ईश्वर उवाच
इत्युक्तस्तेन राज्ञाह जमदग्निर्महातपाः
न देया शबला राजन्मया तव महीपते । इयं च देवदेवेन शक्रेण परिपालिता । देवतानां धनं राजन्दातव्यं स्यात्कथं मया
इत्युक्तः स तदा राजा क्रोधेन कलुषीकृतः । बलाज्जग्राह शबलां सर्वसैन्यसमावृतः
ततः क्रुद्धा महाभागा शबला वरवर्णिनि । जघान तस्य सैन्यानि शृङ्गैः खुरतलैरपि
घातयित्वा मुहूर्तेन तत्सैन्यं शबला बलात् । अन्तर्धानं गता देवी ययौ शक्रान्तिकं क्षणात्
स्वसैन्यं निहतं दृष्ट्वा सोऽर्जुनः क्रोधमूर्च्छितः । मुष्टिना ताडयामास भार्गवं द्विजसत्तमम्
ताडितस्तेन बहुशो विकलाङ्गः प्रकल्पितः । पपात सहसा भूमौ ममार द्विजसत्तमः
हत्वा मुनिवरं तत्र पापात्मा हैहयाधिपः । महासैन्यपरीवारो विवेश नगरं स्वकम्
ityuktastena rājñāha jamadagnirmahātapāḥ
na deyā śabalā rājanmayā tava mahīpate | iyaṃ ca devadevena śakreṇa paripālitā | devatānāṃ dhanaṃ rājandātavyaṃ syātkathaṃ mayā
ityuktaḥ sa tadā rājā krodhena kaluṣīkṛtaḥ | balājjagrāha śabalāṃ sarvasainyasamāvṛtaḥ
tataḥ kruddhā mahābhāgā śabalā varavarṇini | jaghāna tasya sainyāni śṛṅgaiḥ khuratalairapi
ghātayitvā muhūrtena tatsainyaṃ śabalā balāt | antardhānaṃ gatā devī yayau śakrāntikaṃ kṣaṇāt
svasainyaṃ nihataṃ dṛṣṭvā so'rjunaḥ krodhamūrcchitaḥ | muṣṭinā tāḍayāmāsa bhārgavaṃ dvijasattamam
tāḍitastena bahuśo vikalāṅgaḥ prakalpitaḥ | papāta sahasā bhūmau mamāra dvijasattamaḥ
hatvā munivaraṃ tatra pāpātmā haihayādhipaḥ | mahāsainyaparīvāro viveśa nagaraṃ svakam
Так спрошенный тем царём, Джамадагни, великий подвижник, сказал: «Не должна быть дана мною тебе Шабала, о царь, о владыка земли. Она хранима богом богов Шакрою; как было бы отдано мною достояние божеств, о царь?» Услышав это, тот царь, помрачённый гневом, окружённый всем войском, силою захватил Шабалу. Тогда разгневанная многосчастливая Шабала, о прекрасная цветом, сразила его войска рогами и копытами; перебив в мгновение то войско силою, богиня ушла в исчезновение и мгновенно отправилась к Шакре. Увидев своё войско сражённым, тот Арджуна, обеспамятевший от гнева, ударил кулаком потомка Бхригу, лучшего из дваждырождённых. Многократно избитый им, с изувеченным телом, лучший из дваждырождённых внезапно пал на землю и умер. Убив там лучшего из мудрецов, злодушный владыка хайхаев, окружённый великим войском, вошёл в свой город.
e53bb2a0e636 · опубликовано 3 сент. 2026 г., 04:14:07 UTC
Доступно наRUЛистайте стихи клавишами
Корова уходит сама, целой и невредимой, — отнять её у царя не вышло. Убийство поэтому даже не приносит добычи: остаётся одно голое злодеяние, за которое придётся отвечать, и ни малейшей выгоды от него.