मुनेर् वचनम् अक्लीबं श्रुत्वा नरवरात्मजः । राघवः प्राञ्जलिर् भूत्वा प्रत्युवाच दृढव्रतः ॥
पितुर् वचननिर्देशात् पितुर् वचनगौरवात् । वचनं कौशिकस्येति कर्तव्यम् अविशङ्कया ॥
अनुशिष्टो ऽस्म्य् अयोध्यायां गुरुमध्ये महात्मना । पित्रा दशरथेनाहं नावज्ञेयं च तद् वचः ॥
सो ऽहं पितुर् वचः श्रुत्वा शासनाद् ब्रह्म वादिनः । करिष्यामि न संदेहस् ताटकावधम् उत्तमम् ॥
गोब्राह्मणहितार्थाय देशस्यास्य सुखाय च । तव चैवाप्रमेयस्य वचनं कर्तुम् उद्यतः ॥
एवम् उक्त्वा धनुर्मध्ये बद्ध्वा मुष्टिम् अरिंदमः । ज्याशब्दम् अकरोत् तीव्रं दिशः शब्देन पूरयन् ॥
muner vacanam aklībaṃ śrutvā naravarātmajaḥ | rāghavaḥ prāñjalir bhūtvā pratyuvāca dṛḍhavrataḥ ||
pitur vacananirdeśāt pitur vacanagauravāt | vacanaṃ kauśikasyeti kartavyam aviśaṅkayā ||
anuśiṣṭo 'smy ayodhyāyāṃ gurumadhye mahātmanā | pitrā daśarathenāhaṃ nāvajñeyaṃ ca tad vacaḥ ||
so 'haṃ pitur vacaḥ śrutvā śāsanād brahma vādinaḥ | kariṣyāmi na saṃdehas tāṭakāvadham uttamam ||
gobrāhmaṇahitārthāya deśasyāsya sukhāya ca | tava caivāprameyasya vacanaṃ kartum udyataḥ ||
evam uktvā dhanurmadhye baddhvā muṣṭim ariṃdamaḥ | jyāśabdam akarot tīvraṃ diśaḥ śabdena pūrayan ||
Услышав мужественную речь мудреца, царский сын Рагхава, твёрдый в обете, сложил ладони и ответил: «По указанию моего отца, из уважения к слову отца, повеление Каушики должно быть исполнено без сомнения. В Айодхье мой великодушный отец Дашаратха наставил меня в присутствии гуру, и этим словом нельзя пренебречь. Поэтому, услышав повеление отца и приказ знатока священного слова, я, без сомнения, совершу должное сражение Татаки. Ради блага коров и брахманов, ради счастья этой страны и ради исполнения твоего повеления, о непостижимый, я готов». Сказав так, усмиритель врагов сжал хват в середине лука и издал резкий звон тетивы, наполнив звуком все стороны света.
16bacec0a88e · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Рама принимает действие не из личной вражды, а из послушания отцу, уважения к гуру и заботы о земле. Его решимость укоренена в дхарме: защита коров, брахманов и страны соединяется с исполнением слова Дашаратхи и Вишвамитры.