तप्यमाने तपो देवे देवाः सर्षिगणाः पुरा । सेनापतिम् अभीप्सन्तः पितामहम् उपागमन् ॥
ततो ऽब्रुवन् सुराः सर्वे भगवन्तं पितामहम् । प्रणिपत्य शुभं वाक्यं सेन्द्राः साग्निपुरोगमाः ॥
यो नः सेनापतिर् देव दत्तो भगवता पुरा । स तपः परम् आस्थाय तप्यते स्म सहोमया ॥
यद् अत्रानन्तरं कार्यं लोकानां हितकाम्यया । संविधत्स्व विधानज्ञ त्वं हि नः परमा गतिः ॥
देवतानां वचः श्रुत्वा सर्वलोकपितामहः । सान्त्वयन् मधुरैर् वाक्यैस् त्रिदशान् इदम् अब्रवीत् ॥
शैलपुत्र्या यद् उक्तं तन् न प्रजास्यथ पत्निषु । तस्या वचनम् अक्लिष्टं सत्यम् एव न संशयः ॥
इयम् आकाशगा गङ्गा यस्यां पुत्रं हुताशनः । जनयिष्यति देवानां सेनापतिम् अरिंदमम् ॥
ज्येष्ठा शैलेन्द्रदुहिता मानयिष्यति तं सुतम् । उमायास् तद् बहुमतं भविष्यति न संशयः ॥
तच् छ्रुत्वा वचनं तस्य कृतार्था रघुनन्दन । प्रणिपत्य सुराः सर्वे पितामहम् अपूजयन् ॥
tapyamāne tapo deve devāḥ sarṣigaṇāḥ purā | senāpatim abhīpsantaḥ pitāmaham upāgaman ||
tato 'bruvan surāḥ sarve bhagavantaṃ pitāmaham | praṇipatya śubhaṃ vākyaṃ sendrāḥ sāgnipurogamāḥ ||
yo naḥ senāpatir deva datto bhagavatā purā | sa tapaḥ param āsthāya tapyate sma sahomayā ||
yad atrānantaraṃ kāryaṃ lokānāṃ hitakāmyayā | saṃvidhatsva vidhānajña tvaṃ hi naḥ paramā gatiḥ ||
devatānāṃ vacaḥ śrutvā sarvalokapitāmahaḥ | sāntvayan madhurair vākyais tridaśān idam abravīt ||
śailaputryā yad uktaṃ tan na prajāsyatha patniṣu | tasyā vacanam akliṣṭaṃ satyam eva na saṃśayaḥ ||
iyam ākāśagā gaṅgā yasyāṃ putraṃ hutāśanaḥ | janayiṣyati devānāṃ senāpatim ariṃdamam ||
jyeṣṭhā śailendraduhitā mānayiṣyati taṃ sutam | umāyās tad bahumataṃ bhaviṣyati na saṃśayaḥ ||
tac chrutvā vacanaṃ tasya kṛtārthā raghunandana | praṇipatya surāḥ sarve pitāmaham apūjayan ||
Когда бог Махадева в древности совершал аскезу, боги вместе с сонмами риши, желая получить военачальника, пришли к Прародителю. Все боги во главе с Индрой и Агни поклонились почтенному Брахме и сказали благую речь: «О бог, военачальник, которого ты прежде назначил нам, принял высшую аскезу и подвижничаeт вместе с Умой. Ради блага миров устрой, что теперь следует сделать, о знаток порядка, ведь ты наше высшее прибежище». Услышав слова богов, Прародитель всех миров мягкими речами успокоил их и сказал: «То, что сказала дочь горы, — что вы не породите потомства в своих жёнах, — её слово истинно, без сомнения. Но эта небесная Ганга: в ней Агни породит сына, военачальника богов и усмирителя врагов. Старшая дочь владыки гор признает этого сына, и это будет дорого Уме, без сомнения». Услышав его слово, боги, достигшие цели, поклонились Прародителю и почтили его, о радость Рагху.
d6c7be553019 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Брахма не отменяет проклятие Умы, а указывает путь, который не нарушает её слова. Рождение защитника богов должно прийти через Гангу и Агни, то есть через очищение, жертвенный огонь и космический порядок.