna mahīpatiḥ | śatrughnaṃ śarasaṅghātapañjare nyadadhātparam
śatrughnaḥ śarasaṅghātaṃ muñcantaṃ vahnidaivatam | astraṃ mumoca dāhārthaṃ śarāṇāṃ nataparvaṇām
tadastraṃ muktamālokya rājā vai suratho mahān | vāruṇāstreṇa śamayanvivyādha śarakoṭibhiḥ
«Когда та стрела была рассечена, царь от гнева взял другую; и покуда тот рассекает стрелу, тем временем она вонзилась ему в грудь, и раненый великосиятельный Пушкала обрёл беспамятство — совершив великое, дивное, весьма великое сражение с царём, великоразумный. Когда Пушкала пал от царя, Шатругхна, опаляющий врагов, весьма разгневанный, двинулся на Суратху, стоя на колеснице. Сказал царю весьма сильный брат Рамы: „Тобою совершено великое дело — что связан сын Ветра. И великий герой Пушкала, и другие мои воины, великие силою и доблестью, повержены в грозной битве. Ныне стой, опалив моих героев; куда уйдёшь ты, о владыка земли? Стерпи мои стрелы“. Услышав так сказанное героем, сильный Суратха, держащий в сердце прекрасные лотосные стопы Рамы, сказал: „Мною повержены в битве твои герои во главе с сыном Маруты; повергну я на поле битвы и тебя. Вспомни Раму, который, придя, защитит тебя, — иначе нет тебе жизни предо мною, о опаляющий врагов“. Сказав так, владыка земли разил его тысячами стрел и заключил другого в клетку из груды стрел. Шатругхна, [видя] выпускающего груду стрел, метнул астру с божеством огня ради сожжения стрел с гнутыми сочленениями. Увидев ту выпущенную астру, великий царь Суратха, гася её варуна-астрой, пронзил его мириадами стрел.»
d3a2cd6921cb · опубликовано 3 сент. 2026 г., 04:13:47 UTC
Доступно наRUЛистайте стихи клавишами
Угрозу царь произносит странную для врага: вспомни Раму, иначе не уцелеешь. Это не насмешка — он и вправду знает, что спасает только это. Всё сражение здесь устроено так, чтобы противник позвал Раму первым.