नारद उवाच
इत्याकर्ण्य वचस्तस्य पुण्डरीको महामनाः । उवाच निजबन्धुं तं शृण्वतां निजसङ्गिनाम्
केन पुण्येन तीर्थेऽस्मिन्मृत्युर्भरत तेऽभवत् । यदि जानासि तद्ब्रूहि पापं विख्यातमेव ते
पुण्डरीक शृणुष्वेदं कथयामि तवाग्रतः । एतत्तीर्थप्रदं पुण्यं कृतं यदिह जन्मनि
एकदा तु धनं जित्वा समागच्छन्निजं गृहम् । अपश्यं मृतकं बालमनाथमापणे
निधाय तमहं मूर्ध्नि नीत्वा गङ्गातटे शुभे । वस्त्रादिभिरलङ्कृत्य चक्रे दाहादिसत्क्रियाम्
द्यूतेनोपार्जितं द्रव्यं तत्सर्वं व्ययितं मया । तेन पुण्येन प्राप्तं मे तीर्थमेतच्छुभावहम् । कुरु त्वं मम देहस्य संस्कारं दाहपूर्वकम्
संस्कारे विहिते राजन्भरतः पापवानपि । तीर्थस्यास्य प्रसादेन पुष्करस्य गतो दिवि
मासमेकं यथा विष्णुः पुण्डरीकगृहे हरिः । उवासास्य प्रसादेन तीर्थस्य शृणु साम्प्रतम् । अत्र तीर्थे स धर्मात्मा भरतस्यापि सद्गतिम् । दृष्ट्वेति हृदये मेने तीर्थमेतत्तु कामदम्
अत्रेति वाञ्छया सस्नौ पुण्डरीकः स पण्डितः । माघमासं स्वरूपेण हरिर्वसतु मे गृहे
एवं स्नात्वा सकामेन ययौ निजगृहं प्रति । तीर्थेऽत्र नृपतिश्रेष्ठ पुण्डरीकोऽखिलार्थदे
ityākarṇya vacastasya puṇḍarīko mahāmanāḥ | uvāca nijabandhuṃ taṃ śṛṇvatāṃ nijasaṅginām
kena puṇyena tīrthe'sminmṛtyurbharata te'bhavat | yadi jānāsi tadbrūhi pāpaṃ vikhyātameva te
puṇḍarīka śṛṇuṣvedaṃ kathayāmi tavāgrataḥ | etattīrthapradaṃ puṇyaṃ kṛtaṃ yadiha janmani
ekadā tu dhanaṃ jitvā samāgacchannijaṃ gṛham | apaśyaṃ mṛtakaṃ bālamanāthamāpaṇe
nidhāya tamahaṃ mūrdhni nītvā gaṅgātaṭe śubhe | vastrādibhiralaṅkṛtya cakre dāhādisatkriyām
dyūtenopārjitaṃ dravyaṃ tatsarvaṃ vyayitaṃ mayā | tena puṇyena prāptaṃ me tīrthametacchubhāvaham | kuru tvaṃ mama dehasya saṃskāraṃ dāhapūrvakam
saṃskāre vihite rājanbharataḥ pāpavānapi | tīrthasyāsya prasādena puṣkarasya gato divi
māsamekaṃ yathā viṣṇuḥ puṇḍarīkagṛhe hariḥ | uvāsāsya prasādena tīrthasya śṛṇu sāmpratam | atra tīrthe sa dharmātmā bharatasyāpi sadgatim | dṛṣṭveti hṛdaye mene tīrthametattu kāmadam
atreti vāñchayā sasnau puṇḍarīkaḥ sa paṇḍitaḥ | māghamāsaṃ svarūpeṇa harirvasatu me gṛhe
evaṃ snātvā sakāmena yayau nijagṛhaṃ prati | tīrthe'tra nṛpatiśreṣṭha puṇḍarīko'khilārthade
Услышав это его слово, великий духом Пундарика сказал своему брату при слушающих спутниках: «Каким благочестием, о Бхарата, случилась тебе смерть в этой тиртхе? Если знаешь, скажи; грех твой и так известен». — «О Пундарика, выслушай это; скажу пред тобою, какое благочестие, давшее мне эту тиртху, совершено мною в этом рождении. Однажды, выиграв деньги и возвращаясь в свой дом, я увидел на рынке мёртвого бесприютного ребёнка. Положив его себе на голову и отнеся на благой берег Ганги, я украсил его одеждами и прочим и совершил добрый обряд сожжения. Всё то достояние, нажитое игрою в кости, было мною истрачено; тем благочестием и обретена мною эта тиртха, несущая благо. Соверши же и ты обряд сожжения моего тела». Когда обряд был совершён, о царь, Бхарата, хоть и грешный, милостью этой тиртхи Пушкары ушёл на небо. А как Вишну, Хари, месяц прожил в доме Пундарики милостью этой тиртхи, слушай ныне. Увидев благую участь даже Бхараты, тот праведный счёл в сердце: «Эта тиртха даёт желаемое». И с такою мольбою учёный Пундарика омылся здесь: «Пусть Хари в собственном облике поживёт месяц магха в моём доме». Омывшись так с желанием, он ушёл к своему дому, о лучший из царей, — из этой тиртхи, дающей все цели.
205d0fb1f0db · опубликовано 3 сент. 2026 г., 04:14:05 UTC
Доступно наRUЛистайте стихи клавишами
Единственное доброе дело за всю жизнь — похороны чужого мёртвого ребёнка на выигранные в кости деньги. Именно оно, а не что-либо ещё, привело его умирать туда, где смерть даёт небо.