मच्छन्दाद् एव ते ब्रह्मन् प्रवृत्तेयं सरस्वती । रामस्य चरितं कृत्स्नं कुरु त्वम् ऋषिसत्तम ॥
धर्मात्मनो गुणवतो लोके रामस्य धीमतः । वृत्तं कथय धीरस्य यथा ते नारदाच् छ्रुतम् ॥
रहस्यं च प्रकाशं च यद् वृत्तं तस्य धीमतः । रामस्य सह सौमित्रे राक्षसानां च सर्वशः ॥
वैदेह्याश् चैव यद् वृत्तं प्रकाशं यदि वा रहः । तच् चाप्य् अविदितं सर्वं विदितं ते भविष्यति ॥
न ते वाग् अनृता काव्ये का चिद् अत्र भविष्यति । कुरु राम कथां पुण्यां श्लोकबद्धां मनोरमाम् ॥
यावत् स्थास्यन्ति गिरयः सरितश् च महीतले । तावद् रामायणकथा लोकेषु प्रचरिष्यति ॥
यावद् रामस्य च कथा त्वत्कृता प्रचरिष्यति । तावद् ऊर्ध्वम् अधश् च त्वं मल्लोकेषु निवत्स्यसि ॥
इत्य् उक्त्वा भगवान् ब्रह्मा तत्रैवान्तरधीयत । ततः सशिष्यो वाल्मीकिर् मुनिर् विस्मयम् आययौ ॥
तस्य शिष्यास् ततः सर्वे जगुः श्लोकम् इमं पुनः । मुहुर् मुहुः प्रीयमाणाः प्राहुश् च भृशविस्मिताः ॥
समाक्षरैश् चतुर्भिर् यः पादैर् गीतो महर्षिणा । सो ऽनुव्याहरणाद् भूयः शोकः श्लोकत्वम् आगतः ॥
तस्य बुद्धिर् इयं जाता वाल्मीकेर् भावितात्मनः । कृत्स्नं रामायणं काव्यम् ईदृशैः करवाण्य् अहम् ॥
उदारवृत्तार्थपदैर् मनोरमैस्; तदास्य रामस्य चकार कीर्तिमान् । समाक्षरैः श्लोकशतैर् यशस्विनो; यशस्करं काव्यम् उदारधीर् मुनिः ॥
macchandād eva te brahman pravṛtteyaṃ sarasvatī | rāmasya caritaṃ kṛtsnaṃ kuru tvam ṛṣisattama ||
dharmātmano guṇavato loke rāmasya dhīmataḥ | vṛttaṃ kathaya dhīrasya yathā te nāradāc chrutam ||
rahasyaṃ ca prakāśaṃ ca yad vṛttaṃ tasya dhīmataḥ | rāmasya saha saumitre rākṣasānāṃ ca sarvaśaḥ ||
vaidehyāś caiva yad vṛttaṃ prakāśaṃ yadi vā rahaḥ | tac cāpy aviditaṃ sarvaṃ viditaṃ te bhaviṣyati ||
na te vāg anṛtā kāvye kā cid atra bhaviṣyati | kuru rāma kathāṃ puṇyāṃ ślokabaddhāṃ manoramām ||
yāvat sthāsyanti girayaḥ saritaś ca mahītale | tāvad rāmāyaṇakathā lokeṣu pracariṣyati ||
yāvad rāmasya ca kathā tvatkṛtā pracariṣyati | tāvad ūrdhvam adhaś ca tvaṃ mallokeṣu nivatsyasi ||
ity uktvā bhagavān brahmā tatraivāntaradhīyata | tataḥ saśiṣyo vālmīkir munir vismayam āyayau ||
tasya śiṣyās tataḥ sarve jaguḥ ślokam imaṃ punaḥ | muhur muhuḥ prīyamāṇāḥ prāhuś ca bhṛśavismitāḥ ||
samākṣaraiś caturbhir yaḥ pādair gīto maharṣiṇā | so 'nuvyāharaṇād bhūyaḥ śokaḥ ślokatvam āgataḥ ||
tasya buddhir iyaṃ jātā vālmīker bhāvitātmanaḥ | kṛtsnaṃ rāmāyaṇaṃ kāvyam īdṛśaiḥ karavāṇy aham ||
udāravṛttārthapadair manoramais; tadāsya rāmasya cakāra kīrtimān | samākṣaraiḥ ślokaśatair yaśasvino; yaśaskaraṃ kāvyam udāradhīr muniḥ ||
Брахма сказал: «О святой мудрец, эта речь возникла у тебя именно по моей воле. О лучший из риши, составь полную историю Рамы. Расскажи историю мудрого, стойкого и добродетельного Рамы, чья природа — дхарма, так, как ты услышал её от Нарады. Всё тайное и явное, что произошло с мудрым Рамой и Саумитри, всё, что случилось с ракшасами, и всё явное или скрытое, что произошло с Вайдехи, станет известно тебе, даже если теперь оно неведомо. Ни одно твоё слово в этой поэме не будет ложным. Составь святую, приятную сердцу повесть о Раме, связанную шлоками. Пока горы и реки будут стоять на земле, до тех пор повесть Рамаяны будет распространяться в мирах. Пока созданная тобой повесть о Раме будет идти, до тех пор ты будешь пребывать в моих мирах, вверху и внизу». Сказав это, Господь Брахма исчез в том самом месте, и Вальмики вместе с учеником пришёл в изумление. Затем все его ученики снова и снова с радостью пропевали эту шлоку и, глубоко поражённые, говорили: «То, что было пропето великим риши четырьмя строками с равными слогами, от повторного произнесения стало шлокой: скорбь пришла к форме стиха». Тогда у очищенной души Вальмики родился замысел: «Я составлю всю Рамаяну как поэму такими стихами». И тогда славный, благородномыслящий муни создал приносящую славу поэму о прославленном Раме сотнями равносложных шлок, с возвышенным размером, смыслом и словами, приятными уму.
7d6fd3e0f17c · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Брахма раскрывает источник авторитета Рамаяны: поэма будет не выдумкой и не украшенной легендой, а правдивым видением жизни Рамы, включая явное и скрытое. Слово Вальмики получает обет истины. Поэтому Рамаяна становится не только литературой, но и священным проводником памяти о Раме, пока стоят горы и текут реки. Скорбь, очищенная состраданием и подтверждённая Брахмой, становится поэзией, которая несёт дхарму через века.