अथ हृष्टमना राजा विश्वामित्रं महामुनिम् । उवाच परमोदारो हृष्टस् तम् अभिपूजयन् ॥
यथामृतस्य संप्राप्तिर् यथा वर्षम् अनूदके । यथा सदृशदारेषु पुत्रजन्माप्रजस्य च । प्रनष्टस्य यथा लाभो यथा हर्षो महोदये । तथैवागमनं मन्ये स्वागतं ते महामुने ॥
कं च ते परमं कामं करोमि किम् उ हर्षितः । पात्रभूतो ऽसि मे विप्र दिष्ट्या प्राप्तो ऽसि धार्मिक । अद्य मे सफलं जन्म जीवितं च सुजीवितम् ॥
पूर्वं राजर्षिशब्देन तपसा द्योतितप्रभः । ब्रह्मर्षित्वम् अनुप्राप्तः पूज्यो ऽसि बहुधा मया ॥
तद् अद्भुतम् इदं विप्र पवित्रं परमं मम । शुभक्षेत्रगतश् चाहं तव संदर्शनात् प्रभो ॥
ब्रूहि यत् प्रार्थितं तुभ्यं कार्यम् आगमनं प्रति । इच्छाम्य् अनुगृहीतो ऽहं त्वदर्थपरिवृद्धये ॥
कार्यस्य न विमर्शं च गन्तुम् अर्हसि कौशिक । कर्ता चाहम् अशेषेण दैवतं हि भवान् मम ॥
इति हृदयसुखं निशम्य वाक्यं; श्रुतिसुखम् आत्मवता विनीतम् उक्तम् । प्रथितगुणयशा गुणैर् विशिष्टः; परम ऋषिः परमं जगाम हर्षम् ॥
atha hṛṣṭamanā rājā viśvāmitraṃ mahāmunim | uvāca paramodāro hṛṣṭas tam abhipūjayan ||
yathāmṛtasya saṃprāptir yathā varṣam anūdake | yathā sadṛśadāreṣu putrajanmāprajasya ca | pranaṣṭasya yathā lābho yathā harṣo mahodaye | tathaivāgamanaṃ manye svāgataṃ te mahāmune ||
kaṃ ca te paramaṃ kāmaṃ karomi kim u harṣitaḥ | pātrabhūto 'si me vipra diṣṭyā prāpto 'si dhārmika | adya me saphalaṃ janma jīvitaṃ ca sujīvitam ||
pūrvaṃ rājarṣiśabdena tapasā dyotitaprabhaḥ | brahmarṣitvam anuprāptaḥ pūjyo 'si bahudhā mayā ||
tad adbhutam idaṃ vipra pavitraṃ paramaṃ mama | śubhakṣetragataś cāhaṃ tava saṃdarśanāt prabho ||
brūhi yat prārthitaṃ tubhyaṃ kāryam āgamanaṃ prati | icchāmy anugṛhīto 'haṃ tvadarthaparivṛddhaye ||
kāryasya na vimarśaṃ ca gantum arhasi kauśika | kartā cāham aśeṣeṇa daivataṃ hi bhavān mama ||
iti hṛdayasukhaṃ niśamya vākyaṃ; śrutisukham ātmavatā vinītam uktam | prathitaguṇayaśā guṇair viśiṣṭaḥ; parama ṛṣiḥ paramaṃ jagāma harṣam ||
Затем радостный умом, в высшей степени великодушный царь, почитая великого мудреца Вишвамитру, сказал ему: «О великий мудрец, твой приход я считаю таким же благом, как обретение амриты, как дождь в безводном месте, как рождение сына у бездетного от достойных жён, как возвращение утраченного и как радость при великой удаче. Добро пожаловать тебе. Какое твоё высшее желание мне исполнить? Что я, радостный, должен сделать? О брахман, ты достоин для меня высшего почёта; к счастью, ты пришёл, о праведный. Сегодня моё рождение стало плодотворным, и моя жизнь прожита достойно. Прежде ты сиял как царственный риши, но тапасом достиг состояния брахмарши; во многих отношениях ты достоин моего почитания. О брахман, эта встреча с тобой чудесна, свята и величайша для меня; благодаря лицезрению тебя, о владыка, я оказался на благой почве. Скажи, какое дело ты желаешь ради своего прихода. Я хочу, будучи облагодетельствованным, послужить возрастанию твоей цели. О Каушика, тебе не следует входить в сомнение о деле: я исполню его полностью, ведь ты для меня — божество». Услышав эту смиренную речь самообузданного царя, приятную сердцу и слуху, великий риши, прославленный добродетелями и славой, отличающийся качествами, пришёл в великую радость.
2fba1cb64296 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Дашаратха встречает Вишвамитру с предельной готовностью служить: ещё не зная просьбы, он обещает исполнить её полностью. Эта щедрость станет испытанием, потому что просьба коснётся Рамы. Так стих готовит напряжение между отцовской привязанностью и обязанностью перед святым мудрецом.